السلام عليكم ورحمة الله وبركاته
طبعاً كلنا نحب ط§ظ„ط¹ط·ظˆط± ومانقدر نستغني عنها
واليوم فيه موضوع غير شكل .. طرق اعجبتني وحبيت انقلها لكم..
كيف تزينين تسريحتك أو الطاوله اللي عليها عطوراتك؟؟!!
اول فكره هي :
تحطين العطور في صينيه طبعا مزينه بشرشف حلو و ورود على طرف الطاوله و حتى تنفع حق الضيوف بعد ما تضيفينهم تعطرينهم
الفكره الثانيه يا حلوات
تحطين العطور في طبق او صحن مرتفع شوي من الجوانب مع شرايط زينه او دانتيل
الفكره الثالثه وهي:
تحطين عطوراتك على التسريحه مع اكسسوارات زينه او مجوهراتك
الفكره الرابعه وهي:
تحطين مع عطوراتك نبتات طبيعيه او صناعيه على حسب رغبتك او اي زينه عندك
ننتقل للفكره الخامسه واللي هي :
تزينين عطوراتك مع ورود سواء طبيعيه في فازه او تنثرين ورود على الطاوله شي الصراحه رومنسي
هي الورود دايما تنفع
الفكره السادسه:
تغلفين او تلفين عطوراتك بتل على حسب لون غرفتك مثل الي في الصوره الي تحت الصراحه شي
الفكره السابعه وهي :
تزينين عطوراتك مع شموع حلوه و اوراق او ورد مجفف عشان الريحه تكتمل
وهذي الشموع تنفع بعد ..
الفكره الثامنه :
لا ترمين كراتين عطوراتك غلفيها بجلاد حلو وشرايط وصفيها مع العطور على شكل هدايا
الفكره التاسعه :
تزينين عطوراتك مع فراشات او احجار الزينه طبعا متوفره في اي محلات الزينه
النتيجة كانت حلوة
م/ن
يسسلمو يااعسسل افكاار حلووه
يسسسسلمك ع آلمرور يـ الغلآ ”
