مين ط¬ط±ط¨طھ ط§ظ„ظƒظٹط±ط§طھظٹظ† ط§ظ„ظ…ط¹ط§ظ„ط¬ ط§ظ„ط¨ط±ط§ط²ظٹظ„ظٹ في جدة و الرياض و الدمام و الخبر و مكة و الطائف ابها الباحة جازان نجران تبوك حائل
السلام عليكم ورحمة الله وبركاته ….
شحالكم يا بنات … شو اخباركم 
واخيييرا جربت الكيراتين هههههههههههههههههههههههههههههههههههه وعاد قلت خل انزل موضوع وافيييدكم …. لان وايد بنات كانوا يسألون عنه وعاد انا اليوم فاضيه لاسألتكم ….
اول شي انا لاعت جبدي من الكشه المتمرده لا دهن نفع فيها ولا حمام زيت ولا علاج وكل مالها تتمرد زياده وزياده كرهت عمري ودوم حاطه الشيله عراسي جني عيوز شعري من 7 سنين كان غليييييييظ لدرجه انه الحين شعري كله مااي خصله وحده منه قبل 
يته عين قام يتساقط والحمد لله سرت عند الدكتورة سعاد لطفي وعطتني كورس علاج ابر ميزوثيرابي والحين بسوي الجلسه الثالثه ووقف التساقط الحمدلله بس شو شعري جااااااف من الصبغه ومتمرد لدرجه حتى السشوار مايفيد فيييه وعاد سمعت البنات يتكلمون عن الكيراتين وقلت خل اجرب وطبعا اول شي سويت سيرج وفي وحده من العضوات ذكرت صالون شارم … في ابوظبي طبعا شليت اب عمري وسرت اول ماسرت المدام واااايد زييينه وااااااااااااااااااااااااااااااااااايد وحبوبه وتهتم اب كل زبونه عندها لو يايه بس اتحف شنبها … بصراحه عجبتني … التعامل ولا اروع وخدمه سريعه …
اول مايييت غسلن شعري وخلن الشامبو في شعري 20 دقيقه
عقب نشفته لي .. وبعدييين يابت الكيراتين وهو عباره عن كريم سائل وتمت اتخصل شعري واتحط منه على كل خصله وتتاكد انه وصل كل شعره من الراس وبعد ماخلصنا هالمرحله خلتني بعد نص ساعه تقريبا الين هني كل شي اوكي ومن هالمرحله ماحبيت هالشي فهالصالون … ودوني المطبخ اتخيلن صح انه نظيف بس بصراحه ماعجبني جي المفروض يعني مكان ثاني يسوون فيييه هالحركه ترا الكيراتين يعور العين شوي فا هن ودني المطبخ عاساس المطبخ فييه باب ويفتح على برا وحطت وراي مروحه عشان مايدخل صدري ريحه الكيراتين وشغلن المروحه وتمن ينشفن شعري ويوم نشف مسكن مكواه السيراميك وتمن يسون شعري خصله خصله خصله خصله .. لييين خلصت …. وهااي كانت مراحل عمليه العلاج بالكيراتين … وانا لين الحين بعدني فالعلاج لان البارحه مسوتنه …
الشي الزين فيييه :
ماله رييحه
مايعق الشعر
شعري استوى سييييده وملمسه ناعم
تكلفته شعري اقصر من جتفي اب 1800 درهم
الشي اللي مب زين فيييه :
1 اذا كنتي صابغه شعرج بتفتح صبغته يعني انا شعري كان اسود وصار بني مرقع لان كنت قبل صابغته هاي لايت
2 لازم اتمين فيييه 5 ايام ماتغسلينه ولا تربطييينه وانا سويييته متعمده وقت يتني الدوره ( الله يعزكم) عشان الوضوء
3 اتحسين شعرج لزج طول فتره العلاج يعني لين ماتغسليينه
4 انج لازم تسيرين الصالون يومين عقب اليوم اللي سويتي فيه الكيراتين عشان يسوون لج السيراميك
لان السيراميك يخلي الكيراتين يتغلغل فالشعر ويسوي عليها واقي يحميييها ..
