أحس بالإحراج من الناس والمجتمع بسبب أني عانس
وأمي كبيرة بالسن ومريضة وأنا أهتم فيها..
مشكلتي أخواني مايحبوني ويستحقروني لأني ماتوظفت ولاتزوجت مثل باقي أخواتي..؟؟
حاولت أتقرب منهم وأتودد لهم لكن ما يكونوا طيبين معايا إلا إذا كانوا يبغوا حاجة أو مصلحة,,
2 من أخواتي الكبار المتزوجات يغاروا مني ..ويكرهوني بدون سبب والله أنا أبكي بسبب هالشئ..
هم والزمن علية..؟
ماني عارفة كيف أراضيهم أو أخليهم يحبوني مع إني أحب أطفالهم و أشتريلهم لعب وهدايا ..؟
لمن يتقدم لي عريس يسبوا فية قبل مايعرفوة أو يسألوا
عنة ..عشان أهلي يرفضوا..أو يسبوني أنا وأني ماني قد
العريس وأهل العريس وقد الزواج..
والله أنا دائما أدعي ربي فالليل وساعة الجمعه ..؟
وماصبري إلابالله
أرجوكم ساعدوني وخففوا عني والله أول مرة أشتكي للبنات
الله يفرج عليك
ومادامك امك راااااااااضيه عليك هذا اهم شي
وعليك بكثرة الاستغفار
بالنية الزواج
وقياااااااااااااام الليل
وقراءة سورة البقرة
وان شاءالله يكون الرزق والسعادة تحت بابك
وين ماكنتي
لاتعجزي من رحمة الله
والله بيكون معاااااااااااااااك يااختي
لا حول ولا قوة الا بالله …….
اول شئ مصطلح عانس تعتبير كلمه خاطئه لانه مافي سن معين للزواج وان الرسول لم يحدد سن معين وكما انه تزوج بامراه تكبره ب15سنه فلا تنحرجي ولا تحزني كل شئ مقدر ومكتوب …
وثاني شئ بالنسبه لاخوانك هداهم الله انهم مايحبونك اتركيهم ولا تعطيهم وجه لانه بصراحه في هذا الزمن لما تكون طيب يركبوا فوق راسك… واستحقارهم لك لانك ماتزوجت هذي كله من الله واللي كاتبه الله بيصير
وقولي لهم ترى الدنياء دوارة هم اكيد عندهم بنات وبكرة بيكبروا وحيصير معهم مثل ما صار لك …
وثالث شئ بالنسبه لكره اخواتك لك فاكيد فيهم مرض نفسي ولازم ينعرضوا على طبيب لانه مافي انسان عاقل بيكره اخته وكمان بدون سبب… وهم مايستاهلوا دمعه من دموعك الغاليه… ولا تراضيهم ولا شئ خليهم مع نفسهم اللي يزعل من حاله يرضى من حاله…
واخيرا يا اختي حابه اقلك شئ صلي في الثلث الاخير من الليل مع الاخلاص في الدعاء واكثري من قراءة القر ان
ومن الدعاء والصدقه …. وباذن الله الله بيعوضك باللي احسن من اخوانك واخواتك(ولو انهم مايستاهلوا كلمة اخوان )…
اللهم اني اسالك في هذه الليله في الثلث الاخير من الليل ومن صبيحة يوم الجمعه اسالك اللهم ان تفرج همها وان تكشف كربهاااا وان ترزقها بالزوج الصالح الذي يخافك فيها وان يعوضها عن جميع ما شافته من اهلها اللهم عجل بزواجها يارب اللهم اسعد قلبها وفرج همها اللهم اجعل البسمه لا تفارق شفتاها اللهم حنن قلب اخوتهااا عليهاااا وارزقهاااا حبهم …. اللهم امــــــــــــــــــــــــــــــــــــن
اختي سامحني اذا غلط في كلمه بس والله من حرتي منهم وحزني عليك…. بجد اسفه
قل لن يصيبنا الا ماكتب الله لنا
لو فكرتي بهالايه ماهتميتي ولازعلتي
يعني لو الله كاتب لك زواج بتتزوجين,,اعرف بنات يقربون لي ماتزوجو الا وهم كبار وتزوجو شباب بعد مب متزوجين
اقرب وحده لي بنت خالي تزوجت عمرها يمكن 32 شاب كبرها واللحين معها ولد ماشاء الله تبارك الله,,
وإذا كنتي مرضيه امتس صدقيني بيرضيتس ربي,,
وش مستعجله عليه ع الكرف والنكد.عيشي حياتس بالطول والعرض واستمتعي ولايهمونتس العذال
اما اخوانتس وخواتس تعرفين كلمة طنشيهم طبقيها بحذافيرها
خليتس مثل ماانتي حبوبه وعسوله ولاعليتس من ابن امه
ولااتنسين الاستغفار,
(وقل أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جناتٍ ويجعل لكم أنهارا)
قولي اممييين ,,,الله يعطيتس لين يرضيتس ويكتب لتس السعاده والراحه
مشكورة ياحساسة لاني ألماسة…ومشكورة يانهدية وأفتخر ..ومشكورة بقرزها أضحك
وجزاكم الله خير وربي يوفقكم في ساعة الإجابة المباركة ..وياربي ماتشوفوا أي هم وأي حزن واللة يسعدكم في الدنيا والإخرة
لا شكر ع واااااااااااااااجب ياقلبي
ماسوينا شي
وان شاءالله تجينا وتبشرينا ياقلبي
باللي يريحك ياقلبي
لاتنسين تكثرين من الصداقه
حتى لوكان ريال واحد
ياجعل الخير فالك ياعمري
لاحـــــــــــــــــول ولاقوة الا بالله
والله توني اشوف مشكلتكـ لان سار لي يومين مادخلت
ياااااقلبي لايهمكـ احد مدام امكـ تحبكـ وتعزكـ وراضيه عليكـ واخواتكـ مصيرهم لكـ طال الزمن ولا قصر وانتي لهم انتي عامليهم بالحسنى ماراح تخسرين شئ المهم تكسبين رضا ربكـ جل جلاله
وهم بيجيهم يوووم ويترجونكـ تسامحينهم ع مافعلوه فيكـ امااااا بالنسبه للزواج الحين في ذا الزمن البنت معد تتزوج الا في الثلاثين وفوووق وانتي لسه ماراح من عمركـ شئ ياقلبي امكن لسه ربي مالقالكـ الرجل اللي بيحفظكـ ويصونكـ ويعيشكـ ملكه في بيتكـ واخوانك وخواتك بيجيهم يوم ويندمون
احرصي خيتي ع الدعاء في سااعات الاجابه والاستغفار فأنه له منفعه عظيمه والصلاه في وقتها
واطلبي من اميمتكـ تدعيلكـ بالزوج الصالح وطيعي امكـ ولبيلها طلباتها ع اكمل وجه وباخلاص وبعيد عن الرياء والسمعه وخلي عملكـ خالص لوجه الله وتشوفين ابواب الرزق مفتوحه بوجهك
وانتي لاتحطي ببالك ان الدنيا وقفت في وجهكـ حفزي نفسكـ وتفالى بالخير
تمنياتي لك بالسعاده والزوج الصالح يارب في القريب العاجل وبنات المسلمين آآآآجمعين
خليهم يقولوا إلي يقولونه همك رضا امك رضا الوالدين من رضا الله
خليك و استغفري و ادعي وادعيلهم بالصلاح والهداية
طنش تعش تنتعش
اهم شي انك واثقة من نفسك
واثق الخطوة يمشي ملكا