شوفوا الديتول شنو سوى بطاولاتي ما راح تصدقون
هذا هو الديتول اللي أنا أقصده
طبعا اللي يحب (ايكيا) راح يعرف هذي الطاولات موديل 2024 وعددهم 3 طاولات
اللي حصل اني كنت معزومة على عرس وكانت بنتي (عمرها 3 سنوات) تحوس جنبي وجنب الطاولات وأنا أحط الميك الأب وأستعد للعرس , ورحت العرس وطاولاتي ما كان فيهم شي!!
رجعت من العرس شفت الطاولات مخدشة ومكسرة وكان الوقت متأخر عشان أسأل الخدامة شنو اللي صار!!
قلت أسألها بكره الصبح, والصبح سألتها عن الطاولات وليش مكسورين ؟! شفت الدهشة والصدمة بعيونها لما شافت الطاولات! وخدامتي وايد أمينة وصادقة , قالتلي : مدام ما صار شي أمس وغرفتج محد دخلها !!!
ما دققت وايد معاها وتركت الموضوع, وقمت أستعد عشان أتريق بالأفنيوز مع بنتي وأنا أستعد للطلعة شفت بنتي سوت نفس التصرف اللي سوته وأنا كنت أستعد للعرس!!!!!!! وانصدمت وقلت معقولة يكون هذا السبب!!!!!!!
كانت تضغط على علبة الديتول وتاخذ بإيدها من الديتول وتحط على الطاولات تبي تنظفهم !!!!!!! تذكرت انها سوت نفس الشي وأنا كنت أستعد للعرس!!!!!!
كانت فيه طاولة منهم بعيدة وبنتي ما قربت صوبها , قلت أسوي التجربة وأتأكد بنفسي شوفوا الطاولة شلون كانت جديدة وما فيها شي, طبعا حطيت عليها من علبة الديتول نفسها .
لإنها شفافة قمت حطيت تحتها مخدة عشان تصير واضحة بالتصوير شوفوا بعد (20) دقيقة شنو اللي صار!!!!!!!
هذي الطاولات بعد مرور 4 ساعات شوفوا شنو صار فيهم!!!!!!! انكسروا !!!!!!
والله يا جماعة انا صادقة معاكم بكل حرف قلت لازم أصور اللي صار وأسوي تعميم على هذا المنتج!!!
إذا كان يسوي جذي بالطاولات شلون تأثيره على جلدنا وخصوصا أنا كنت وايد أستخدمه على يد بنتي , والحجم الصغير منه كان ضروري لما كنا نطلع كنت أحطه في شنطتها !!!!!!! شنو هذا !!!! وشلون صرحوا لمنتج بهذي السلبية والقوة انه يكون للإستخدام الآدمي!!! وماكو تحذير !!!! بصراحة أنا قطيت كل العلب بالزبالة (عزكم الله), والحين خايفة ان يكون سوى ضرر على بنتي , ضرر داخلي !!!! L الله يستر
يسلمو
شكرا لمرورك على موضوعي وهذا شرف لي ووسام على صدري
معقوووووووووووووووووولة
بس ليش ما حطوا عليه تحذير
لا حول ولا قوة الا بالله وانا اللي مسيتحيل اداوم الجامعة من غيره …
مشكورة جزاك الله خير
يعطيك العافية
يسلممممممممممممممممممممممممممممممموووووووووووووووو ووو
يعطيكي العافيه