يالله يا حلوات انا كتبت الموضوع للافاده واللي عندها اي سؤال انا حاظره وتراني لين الحين ماغسلت شعري وعقب يومين من اغسله بخبركم بالنتيجه ….
شاكرة لك
انا جربت الكيراتين عند كوافيرة بالخبر بجد روعة خلى شعرى حرير وارتحت من الاستشوار لان كان شعرى مقصف وهايش على طول لكن بقى حرير الحمد لله واتاكدت انوا زيرو فورمالين وصناعة فى البرازيل اللى عاوز رقمها يقولى
وانا مجربة الشغل في المدينة المنورة
في مشغل السيدة الراقية
جايبين خبيرة كيراتين بشهادات
وغير كدا عندهم تصريح من وزارة الصحة
يعني موستحيل يعدم الشعر
من تجربة وحدة من قريباتي
ومن الله التوفيق
تجربه معالج الكيراتين في مشغل منال نجد اشكر صراحتهم معي
أعلاه ردي الأول بعد المعالج مباشرة واليوم اكتب النتيجة بعد مرور شهرين
طبعا سويته بعشرين رمضان تقريبا او واحد وعشرين
صراحة شي يغير الحياة تماااااااااااااااااما
الشعر يصير صحي وجميل ومريح في التعامل وما تشيلين هم إنه يحتاج سشوار طول الوقت
شعري مو خشن بس منفوش جدا جدا وجاف واللي صار بعد المعالج ان النفشة راحت تماما يعني بعد الشور يصير شعري كآنه مستشور بشكل متوسط ومع انك تقولين إن المعالج ما فيه أي نسبة فرد بس اللي شفته شعري ستريت صاير وكل الكيرلي رااااااااااااااح وناعم وخفيف ويجف بسرعة بعد الشور ولا يتشابك لدرجة إني احيانا بعد ما يجف اربطه على خفيف ولما افتحه كأني مستشورته
ملاحظتي الوحيدة إن التساقط ما توقف يمكن خف بنسبة بسيطة ويمكن لآسباب نفسية إلخ وكل وحدة تعرف وضعها ونفسيتها وطريقة اكلها وصحتها
كمان الآخت اللي سوته لي شوي ما دققت ع الوسط ومن الخلف وصاير فيه طعجة من النص والباقي ناعم بس الشي الخورافي من جد الاستشوار
يا بنات وربي بدون مبالغة من اول كنت اتعب من كثر ما استشور اولا شعري طويل مرة وثانيا منفوش ويبي له شغل كثير بس بعد المعالج كل اللي اسويه اني اتأكد انه نشف ولما اسشور ما يآخذ مني عشر دقايق لعشرين دقيقة
اكيد كل وحدة نتيجته على شعرها غير يعني فيه بنات لما صلحوا المعالج ما شافوا مثل نتيجي الخورافة المرضية لتوقعاتي وأكثز بكثير يعني هم وصلوا للنتيجة الطبيعية للمعالج وهي الترطيب وقلة النفشة والعلاج الجذري بس الحمد لله إنيكنت محظوظة بنوعية شعري اللي تقبلت المعالج بصدر رحب واعتبرته فرد
روحي يا شيخة عسى ربي يفتح لك ابواب رزقه وين ما كنتي
وإن شاء الله لما احس اني محتاجته بارجع واسويه بدون تردد
إضافة//
لما غسلت شعري حسيت يابس مرة لما جته الموية بس عادي راح من ثالث غسلة تقريبا وهذا طبيعي من الستريتنر بس لما ينشف ما راح تحسين إنه متيبس >> كيف التعبير … حبيت اضيف هالشي يمكن غيري تسوي معالج وترتاع لما تغسله تحسب فيه مشكلة
يعطيكي العافية وربي يسلمك