أولاً
طرق حجز موعد للمقابلة في السفارة
وكما هو معلوم للجميع إن حجز الموعد هو أول خطوه في إجراءات الحصول على التأشيرة (بل هو أول خطوه تسويها بعد ما ينزلك الظمآن المالي ) هناك طريقة وحيده لحجز الموعد في السفارة وهي .
الحجز عن طريق الموقع التالي
https://ksa.us-visaservices.com/Forms/default.aspx
وسأوافيكم بطريقة الحجز بالصور من الموقع لاحقاً
تجهيز الاوراق المطلوبه في السفاره وهي :
-قبول المعهد والجامعة الـ I-20
-وصل تسديد رسوم الفيزا 498 ريال من بنك سامبا (اون لاين او من احد الفروع )
-وصل تسديد رسوم السيفيس (تم شرح طريقة تسديد السيفيس في موضوع منفصل بنفس القسم )
-صورة شمسية مقاس 5*5 بخلفية بيضاء مكشوف الرأس للشباب و و وضوح جميع اجزاء الوجه مع قليل من بدايه الشعر للبنات
-خطاب من الوزاره موجه للسفاره
-تعبئه النماذج المرفقه ادناه
-ترانسكربت ( للي راح يجددون الفيزا فقط)
تعبئة نماذج السفارة كاملة وهي
(DS-156 , DS-157 , DS018)
وراح اشرحها كاملة وبالصور وراح ادرج النماذج الاصليه علشان تقدرون تعبونها بكل سهوله ان شاء الله .
شرح النماذج بالصور
نموذج رقم 156
الصفحه الأولى
.
الصفحه الثانيه
وهذا رابط النموذج علشان تعبيه
https://evisaforms.state.gov/ds156.asp
نموذج رقم 157 (للذكور فقط من عمر 16 سنه الى 45 سنه فقط )
Click this bar to view the full image.
وهذا رابط النموذج علشان تعبيه http://www.state.gov/********s/organization/79964.pdf
نموذج رقم 158
الصفحه الأولى
Click this bar to view the full image.
الصفحه الثانيه
Click this bar to view the full image.
وهذا رابط النموذج علشان تعبيه http://www.state.gov/********s/organization/79965.pdf
ملاحظات مهمة على النماذج .
1-ماتقدر تحفظ النموذج عندك (يعني عبه وأطبعه في نفس ألحظه )
2-بياناتك الشخصية لازم تكون مطابقة لبياناتك في الجواز انتبه تغلط في حرف أو تاريخ
3-الفراغات الي ما تنطبق عليك لا تخليها فاضيه اكتب فيها (NON) أو (N/A)
اتمنى اني مانسيت شي ويتبع الجزء الثاني والأخير
كل ما يتعلق في يوم المقابلة
(الإجراءات داخل السفارة + الأسئلة المتوقعة وكيفية الإجابة عليها)
وقبل ما نتكلم في الجزء هذا عندي ملاحظه على الأجزاء الي فاتت
1-إذ جيت تطبع نماذج السفارة أطبع النموذج على صفحه وحده وترى هذا مو إجراء ضروري الا انه يريحك من كثرة الأوراق معك
2-إنا ذكرت أشياء احتياطيه في بعض الأحيان مثل موضوع ألصوره يعني يوم قلت جب أربع صور ترى المطلوب صوره وحده بس احتياطاً قلت خل معك اربع
3-فيه أشياء إنا ما قدر أجاوبك عليها وحتى موظف الاستقبال حق السفارة يمكن ما يقدر يجاوبك يضطر يسأل أهل الاختصاص في السفارة فأنت لا تعتمد على احد في الا جابه على الا حالات الا ستثنائية اتصل واسأل بنفسك وترى إلي يرد عليك عربي
نقاط مهمة (وهي وجهة نظر شخصيه لي )
1-الكل يعرف الأهمية ألاقتصاديه والسياسية للمبتعثين بالنسبة لأمريكا ومن خلال عمليه حسابيه بسيطة بمكانك تعرف وش حجم الاستثمار الي يمثله الطلاب المبتعثين الي امريكا والي الجامعات الامريكية فكن واثق انك تعني لهم شي ولا راح يتم رفضك من غير أي سبب وانه راح يسأل الموظف عن سبب الرفض
2-انا قرأت وسمعت من الكثير وش البس المناسب للسفارة وشفت بعيني البعض وش كان لابس خصيصاً للسفارة وانأ أقولك لبسك يمثل ثقافتك واذ انت ماحترمت ثقافتك لا تنتظر غيرك يحترمها والبس مايأثر ابد على الحصول على الفيزة
3-مهما كانت الاسباب ترى مانت مظطر تكذب في أي شي وهم يبغون الجواب المقنع
4-في الفترة الاخيره ومن خلال ماشفت بعيني وما سمعت وما قريت اصبح فيه تساهل كبير في اصدار الفيزة وكلنا نسمع في المنتدى ان الاغلبيه صار ياخذ الفيزه بعد اسبوع وقليل الي يعطونه الورقه الصفراء ويقلون نتصل عليك وحتى لو اخذها يتصلون عليه بسرعه بعكس بداية الابتعاث كان قليل الي ياخذها بعد اسبوع (وهذا يدل على صحة النقطه الأولي الي تكلمة عنها )
والحين بعد المقدمة الطويلة نتكلم عن يوم المقابلة
الحضور للسفارة
خلك عند باب السفارة الساعة 6.30 وهذا عشاً تخلص بدري من السفارة وتدخل أول شخص انا كنت عند باب السفارة الساعة 6.30 كان قدامي عشر اشخاص بس والساعه سبع كان خلفي خمسين شخص عشاً كذا انصحك انك تكون بدري عند باب السفاره عشاً تخلص بدري لنك اذ دخلت مع اول الناس للسفاره الساعه تسع وانت خالص واذ دخلت مع اخر الناس الساعه ثلاث وانت خالص
لا تجي وانت ماكلت شي ترى راح تاقف ساعه كامله وهذا شي يتعبك
مكان السفارة اذ دخلت من جهة الدائري الغربي( وانا ماعرف غير المدخل هذا لحيى السفارات ) بعد ثالث دوار رح يمين بعد ماتروح يمين يواجهك دوار رح سيدا بعد الدوار تلقى مواقف على يسارك وقف فيها السفاره تكون قدامك على يسار المواقف.
