شوفو انا راح اختصر عليكم السالفه انا لي سنتين من يوم ماتزوجت وزوجي مرررره ومعاملته حلوه معي بس المشكله ان ام زوجي مررره تغار على زوجي وكل شي يصير تقول اصلن انك تغيرت من بعد ماتزوجت ولو زوجتك اللي تطلب شي بتنفذه اما انا لا رغم ان زوجي مرررره بار في امه اكثرمن اخواته رغم ان عندها 12 غيره
ومعاملتها معي يعني بس اذا عصبت طلعت كل شي علي ولازم مااطلع مكان اذا كنا عندهم الاوهي معنا ماعد احس بأي خصوصيه بيني انا وزوجي والمشكله ان زوجي ماعم يهتم اقصد ماينتبه
بس ترون مو هذه المشكله الرئيسيه هذا جزء منها
احس زوجي ماعم يهتم فيني مثل اول احس انه ينشغل عني طوال الاسبوع يكون مداوم من الصباح الى العصر مااقول شي اذا يجي في مباراه يروح العزبه عند الشباب والا القهوه ورجع من 10 وورا
وجلس فتح له محاضره والاثنتين ونام
ومن الطفش سجلت فنادي واقول مو مشكله نعوضها خميس وجمعه في اجازه يجي يوم الاربعاء
افرح ماروح النادي ويصحى من النوم ويقول يالله نروح عند اهله واذا رحنا عاد تقول امه يالله نطلع
والله طفشت من البيت رغم كل يوم يوديها زوجي الممشى طبعن من يوم درت اني اروح النادي قالت مثل زوجتك ودني الممشى
ونطلع كلنا انا وامه واخته العزابيه مانروح البيت الا وقد صارت مشكله
واقول خلص يوم الخميس نطلع انا وزوجي لحالنا ويجي يوم الخميس ويقول زوجي يالله بيدق على اخته والا صهره ونتجمع ونطلع
مااحب كيذا والله مليت ابي يفهم اني ابي اطلع انا واياه لحالنا بس مافي فايده تكفون افيدوني ترون انا خلاص مليت وطفشت
واذا طلعنا سوا انا واهله وقلت له يالله نقوم نتمشى يرفض يقول فشله امه والا اخته العزابيه بتنجرح
لانها كبيره فعمرها اشوي
والله تعبانه…………………….
تخيلو تزوجت فشهر 2 وشهر 7 طبعن الصفيه كنت فرحانه اول صيفيه لنا تخيلو امه واخته صيفو
معنا مانروح مكان الا معنا تكفوووووووون ساعدوني طالبتكم نفسيتي خلاص فالتراب
احس انه مايعجبه نطلع لحالنا يعني طلعى لحالنا معدوده على الاصابع ………………
احس مانقعد حتى فالبيت مانسولف يجلس منشغل
اهاااااااااااااااااااا
يابنات والله تعبانه
حياتو انتي خذي الموضوع من باب البر عشان ترتاحي …
وثانيا الفتي انتبهه لك يعني اذ كان في الدوام ارسلي له مسجات شوق او حب ..
اذ طلع لاصحابه ارسلي له حاول ترجع بدري مشتااقه لك وابي اسهر معك ..وسوي له كم حركه بلبيت ..
..بصراحه انا مو متزوجه بس صاحباتي قلتلهم كذا وسووها والله الحين يدعون لي …
اختك راما ..
احمددددددددددددي ربك انك تطلعين وتروحين انا لامع اهله ولا معه حتى لو اني اطلع حتى لو اهله يروحن معي ماعليه المهم اني اطلع زي الناس احمدي ربك ياشيخه
راما وحنان صح لسانكم
وشو فيها لما تطلعو مع اهله تبغي تسوي رومانسيه في البيت احسن والله والله بتكبري بعينه لما يحس انو مراعيه شعور اخته وامه وبيحبك اكثر وكل ماتساعدينه على بره بأهله بتلاقي جزاك بالدنيا قبل الاخره الله يوفقك ويسعدكم
حياتوواصبري وتحمليهم ماراح يعيشوومعك دوم الحياه البنت بتتزوج اكيد والام اعتبريهاامك وبري فيها وفكري لوان زوجة اخوك في امك تفكرنفس تفكيرك اكيدراح تتضايقين وكبارالسن بركة في كل شئ حسسيه انهم مثل اهلك والرومنسيه خليها في بيتك وينقل موضوعك يالغلا للقسم المناسب
الله يعينك بس انتي اسمعي اول شي الجئي لله سبحانه وتعالى واستغفري كثير
وانتي خليهم يروحون معك مرات ايه ومرات لا قولي لزوجك كذا قولي انا محتاجتك انت لحالك
والله يعيين وفعلا ترا اذا اعتبرتيها زي امك تراك ترتاحيين
اتمن البنات اافادوكي
ماشالله تبارك الله
البناااااااات كفوو ووفو غاليتي
وزي ماقالت اختي ام جوري هم مو دايمين لك دايم مصير
البنت بتتزوج والام مثل امك بالعكس اكسبيها ياقلبي
ماراح تخسرين شي والله
وصدقيني راح يتزوج واحد من اخوان زوجك وراح تتلها
امك معه بس هذي الفتررره يمكن عشان زوجك
هو الوحيد اللي متزوج من بين اخوانه
ربي يسعدك غاليتي
ودعي الامر اجر وثواب لله سبحانه
وانتبهي لاتسمعين كلام يأثررر عليكي ويقووول
قولي له ابيك لوحدك ومابي اهلك ترى بيحطك بباله ياقلبي
وموووفقه دنيا واخره
والله يااخيتووو .. ما اعرف اش اقول لكن وش تسوين حاولي قد ماتقدري اكسبي قلب امه هي اذا حبتك بتتركك في حالك انتي حاولي لاتعصبينهاا او تزعلينهااا …
وزوجك حاولي تتفاهمي معه واستلطفيه ..
وبالنسبه للاخت اياان هو مافيهاا شئ بس في شئ اسمه خصوصيه يعني مايصير كل مره راازين خشتهم صح االلمه حلوه بس مو كلمه المرره تبي تاخذ راحتهاا مع زوجهاا ..
وانتي الله يعينك ويفرج همك ويرزقك حب والدته وحب زوجك وان يبعد مكرهم وشرهم عنك …
بسم الله
يأختي لا تضخمي الموضوع أنا فاهمة كل شي قلتيه والله حاسة بمعناتك بس
أنصحك لا تبينين لزوجك أي شي حتى في ملامح وجهك
وثاني شي تفنني في الغراء أمام زوجك بالملابس و التميع في الكلام معه
بتلقينا دايم معك ومرة لاتجبين سيرات أهله وساعة ما بتروحين تمشيه قولي
لزوجك بروح المستشفى بعدين قولي له خلاص مبروح مدام طبيبي جنبي
بنروح اي مكان جمعنا لوحدنا وعمتك حاولي انك تراضينها ببتسامة بهداية لوجه الله
يساعدك المولى