حامل وعايزة اعرف نوع الجنين من احلامى

  • بواسطة

بسم الله الرحمن الرحيم

انا سيدة ط­ط§ظ…ظ„ فى الشهر الخامس

احلم طول الوقت بانى حامل ببنت

الحلم الاول
حلمت انى رايحة مشوار وقابلت بنت شابة ماعرفهاش شايلة كتب لسة مطبوعة ورايحة تبيعا طلبا للرزق
فشفقت عليها من تقل الكتب فاخذت منها 3 كتب وهى شالت زيهم (كتاب كبير وكتاب متوسط واخر صغير وكلهم مغلفين)
المهم روحت معاها عشان اساعدها فدخلت مول كبير وقابلت زوجى ووقفنا نتفرج على حلى وكنت عايزة اشترى حلق بس لقيت الموجود كله موضة قديمة ولم اشترى ، ورجعت للبنت تانى وكانت اختى واقفة معانا ، والبنت لم توفق فى بيع الكتب فقررت انها تهدى الكتاب الكبير لى والمتوسط لزوجى والصغير لاختى
وفوجئنا ان الكتب دى ما هى الا مصاحف وكنت سعيدة
وصحيت من النوم اقول انا حاجيب بنت وحاسميها ريتال

الحلم التانى
حلمت انى شايلة البنت اللى حامل فيها على ايدى ومش عارفة جنسها حتى لما بغيرلها ، روحت لواحدة صاحبة امى (الله يرحم امى – وكانت بتحبها جدا) وسألتها ايه نوع البيبى قالتلى انها بتبص فى بطن القدم تعرف على طول ، وبعدين شافت بطن قدمها وضحكت وقالتلى بنت وكنت سعيدة جدا بالخبر ده

الحلم الثالث
شوفت ابى الله يرحمه هو وامى الله يرحمها قاعدين معنا انا واخواتى و بابا انار نور الاوضة اللى كنا قاعدين فيها وكان جايب معاه هدايا
واخذ من اخواتى الرجال موقدين يعملوا بالكيروسين (للتدفئة) وابدلها لهم بدفايات او معاطف (لا اتذكر) واخد الكيروسين اللى فى المواقد عشان يجيبلى بيه فستان العام القادم لانى احب الفساتين
مع العلم بانى سوف الد فى شهر 3 او 4 العام القادم

وروحت للطبيب المتابع للحمل وقالى احتمال 80% انجب ولد بس مش متأكد

افيدونى بالله عليكم بتفسير احلامى

والسلام عليكم ورحمة الله وبركاته

يا جماعة حد يرد عليا من المفسرين ارجوكم

ايه يا جماعة
هو مافيش مفسرين على الصفحة ولا ايه

اعملي سوناروتعرفي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.