ورق عنب جيزاني يم يم يمي

اليوم جايبتلكم طريقة ورق العنب بيدات بنت جيزانية/

طيب ولذيذ وكثير بيعجبكم واحسن من كل الورق العنب الجاهز

وهذا هو واتمنى تجربونه..

علبة ورق عنب و
أهم شيئ تكون ماركتها امريكانا احسن ورق عنب ..
3 حبات بطاطس..أو على حسب حجم الصينية
علبتين زبادي
اثنين بكت ماجي
6 حبات ثوم
كزبرة وبقدونس
بصلة كبيرة
حبة فلفل رومي
4 حبات طماط
نصف كأس عصير ليمون
كأس زيت زيتون
كوب ونص رز مصري

انقر هذا الشريط لتكبير الصورة إلى مقاسها الأصلي 400x 639 بكسل ، وحجمها 56 كيلوبايت.

اولاً نخلي الرز المصري منقوع في الماي ربع ساعة بعدين ننظفه ونصفيه من الماي ونخليه على جنب..

ثانياً/ناخذ العصارة المولينكس ونحط فيها التالي بعد مانقطعه طبعاً..

6 الحبات الثوم..
الكزبرة والقدونس
البصلة الكبيرة..
الفلفل الرومي.
4 حبات طماط.
ومكعبين ماجي.
نصف كأس ليمون
ونصف كأس زيت زيتون..
والثنتين الزبادي..

ولاحظو ا ترى ممنوع نحط ملح…

ونسكر العصارة ..ونخلط المقادير..

رابعاً يسير عندنا خليط ثقيل تقريبا نصبه فالقدر ونخليه على النار ونضيف عليه الرز المصري ..
مع كوب مويا عشان نخفف شوي من ثقله نغطيه ونخلي الرز المصري يطبخ في هالخليط .
مانخليه يطبخ واجد لازم يكون نصف استواء ولازم مايكون ناشف من الماي بعد ..
ماقدر أحدد لكم الوقت بظبط بس خلوه لييين يسير شوي بس ماي بالقدر ..
وشيلوه من على النار ..

جهزوا طبق كبير للف الورق العنب بالحشوة ..وقدر لوضع الورق العنب فيه ..

لازم ترصون بالقدر قبل الورق العنب شرائح بطاطس عشان يحتفظ الورق العنب بطعمة ونكهته وماينحرق الورق العنب الي تحت ..
وتعرفون عاد ان البطاطس من اهم وضائفة انه يمتص الحرائق حق الاكل..

انقر هذا الشريط لتكبير الصورة إلى مقاسها الأصلي 545x 628 بكسل ، وحجمها 72 كيلوبايت.

خامساً
بعد مانخلص من صف الورق العنب بالقدر نجيب نصف كاس زيت زيتون ونكمله بنص كاس ليمون

ونذوب مكعبين ماجي فيه ونصبه على وجه القدر …ونضيف ماي إلى أن نحس ان القدر مغمور شوي

لاااااااازم لازم تجيبون غطاء للقدر أصغر من القدر وتغطون القدر فيه وتحطون عليه ثقل

أحنا الصراحة نحط فوق غطا القدر الهوند ..المعدني الثقيل .الي يدقون فيه الثوم والبهارات
..عشان لازم الورق العنب ينضغط ..راح يطلع ماي من الجوانب بس خلوه عادي
وشغلوا النار تحت القدر وتكون هادئة…لمدة ساعتين بظبط
يمكن تكون أقل بنسبة للأفران الي تشتغل على الغاز ….

واخيراً …بعد ساعتين نطلعه ونحطه بصحن التقديم ...

م/ن
بالهنا والعافية على برونزياتي
ماتلاحظون منزلة كثير اطباق عشان مسوية رجيم
قلت اطالع بعيوني افضل هههههههههه