تبين حركه بسيطه تخلي زوجك يمووت من الفرح ؟؟ تعاااااااااالي

آنا مخطوبه من سنه و شهرين و تدرون الحياة تتغيــر و الروتين الملل يسيطر على حياتنا بس لازم نغير صح ..

عاد كل شيء رومانسي و معروف سويته حق خطيبي (( ورد ، شموع ، هدايا ، مفاجآت )) و صار لي تقريبا شهرين ما هديته شيء .. و هالايام بعد بدأت الجامعه ولا اشوفه وايد و بعد عشان احنا نجهز الشقه فـ اوضاعنا الماديه اختلفت شوي

اممممممممممم ادري انكم متحمسين تبون تعرفون الحركه

المهم مره خطرررررررررررت في بالي فكره تدرون شنو هي ؟؟؟؟؟؟

رحت قرطاسيه للي يبيعون فيها اقلام و اغراض مدرسه و بعد يسون انشطه و بحوث حق الطلاب

و سويت عندكم هذه الحركه زززززززين بقول لكم شنو هي لا اطلعوني جذيه

خليتهم يصممون لي شهاده من ورق مقوى و يكتبون فيها

(( شهاده تفـــوق )) العنوان

هذه الشهاده منحــت الى …………… ( الاسم الكامل عشان شهاده رسميه ) و ذلك لاتمامه ………(المده الزواج ) من

الزواج بعلامه امتياز ، حيث اجتاز الزوج هذه المـدة بالحب و الاخلاص و القلب الحنون . حيث منحت هذه الشهاده

كدليل على الكفاءة العاليه و الجدارة في الحياة الزوجيه .

( التوقيع )

و ما حبيت تكون الشهاده طويله عشان الشهادات الرسميه مافيها كلام وايد … 3 اسطر بالكثير

وخطيت الشهاده في سيارته و فوقها ورده .. والله انهببببببببببببل و ضحكته ما تفارق فمه .. و راح تشوفون التغير