قصة طظ…ظ„ظٹ ط¨ط¨ظ†طھظ‰ الا ظ…ط§ظƒطھط¨طھ لي ط§ظ„ط¯ظ†ظٹط§ ط§ط´ظˆظپظ‡ط§ ظˆط§ط¶ظ…ظ‡ط§ ، قصة حملي ببنتى الا ماكتبت لي الدنيا اشوفها واضمها
جيت عندكم اطلع لو شوي من الوجع الا في قلبي على بنتى الا ماشفتها ولاضميتها
من صغري وانا اموت عالاطفال واحب ادلعهم وكنت احلم باليوم الا يكون عندي بيبي ملكي لي انا ماحد ياخده منى
كان هدفي في الحياه ااكون اسره كلها اطفال ماكنت ابغى اصير دكتوره ولا معلمه ولاشي من هالاشياء
تزوجت وكان اسعد يوم بحياتي مافارقتنى الضحكه وقتها وكانت هالضحكه بداية حياه جديده انتظرت اعيشها مع زوجى واولادي
اول ماتزوجت تلخبطت دوره عندي وكنت مطنشه علشان ورايا شهر عسل وابغى استانس ومايعكر شي على مزاجى
لكن من سوء الحظ الدوره جت وصلت عشره ايام وماوقفت زوجى قال لازم قبل السفر نروح نزور طبيبه
وفعلا رحت وعطتنى حبوب كلمين لتنظيم الدوره واخدت تحاليل وقالت ان عندي تكيسات هي سبب لخبطة دوره
وانا على نياتي مااعرف شي حكت لي انها ممكن تاخر الحمل عندي هالكلمه بحد ذاتها سببت لي طعنه في قلبي وجلست ابكى لين قلت بس
وزوجى يخفف عليا وان ورانا شهر عسل ولازم ننسى الموضوع ومانفكر بالحمل وكل شي في وقته حلو
توكلت على ربي وساافرت وطول سفر وانا اخد بالحبوب تنظيم وفي داخلي حزن على حالي بس حاولت اطنش بقد مااقدر
ومن وصلت الى ارض البلد ابتدت معاناتي واهاتي وانا ليا شهرين زواج
من حبي للاطفال وخوفي من الحرمان مااقدرت اصبر وابتديت اروح عند دكتوره
عملت لي كل تحاليل االهرمونات والحمدالله طلع ماعندي شي وهرموناتي سليمه
لكن للاسف طلع عندي بسونار ضعف بتبويض وبتدا مشوار المنشطات بديتها بالكلوميد
واول استخدمي له كان كل شي على مايرام والبويضات تكبر لكن مايحصل حمل وكل مره خيبه امل جديده وكل مره تنزل دوره تنزلت مئة دمعه ودمعه
لما كملت سته اشهر من زواجى غيرت دكتوره ونفس شي المعاناه نفسها والاحلام نفسها بويضه تكبر بدون فايده
وزياده معاها الالتهابات وكشفيات وتحاميل ومضادات
خليت المستشفيات ورحت اجرب المراخات دخلت عندها ومرختنى وقالت ان رحم عندي مايل لكن الحمدالله بعد المراخ صار اوكى
وطعبا بعد ماخلصت االكلوميد من صيدليله ماخلصته الا انى هع
صرت اخد على كلام المراخه وجربت اعشاب وتذوقت المراره من طعمها بس اكيد انها اقل بكثير من المر الا في قلبي واحساسي بالحرمان وحاجتى للامومه
ماخليت مراميه وحلبه وزنجبيل و مره وغيرها كثير من وصفات واعشاب وعسل
كنت انتظر ليل علشان ابكى علشان ماحد يشوفني كنت اكلم ولدي وكانه في بطنى
مااتمنى من هالدنيا الا طفل اضمه واحس بوجوده …. مابي اسمع الا كلمة ماما غيرها مابي اسمع
وينك بالغالي ليه مطول غيابك علينا؟
امك تناديك وقلبها نزف حسره والم .. وابوك يدفع كل عمره بس يشوفك بين احضانه
تعال ونور دنيتنا واعطيها معنى واحساس تعال ياامنية حياتي وسر وجودي
لاتترك امك وحيده في دروب اليأس والانتظار ولاتجعلها منكسره في طريق خيبات الامل
وكنت ابكى وابكى واتوسل لربي ياربي وياالهي لاتحرمنا من هذه النعمه العظيمه
فنحنا في اشد الحاجه للمس عاطفة الامومه وشعور بها
يتبـــــــع
منقول
الله يوفقك في حياتك
ويرزقك الذريه الصالحه