طريقة توزيع الكنب بالصالة و كيفية ترتيب كنب الصالة بشكل حلو و جذاب 2024.

ويختلف شكلها من حيث التصميم من بيت لثاني على حسب ذوق أهل المنزل ..

والأهم في الغرفة هو توزيع الأثاث فيها بطريقة تخليها مرتبة وملائمة لحجمها ومكانها سواء كانت مفتوحة على غرف او ممرات او مطبخ تحضيري او مسكره كغرفة . انا راح اتطرق لتوزيع الكنب بالصالة وكيفية ترتيبها

– وقبل لا تبدأين بوضع أثاث الصالة هاتي ورقة بيضاء وارسمي فيها كروكي بسيط للمكان من بيبان أو نوافذ ووزعي الاثاث من كنب وطاولة ومكتبة وتلفزيون .

وهذه الخطوة راح تعطيكم افكار كثيرة وراح تندهشون من التصاميم الكثيرة الي راح تطلع معاكم في توزيع الاثاث.

ترتيب الغرفة بحسب حجمها الحجم الصغير

إذا كانت مغلقة راح يكون الكنب فيها بجانب الجدران وطبعا ما راح يزيد عددها عن الاربع كنبات من مفرد ومزدوج او ثلاثي ..

والتلفزيون راح ياخذ زاوية او مقابل للجلسة بس بمكتبة صغيرة او كنب مربع على شكل خداديات وهذه الاخيرة مناسبة للصالات الصغيرة لأنها تعطي خدعة بصرية للناظر بان الغرفة كبيرة نوعا ما ..

وطبعا الألوان الفاتحة والخداديات الملونة تساعد باعطاء حجم للصالة

وهذه الصالة أرتكب أصحابها غلطة في إختيار الكنب الكبير المزدوج لكل الجلسة فعطت الصالة مساحة اصغر من حجمها

الصالة الصغيرة بس المفتوحة ..

الحلو في الصالة المفتوحة انه من الممكن التحكم بشكل الكنب وعدم التقيد بحجمه لان المكان مفتوح وما راح يأثر وايد في شكل المكان والأحلى لو كان موديل الكنب متصل ودائري ..

واذا اتبعتوا نصيحتي في رسم كروكي بسيط للصالة مررو خطوط بالقلم الرصاص بين الاثاث والممرات المفتوحة بالصالة بحيث يقدر الشخص يمر بحرية بين الغرف والصالة

الصالة المتوسطة والكبيرة

وبعكس الصغيرة كل ما كان حجم الكنب كبير كل ما عطا منظر اجمل للمكان يعني كأن عندكم لوحة بيضاء كبيرة ولازم ما تتركون فيها فراغ والحلو في الصالات الكبيرة إنكم ممكن تخلون فيها اكثر من جلسة والألوان تكون خياراتها متنوعة بين الفاتح والغامق …وغالبا ما تكون هالنوع من الصالات مفتوحة على البيت كامل وتكون في الوسط

أساسيات لازم ننتبه لها أثناء التأثيث..

– الجلسه او الكنب لابد من وجود نقطه تمحور يعني هل سيكون هناك شيء معين راح تكون الجلسه باتجاهه كمدفأه او تلفزيون ؟

وهذه تسمى نقطة التمحور او نقطة التركيز لان كل الكنب راح يكون باتجاهها حتى يسمح للكل بالارتياح وقت الجلوس .

– عند وضع الاثاث ابدأوا بالاكبر حجما كالتلفزيون او الكنبه الكبيره ..والباقي راح يكون اسهل .

– لما تختاروا مكان للتلفزيون اختاروا مكان غير مواجه للنافذه ( الشباك ) لانه راح يعكس اشعة الشمس وبالتالي راح تكون في صعوبه برؤية التلفزيون خلال النهار .

– انتبهوا الى ان تكون الكنبات بعيده مسافه جيده عن التلفزيون .

– الجلسه لازم تكون مناسبه لاهل البيت وللزوار ..يعني الكنب من الافضل انه يكون مقابل بعض حتى يمكن للجالسين التحاور بطريقة سهله ومريحه مو كانهم بغرفة انتظار او بناصيه شارع..يعني بين كل كرسي والثاني مو اكثر من 8 أقدام.

– في الصالات الكبيره لا تخلون الاثاث لاصق بالجدران لانه بالطريقه هذه راح تتركون فراغ كبير بالوسط مو عارفين كيف تملونه…وشوفو ا بنفسكم ..الرسم الاول قريب من الجدار …والثاني تغير الوضع مع ابعادها عن الجدار

– طاولة الشاي او الطاوله الوسطيه لازم تكون بعيده عن الكنب مسافه 18_14 انش.

– الطاولات الجانبيه الصغيره لازم تكون بنفس مستوى الكنب .

– لتحقيق التوازن بين الاثاث لازم يكون بجانب الكنب الكبير او مقبله كنب صغير او كراسي .

– في الصالات المفتوحه على غرف الطعام حاولوا تكون الغرفتين متوازنتين بالاثاث يعني مثل ما ركزنا في الجلسه على التلفزيون والي سميناه المحور راح نضع خزانه بجانب طاولة الطعام للصحون مثلا.

– افصلوا بين غرفة الطعام والصاله بجلسه مكونه من كرسين مثلا مواجه للغرفة الطعام او بحاجز زجاجي ..او اي حاجز انتوا تبونه بس ما يكون عالي .

– استخدموا سجاده لكل غرفه مختلفه عن الثانيه…للتفرقه بين الغرفتين.

– اخلوا المدخل من اي اثاث حتى يكون التركيز على الغرفتين ولعدم خلق زحمه بالمكان