للحزن سلطة في ظ‚ظ„ظˆط¨ المحبين
ـ . ـ . ـ . ـ لا فارقوا من غير رجعه ( حبايب )
,
يطول عمر الضيق بالصدر , ويبين
ـ . ـ . ـ . ـ بالوجه شي ٍ من عطاء الوصل غايب
,
اتلمّح العبرات , وتصرّح العين
ـ . ـ . ـ . ـ ويقول جرح الهجر : ماني بطايب
,
لي كم يوم وخاطري صايرن شينْ
ـ . ـ . ـ . ـ وجه السعه فيني , من الضيق هايب
,
عيّشني الهجران حال "المساكين"
ـ . ـ . ـ . ـ من كيف يزهد بآخر العمر شـايـب
,
ضايعْ وأدور بالمتاهه عناوينْ
ـ . ـ . ـ . ـ والياسْ يرسم لِي , قبورْ و نصايب
أروح من حزني …. بضحكي على وين ؟
ـ . ـ . ـ . ـ وملح الفرح في بحر الاحزان ذايب !
,
ما من هروب يسار , وإلا من يميـن
ـ . ـ . ـ . ـ هبّـت عليّ اشجان عمري هبـايب
،
يردني عن موتتي .. وازع الدين
ـ . ـ . ـ . ـ والا الحزن بالصبر ماهو بتايب
،
ياقلب جاهد , حارب الشين بِ الزينْ
ـ . ـ . ـ . ـ ظني بعزمك ما رجع يوم خايب
مأجور درّجها عسى ربك يعين
هذي هي الدنيا : متاع ,ـ . ـ . ـ . ومصايب
