انا كوافيره في المدينه المنوره وحبيت افيدكم ولو بالشي البسيط عن المكياج && يكمن السر في مستحضرات التجميل وكيفيه استخدامها وعن مدى اتقان المراه لوضعها,واذا كانت مستحضرات التجميل تزيد المراه جمالا وسحرا الا انه من الممكن ان ياتي بعكس ذلك ويشوه جمالها,,
اولا:عشان تثبتي الوان الشدو على الجفن مده طويله حطي بنفس لون الشدو لون مائي او قلم ووزعيه زين وحطي فوقه الشدو وحتشوفي النتيجه.
ثانيا:لتنحيف الانف غمقي جانبي الانف بشدو غامقاو اساس غامق وفي النص حطي اضاءه فاتحه حيبين لك انفك نحيف.
ثالثا:استخدمي الالوان الغامقه للعين الكبيره,والالوان الفاتحه للعين الصغيره والغايره,واستخدمي الكحل الابيض او الازرق لتوسعه العين .
رابعا:اهتمي بشكل الحواجب لانها تأثر على شكل العين والمكياج ..
خامسا:لا تستخدمي الايلاينر اذا كان صعب عليكي,واستعيني بالظلال الداكنه باستعمال الفرشه الرفيعه.
سادسا:لا تكثري من البودره فوق كريم الاساس عشان لا يبان الشكل مصطنع.
سابعا:البلاشر مهم ولازم يكون مموه مع الوجه لان بروزه بعض الاحيان يشوه الشكل, والبلشر الكريمي يعطيكي شكل طبيعي اكثر..
ثامنا:الروج اساسي بالمكياج ولازم يكون متناسق مع الوان الشدو ,ولتثبيت الروج فتره طويله ممكن تحطي فوقه شدو بنفس اللون وفي الوسط الاضاءه وشوي غلتر وااااو يصير مره حلو.
تاسعا:لازم كل وحده تختار المكياج اللي يناسب تفاصيل وجهها,ومو شرط يكون المكياج اللي يناسب غيرها يناسبها,
عاشرا:من الافضل انك ماتستخدمي مكياج الغير ,,وخصووووووصا الاسفنجات لأنها تسبب امراض واذا رحتي لصالون خذي اسفنجتك معك..
هذي اول مشاركه لي ارجوا انكم تستفيدوا … واسفه عالاطاله,,
ملاحظه>>>>زي ماقلت لكم انا كوافيره وشغلي حلو الحمد لله مو مدح بس للمعلوميه
اللي حابه انها تشوفه تكلمني عالخاص..
مشكورة قلبي
يعطيك ربي العافية
الله يعافيكي ياعسسسسل تسلمي على مرورك.
مشكورة اختي..
جزاكِ الله خيراا وبارك فيكِ
موضوع راااائع
مع الشكر.
مشكورة