تخطى إلى المحتوى

اريد تفسير لحلمي اكرمكم الله

  • بواسطة

السلام عليكم ورحمة ط§ظ„ظ„ظ‡ وبركاته

انا اسمي منى وابلغ من العمر 21 سنه
الحاله عزباء

شفت حلم وتكرر علي ثلاث مرات وفيه اختلاف بسيط
وبين كل حلم وحلم شهور بس مااذكر كم عددها

الحلم الاول :
اتصال من شخص اسمه محمد انا اكون بالبيت واجيب على الاتصال
ويقول هذا الشخص انتظريني انا الحين جاي
مع العلم ان هذا الشخص كان في بلد اخر
بعد مااقفل المكالمه يدق الباب وامي واختي يفتحون الباب
ويجون وهم يبشروني انو محمد جانا
ويوم اطلع وانا في قمة الفرح ما احصل نفس الشخص الي هو محمد الغريب
اشوف الشخص محمد ولد واخته سعاد
محمد يكون مبتسم ولابس بدله جميله وجديده ولونها رصاصي مايل للسواد واخته تدخل معاه وهي متضايقه ومعبسه كأنها مو طايقتني
ويوم اشوفهم اتفاجئ
انه مو نفس الشخص الي كان يوعدني انه جاي

الحلم الثاني :
تجيني مكالمه من نفس الغريب الي اسمه محمد
ويقول انا جاي بالطريق بسياره بيضا
انزلي وخليكي عند الباب
انا اطلع من الشقه وانا مبسوطه وفي قمة الفرح
يو انزل تحت وانتظر والجو يكون الصباح بس قبل ظهور الشمس
اشوف سياره بيضه شكلها جميل وانيق بس الي ينزل منها يكون محمد ولد عمي وليس محمد الغريب واخته سعاد تطلع بعده ، محمد يكون لابس بدله بيضا وانيقه ومبتسم ومبسوط واخته سعاد تنزل وهي متضايقه واحسها مو طايقتني ومنزعجه مني ويتجهون نحوي
وانا اتفاجىء من المنظر

الحلم الثالث :
انا اكون منتظره نفس الشخص(محمد الغريب) بس بدون مايتصل او يبلغني واجلس انتظر بالبيت ويوم دق الباب اجري فرحانه احسبه محمد الغريب واتفاجىء انه ولد خالي مع العلم ان ولد خالي عايش في امريكا مو عندنا في السعوديه
افتح الباب واستقبله وادخله بالمجلس ويجلس واكون منحرجه لان البيت كان محيوس شوي ومو مرتب بعدها يدق الباب واروح اشوف محمد ولد عمي واخته سعاد يدخلون البيت ، محمد يكون مبتسم ولبسه هالمره يكون عادي واخته تدخل معاه بس تتصنع التبسم في وجهي وبداخلها مو طايقتني ، فأقول لمحمد تفضل بالمجلس
(نفس المكان الي فيه ولد خالي ) وولد خالي اول مايشوفه يبدا ينزعج ويتضايق وينقلب مزاجه وسعاد شفتها تتسحب لغرفتي وتوقف عند عتبة باب الغرفه وتكون داسه تحت عبايتها حيه بس تشبه افعى الكُبرى وتكون بيضه وعيونها حمرا وبارزه وامر من قدام سعاد بس كأنها مغشي على عينها وماتشوفني وانا الحق مسار الحيه
وكنت الحقها لين وصلت لجهة سريري الي انام فيه والقاها تختبيء خلف السرير. ومضى على هذه الاحلام تقريبا سنه بس شاغلتني

*وقت حدوث الحلم
الصباح بس مو عارفه الوقت الظبط

*تاريخ تقريبي للرؤية :
قديمه تقريبا لها سنه

*الحاله الدينيه :
عاديه

*الحاله الاجتماعيه: كنت مخطوبه والحين عزباء

*المهنه : لاتوجد

*حالتك قبل النوم.: كنت خالية البال ماكان شي ببالي يرتبط بالاحلام

* ذكر هل انت ــي على رقيا ام لا.:.فان من اهم الامور التي تغير التعبير كافه في رموزه وتوضحه اكثر ان ذكرت ــي هل كنت ـي على رقيا ام لا وان كنت ـي على رقيا ارجو ذكر برنامجك لو بشكل مختصر(( يقصد بالرقي برنامج من القران مخصص لعين او السحر او ماشابه ))
كنت على رقيه في فترة خطوبتي لاني كنت اواجه مشكله اثناء قرائتي للقران
اذا مسكت المصحف وبديت اقرا يجني خمول وكسل وانام غصب عني
وبعد ماشفت حالتي تحسنت شوي تركت الرقيه مع العلم انا كنت اراجع شيخ يرقى علي
وقال انها اعراض حسد والله اعلم والاعراض هذي كنت اعاني منها من فترة الدراسه وانا صغيره

وبالنسبه لمحمد الغريب يااستاذي هو شخص احببته وتمنيته بالحلال
ومحمد ولد عمي بعدهذه الاحلام بشهور طويله انخطبت له بس لم اكمل معه
لاني كنت استخير كثير وكل مره كنت اواجه تعسر في الامور وضيقه بالصدر كل ما استخير تزيد
وغير كذا ماكان ارتاح لاهل محمد الي خطبني بدون سبب مو عارفه ليه
وفي الفتره الاخيره وانا مخطوبه كنت اعاني من حراره داخل جسدي في البطن والصدر وماتشمل باقي الجسم كان تجيني كل صباح وانا نايمه بعد ماانفصلت والغيت الخطوبه ماصارت تجيني

مشكور استاذي والله يعطيك العافيه على مجهودك ومساعدتك

بس عندي فضول اني شفت محمد الغريب و خليل ابن خالي بالحلم مالهم تفسير ؟

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.