حلم

  • بواسطة

السلام عليكم ورحمه الله وبركاته
حلمت خير اللهم اجعله خير يارب
انى قاعده مع بنت خالتى واسمها هبه وصاحبتها اسمها ريهام وهما بيجهزونى علشان فرحى وبيحطولى مكياج ( فى الحقيقه انا بنت خالتى كلامى معاها قليل وصاحبتها اعرفها شكلا بس مش بنتكلم خالص)
وفعلا لبست فستان الفرح والحجاب بس مكنتش حطيت مكياج وانا فى الحلم بقول لنفسى هو عريسى شكله ايه انا مش فاكراه خالص وبعدها بفتره لقيت بابا جاى بيقولى يلا علشان هيكتبوا الكتاب وجابلى كام صوره اشوف العريس منهم وكان صوره مامته وباباه كمان
انا شفت الصور وقلت هو مين العريس دا الراجلين قريبين من بعض فى السن والاتنين اكبر منى اوى قلت لبابا روح اسالهم مين العريس وراح سالهم وجه ورانى صورته
لفيته كبير اوى قلتله لا مينفعش ولما راح قالهم ردى مامته زعلت واتضايقت وكانت جايه تخانقنى وتشكر فيه وف اخلاقه قلتلها هو يعنى كام سنه قالتلى 54 وهى مكسوفه انه كبير عليا اوى قلتلها معلش مينفعش
قالتلى طيب ياحبيبتى براحتك ومشت وهى مش زعلانه وانا بعد ما مشيوا قلت انا مش هزعل وهحمد ربنا على كل حال وفعلا حمدته
الحاله انسه ومتدينه الحمد لله
العمر 29 سنه
الحلم من 3 ايام
الوظيفه مدرسه
والرؤيه كانت قبل الضهر بشويه
وحالتى قبل النوم كنت عاديه

شكرا لحضرتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.