المشاركة الأصلية كتبت بواسطة sms_1sms 
السلام عليكم ورحمة الله وبركاته ….
قصتي مع العلاج
اولا انا من قترة وانا اقرأ عن الحالة اللي يكون في الحيوانات المنوية صفر وللأسف كل اللي قريته (يمكن فاتني شي ) كان نصائح ودكاترة بدون ذكر النتائج ,, والصراحة سبب متابعتي للموضوع اني انا شخصيا تزوجت قبل سنتين ولما مرت علي سنة وماحملت زوجتي رحنا نكشف وهنا طلعت النتيجة ان الحيوانات المنوية عندي صفر مع اني مافحصت قبل كذا , وقالوا لي كل شي في الفحص سليم(الا الحيوانات المنوية صفر ) من ناحية فحص الدم وفحص حجم الخصية بالأشعة التلفزيون ولا وجود للدوالي والحمد لله ولكن السبب مايطلع معانا مد الا لمن ناخذ خزعة من الخصية وهنا انا ترددت مليون مرة والحمد لله لأن اخذ الخزعة في موقع حساس وهنا اتجهت للنت ابحث عن علاج ولقيت اكثر من وصفات واسماء دكاترة ومراكز علاج وادعية وهذا كله ممتاز لكن صراحة ماقريت عن نتايج ولكن تابعت كثير من المواضيع تتكلم عن ام خالد في مكة تبيع اعشاب مخلوطة بالعسل (صراحة لليوم مادري ايش هي الأعشاب ) وهي عبارة عن ثلاثة انواع من الأعشاب تستخدم لمدة ثلاثة شهور بترتيب معين وقيمتها 1500 ريال وصراحة ماكان ودي اضيع 1500 ريال على شي ماعرف نتيجته لكني قلت في كل الأحوال احسن من اخذ الخزعة وبجرب واذا مانفع نفكر ونشوف ولكن ولله الحمد اني رحت حللت بعد شهرين وشوي من استمراري في العلاج وكانت النتيجة بفضل الله سبحانة وتعالى ان عندي ثلاثة مليون حيوان منوي في المليليتر الواحد اي النتيجة النهائية للفحص 9 مليون في 3 مليلتر ونسبة الحركة 20 في المية وصراحة لما شافها الدكتور انبهر واستغرب قال لي وين عالجت قلت له ابد اعشاب شعبية قال لي صحيح ان النسبة قليلة بس فيه تطور من صفر الى ثلاثة مليون استمر على اللي انت عليه وبعطيك دواء يساعد على زيادة الحيوانات المنوية والحين هذا الشهر انا وزوجتي نأمل من الله ان تكون حامل..
انقل لكم قصتي عسى ان يستفيد منها احد وادعو لي واذا فيه استفسار واقدر اجاوب عليه انا حاضر …
رأي : لو ينقل الموضوع لموضوع جديد مع رابط للموضوع القديم لأن عدد الصفحات كثييييير والناس تبي الجديد والرأي الجديد مع امكانية الرجوع للموضوع الأصلي لمن اراد (مجرد رأي ) |
