تفسير حلم البدلة

السلام عليكم ورحمة الله وبركاته

2- العمر/ 27 سنة
3- العمل/ موظفة حكومية
4- الحالة الاجتماعية/ غير متزوجة
5- الحالة الصحية/ جيدة الحمدلله
6- بلد الاقامة /مصر
7-هلا يوجد اطفال – لا
8-وقت الرؤيا/ قبل الفجر
9-الإلتزام بأمور الدين والصلاة ./ غير ملتزمة بالصلاة
10- كم مضى على الرؤيا / ليلة واحدة

حلمت انى راكية سيارة مع والدى والدتى واخواتى ( بس فى الحلم والدى ووالدتى مكنوش هما اللى فى الواقع كانو ناس تانية وانا وحيدة معنديش اخوات) وكانت السيارة بيضاء صغيرة ووقفنا عند جراج ونزلنا ننزل الحاجات بتاعتنا من السيارة والوقت ده كان معانا شاب ( هو فى الحقيقة هيتقدم للزواج منى مع العلم انه متزوج ولديه طفل على انى اكون زوجة ثانية له بس لسه اهلى ميعرفوش الموضوع) كان واقف معانا بيساعدنا فى تنزيل حاجتنا من السيارة وانا كنت عايزة اقف معاه بس مش عارفة منهم ومحروجة فقولتلهم ادخلو المول اللى جنبا ده وانا هعمل حاجة واجيلكو فعلا دخلو كلهم وكان فى باب صغير من الجراج بيدخل على حوش مدرسة واسع نص الحوش ده فيه ترابيزات وكل ترابيزة عليها كوبيتين او اربعة من العصير تقريبا كان برتقال عشان لونه وكان فى اماكن فاضية كتير يعنى تقريبا ربع الترابيزات بس هى اللى كان عليها ناس وكان فى ترابيزة قاعد عليها واحد زميلى فى المدرسة هو مسيحي وكان لابس بدلة وقاعد مع واحد وفى اخر ترابيزة كان قاعد الشاب ( اللى هيتقدملى) لابس بدلة وقاعد باصصلى ومبتسم وانا دخلت قعدت معاه على نفس الترابيزة وكان قدامى العصير وانا كان كل تفكيرى ازاى المكان ده يحطو كده عصير واحنا فى رمضان وكنت خايف حد من اهلى يشفنى من الباب الصغير وانا قاعدة معاه فكنت قاعدة اقوله يالا مش هقدر اقعد كتير عشان محدش يشفنا.

ارجو تفسير حلمى مع العلم ان هذا الشاب متغيب عنى من يومين ولم اعلم ماذا به
ارجو الافادة
وجزاكم الله كل خير ,,,

رؤيا من الشيطان توضي وصلي وعليك بالصيام من كل شهر صومي 6 ايام وراح تتزوجين برجل اخير من الذي سوف يتقدملك

اللهم اجعله خير ان شاء الله

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.