فسرووووا حلمي .

  • بواسطة

بسم الله الرحمن الرحيم
السلام عليكم ورحمة الله وبركاته
تحلمت انو في رجال جاء خطبني احس عمره في ال30 يعني اشوي كبير بس ما اعرفه واشوف انه من قبيلة اخرى يعني مو من نفس قبيلتنا
مرة احس انه هو الي بيتزوجني مرة احس انه ابو العريس وانا بالمرة فرحانة
وبعدين اشوف الرجال الي بده يتزوجني قالي تعالي اركبي السيارة عشان نروح العرس قصده زواجي انا وهو وانا قلت في نفسي يالله بالمرة طيب وبالمرة حبيته
واشوفه مربي لحية ولونها رمادي وفيها اشوية لون ابيض
واشوفني لابسة عباية على الكتف وطرحة
وبعدين اشوفني فتحت باب السيارة وجلست وبعدين ابوي قال لا لازم بنتي تروح معي بالسيارة فنزلت من سيارة عريسي ورحت عند ابوي واشوف انو سيارة ابوي لونها احمر بس ما اعرف شو اسمها المهم انو حجم السيارة صغير والعريس سيارته جيب لونها بني فاتح وحجم السيارة كبير
بعدين فجأة اشوفني لوحد في سيارة جيب لونها اسود اشوف لونها اسود وانا لابسة عباية على الرأس ولابسة غطاية على وجهي واشوف اني قاعدة اسوقها وبعدين اشوف اني وصلت القصر الي فيه زواجي
واشوف حريم كثيرات واقفين خارج القصر اشوفهم لابسين فساتين وحاطين مكياج بوجهم وحاطين شنطهم وعبايتهم على جنب في الشارع
واشوف انو انا فسخت الغطاية الي على وجهي والقفازات الي كانت على يدي
بعدين اشوف انه ضاعت غطايتي و فقازاتي وقاعدة ادور لها بين عبايات الحريم وغطاياتهم وقفازاتهم
اشوفني قاعدة اخذ قفازات واجربهم على يدي وكل اشوية اقول هذي حقتي وبعدين اقول لا موحقتي ياربي هذي كبيرة على يدي
ومرات اخذ قفازات وتطلع على يدي صغيرة وكمان قاعدة اجرب الغطاية على وجهي واقول لا هذي مو حقت لما حصلت الغطاية اما القفازات تعبت بالمرة ولا حصلتها ابدا واشوف خواتي ينادوني يقولون يلا تعالي عشان جاء وقت زفتي وانا قاعدة ادور للقفازات واشوفني زعلانة مابدي ادخل لما احصل قفازاتي
واشوف ان عريسي قاعد يستناني عند باب القصر لحتى ادخل معه
وخلص الحلم
1- الاسم/ خديجة
2- العمر/18سنة
3- العمل/عاطلة عن الدراسة
4- الحالة الاجتماعية/عزباء
5- الحالة الصحية/أنيميا+كتمة
6- بلد الاقامة /السعودية من مكة المكرمة
7-وقت الرؤيا/في الصباح وقت الضحى
9-الإلتزام بأمور الدين والصلاة ./الحمدلله ملتزمة بفضل الله
10- كم مضى على الرؤيا /اعتقد قبل 6 او 5 اشهر
اتمنى يتفسر ط­ظ„ظ…ظٹ ولكم جزيل الشكر

مافيه حد يفسر..؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.