ألا ظٹط§ظ„ظٹطھ الزمن ظٹط±ط¬ط¹ ورى والآ الليالي تدور
ويرجع وقتنا الأول وننعم في بساطتنا
زمان أول أحس إنه زمان فيه صدق وشعور
نحب ونخلص النية وتجمعنا محبتنا
زمن مافيه لاغيبة ولا حتى نفاق وزور
ياليته بس لو يرجع ونسترجع طفولتنا
صغار قلوبنا بيضة نعيش بعالما محصور
ولا نعرف أبد أغراب ماغير عيال حارتنا
صحيح صغار في التفكير لكن ماعلينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصة نخبي علبة الطبشور
نشاغب بس في الآخر تميزنا برأتنا
نحب الضحك والهيصة نحب النط فوق السور
نفرفش وليه مانفرفش مادام الضحك عادتنا
ولكن دارت الأيام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف أحزاننا بالدور
وتهدينا الألم والهم غصب عن عين رغبتنا
تعبنا من بلاوينا أحد ضيق و أحد مقهور
وكلا غارق بهمة وفي الآخر تشتتنا
وأنا ما أقول غير ألا ياليت أن الزمن يدور
ويرجع للورى فترة نعدل وضع عيشتنا
ألا ياليت الزمن يرجع ورى والآلليالي تدور
ويرجع وقتنا الأول وننعم في بساطتنا
ولا تحرموووووووني من ردووووودكم
جنااااااااااااااااااااااااااااااااااان يسلمو يالغلا
مشكورة
