السلام عليكم ورحمة الله وبركاته
بنات منتدىـا البرونزيه ابي آخذ شوركم بموضوع يخصني واتمنىـا انكم تفيدوني
انا بنت توني من كم يوم دخلت سن الـ 18 تقدم لخطبتي 3
الاول كان وانا في اولىـا ثانوي يقرب لي ولد عمتي وكان ابوي مصر اني اوافق عليه حتىـا أهلي لكني رفضت وعارضتهم بحكم اني توني صغيره
ولما رحت ثاني ثانوي خطبني بعد ولد عمتي بس واحد ثاني غيره
وهم رفضت وخطبني واحد ثالث لكنه مو من العيله ومااعرف عنه اي شي وابوي رفض عشان انه من عيله مو معروفه
والحين في الوقت الحالي وانا في ثالث ثانوي خطبني واحد يقرب للي معاي في الفصل لان هي اللي قالت لهم عني
وجاو أهله بيتنا وشافوني واخطبوني وقالوا يبوني لولدهم
وابوي موافق وقالوا اني خلاص لازم اروح احلل بس انا خايفه ومتردده كثييير خصوصا اني مااعرفه وااعرف اهله عدل ولاهم يعرفونا مسألة اني ارتبط مع واحد مادخلت شخصيته ولا عرفت اطباعه شي مو هين
انا خايف من المجهول وشنو بيكون مصيري معاه لاني بعيش معاه طول العمر
اروح احلل ولا ارفض محتاره
ودمتم بود
أوٍلآ أقوٍلك مبآرٍرٍك عليكيٍ قلبيٍ .. ثآنيٍ شيٍ .. أقوٍلك لآترٍفضينه رٍوٍحيٍ وٍحلليٍ وٍتوٍكلي على الله .. وٍلآتنسين قبلهآ .. تسوٍين صلآة الإستخآرٍة .. وٍمعرٍوٍف أنك مآرٍآح تعرٍفيه إلآ إذا جلسستي معاه وٍتكلمته بعد مآتعقدوٍن إن شآءالله .. وٍإعرٍفيٍ إنه مثلك مآيعرٍف عنك شيٍ .. وٍإسستفسسرٍيٍ عنه منٍ صآحبتك .. وٍموٍوٍفقة وٍطمنينآ عنك
الله يبارك فيك بس مشكلتي ان علاقتي مع هالبنت سطحيه وانا طبعي حياويه مقدر اناقشها في هالموضوع
تسلمين حبيتي عالرد لاعدمناكـــ
لآ عآديٍ قلبيٍ هذآ زٍوٍآجٍ .. قوٍليٍ لهآ أبيكيٍ تكلمينيٍ عنٍ طبآعه .. وٍأخلآقه .. لآتخجلينٍ لآحيآء فيٍ موٍضوٍعٍ خآصٍ زٍيٍ كذآ .. وٍأكيد أبوٍكيٍ بيسأل عنه وٍبيعرٍف عنه بعد لآجلسٍ معآه وٍتعرٍفينٍ .. آلرٍجآل يفهموٍن بعضٍ .. مثل زٍوٍجيٍ ثمنه أخوٍيآ وٍقليٍ عنه صفآت وٍفعلآ طلعت فيه .. فآعتمديٍ على كلآم آلوآلد وٍأخوٍكيٍ لوٍ وٍجد ..
ان شاء الله حبيبتي راح آخذ بنصيحتك
ايوة اايد كلام الأخت كلميها وقولي لها تبي تعرفي اشياء عنه وعن شخصيته وشلون تفكيره ولأشياء اللي تشغلك عنوني
ومباررك مقدما وطمنينا عنك وان شاء الله نسمع عنك الأخبار الحلوة ياعسل
انتي العسل حبيبتي وان شاء بقول لكم الاخبار تطمنوا
والله حياتي مايبغالك تعرفين شخصيته شي بديهي بيمدحونه قدامك افضل شي توكلي على الله وصلي واذا ارتحتي قولي الحمد الله وسوي التحاليل اذا ربي كاتبه لك بتاخذينه بتاخذينه حتى لو فيه عيوب الدنيا كلها هههههههه
المهم حبيبتي انا عندك تزوجت وزوجي من مكه وانا من الرياض وكثير حذروني منه ولا سمعت كلام احد شوفيني الحين الحمد الله مرتاحه وانا والله انصحك يالغاليه لاتسمعين كلام احد ادعي ربك والله يوفقك
بالتوفيق
وافضل شئ انك تصلين صلاة استخاره
على البركه يا قمر و ان شاء الله ربي يسعدك اهم شي ادعي له ولك ربي يوفكم وصلي الاستخاره واذا ارتحتي لا تترددي