الساعه 7.30 راح يبدون يدخلونكم للسفارة وراح يطلب منك الموظف الي عند الباب جوازك تعطيه الجواز يشيك علية موعدك موجود في القائمه او لا بعدين تسلم جوالك وتاخذ رقم له عشاً تستلمه وانت طالع بعد كذا تدخل غرفه صغيره يفتشونك فيها مثل تفتيش المطار بضبط بعدين تتوجه داخل السفارة وأول ماتدخل المبنى راح يفتشونك تفتيش ثاني وويوجهونك للممر المخصص .
راح تمشى مع الممر هذا لين تواجه سكرتي يعطيك رقم ويدخلك على غرفه يكون فيها موظف سوداني يشيك على اوراقك كامله واذ فيه أي نقص يعلمك عليه تكمله وراح تلقى النماذج مشروحه زي الشرح الي انا شارحه بضبط انت يفترض بك انك تكون كملة أوراقك واذ فيه نقص سواء بنموذج او في بيناتك راح تحصله عندهم تكمله .
بعد كذا تنتظر لين يجي رقمك وتروح للموظف يشيك على اوراقك ويدخل بناتك في الكمبيوتر ..
ياخذ اوراقك ويعطيك رقم تطلع من الغرفه الي انت فيها وراح يوجهك السكورتي على المكان المخصص الي انت راح تسوي المقابلة فيه تنتظر رقمك لين يجي وتتوجه لمكان المقابلة عند الشباك المخصص اذ ماتعرف انقليزي يجبون لك مترجم او يتكلم معك عربي فصحى الي يقابلك
الاسلئة المتوقعه
وهنا راح اطرح كل الاسئله الي سمعتها من الشباب الي سوو المقابلة والي جتني انا بعد
ليش تبغى تدرس في امريكا ؟
طبعاً انت هنا لازم توضح ان امريكا بلد متقدم في العلم والجامعات الامريكيه هي افضل الجامعات بلاضافه الي ان فيه بعثات الي امريكا (تجنب انك تذكر موضوع البعاثت بس عشاً ماتفهم انك مغصوب على امريكا وحاول تبين قوة الجامعات الامريكية )
ليش اخترت الولايه هذي ؟
هنا لازم يكون عندك خلفيه لو بسيطه عن الولايه الي انت راح تدرس فيها ولازم تذكر اسبابك وماعتقد فيه احد اختار أي ولايه من غير اسباب مثل لو كنت مختار اورقن راح تقول ان الطبيعه فيها ساحره وانا مافيها ضرائب وان فيها جامعه ممتازه اسمها ….. والسكان هناك متساعدين مع الغربا الشي الي يخليك تتعلم الغه بسرعه (دائماً لازم تكون عندك اسباب مقنعه حتى لوبسيطه واذ انت ماخترت الولايه مثل احد جابلك قبول منها لا تقول مكتب جابلي قبول وانا ماعرف عنها شي حاول تذكر اسباب لختيارك وابتعد عن قولة ولد عمي يدرس فيها او اعرف صديق لي هناك جاب لي القبول )
ليش المدينة هذي بذات ؟
والعاده يا يسئلك عن الولايه او عن المدينه مايسئلك عن الثنتين والجواب هنا نفس الجواب حق الولايه اذكر اسبابك وانا شخصياً ماعتقد احد يختار ولايه معينه من غير اسباب مقنعه ومنطقيه كلنا اخترنا ولايتنا على أسس معينه
راح تسئل عن سنة تخرجك ؟
اذ كان توك متخرج يعني مالك سنه راح يكتفي بسماع التاريخ واذ انت زمان متخرج راح يسئلك وش كنت تعمل في الفتره هذي انت خذ معك مايثبت انك كنت تعمل في مكان معين او اذ كنت عاطل قله عاطل ولا تحاول تلف وتدور عليه زي واحد قدامي كان متخرج من 2024 وقالهم كنت في مكتب ومادري ايش وبدو يحشرونه لين ضاقة عليه (بس عطوه فيزه )
راح يسئلونك عن تخصصك ؟
اذ كنت بكالوريس راح تسئل ليش اخترت التخصص هذا وانت جاوب عليهم بصراحه عن سبب اختيارك للتخصص (الشاب كلها مختاره كمبيوتر صار تخصص الي مايدري وش يتخصص )
اذ كنت ماستر العاده مايسئلون ليش
راح تسئل هل سافرت للعراق وايران حتى لو ما كتبتها من ظمن الدول الي سافرت لها ؟
جاوبك راح يكون لا الا اذ انت مسافر
