اولا اشكركم لدخولكم ع موضوعي وطلبتكم ردو علي..والله ضايقه فيني الارض..:w56:
بنات انا متملكه ع ولد خالتي..
ومالي الا 4 ايام من يوم ماكلمته..
بكل صراحه من اول يوم تكلمنا فيه سألني اسأله مدري كيف جايه
سألني ؟؟
وش رايك بخوالي؟؟
وقالي انه هو وامه متضاربين وانه تضايق منها؟؟
وقالي عن زواج اخوه وش رايي فيه وقالي ماودي اخوي ياخذ من بنات خالتي الثانيه لانهم فيهم وفيهم…بعدين يقولي صح والا لا ؟؟
وقالي الواحد ياخذ حقه يعني اذا كنتي جالسه في مجلس والحريم يدقونك بالكلام ردي عليهم ومن هالكلام قلتله كيف تبغاني ارد على حريم ناقصات عقل اول مره بعديها واترافع عنها وثاني مره بعطيها اللي يسكتها…الخ
هو يحسبني ضعيفة شخصيه بس والله كل الناس تعجبهم شخصيتي ..بس هو يعصبي بس انا للحين ماسكه نفسي.. الله يصبرني اللي هذا اوله وش تاليه..
وسألني اذا انا اتصنت عليه اذا كان في المجلس والا لا عشان اسمع كلامه والمشكله يسألني وهو متأكد اني اتصنت وهذا ماصار يقولي عادي اعترفي ؟؟
وكل دقيقه والثانيه يقولي لا تكثرين وتفكرين فيني ومن هالكلام يعني لو مرره مرتين ثلاث لاكل شوي واحنا مالنا الا فتره من تكلمنا يعني بدري ع الثقه..
لا واللي قاهرني اكثر..
ان اخوي سافر معااه مره وهذا الكلام بعد ملكتي
ويقولي اخووك كأنه طالع من سجن ..ع فكره احنا اغنى منه بكثير ولله الحمد واخوي ماخلا مكان ماسافر له
بس ماعرفت وش ارد عليه والله يعني بدايه المكالماات ويقول كذا وياليت بس كذا
بس المشكله اخوي الله يهديه طيب بشكل فضيع وعصبي واذا عصب مايخلي كلام مايقوله ابدا ..
وزوجي كل شوي يقولي اخوكي واخوكي
اخوكي لااستانس مايبقى في بطنه كلام واذا زعل نفس الطريقه ويقولي ماعاد احب اقعد معه خفت منه او اقوله شي ويقول للناس مشكلة اخوي طيب والله ماني عارفه وش ارد عليه بعض كلامه صح وبعضه خطأ انا ماأبغاه يتكلم عن اهلي بأي شي صح والا خطأ بس مو عارفه كيف يعني لسه استحي اتكلم
لا ويقولي انا توقعتك تتعبيني معك بس الحمدلله تجرأتي علي وان هذا شي زين وانا والله الكلام بالقوه يطلع وكل شوي يقولي سولفي
لا يقولي وش رايك نسولف في اشياء رومنسيه واحنا مالنا الا 4 ايااام وش هذا الله يعين والله انا خايفه من ط¨ظƒط±ظ‡ والاياام اللي جايه ع كلام الناس انه عاقل ..
ورزين وكلامه قليل..
لكن معي مدري كيف عكس
وكل دقيقه والثانيه يقولي لاتسكتين كل هذا تفكرين فيني ؟؟ وين وش ذا الميانه
وكل شوي يقولي انا رجال واثق من نفسي ومدري ايش ويمدح نفسه كثير والله اناوانا… انا بس اقول ايوه ايوه
ويسالني كلامي مايعجبك؟؟
…الخ
والمشكله انه من طبعه يحب يسحب كلام تسحيب وبعضه يكون عنده خلفيه عن السالفه لاويسأل مرره ثانيه والمشكله الكلام اللي اقوله له يحفظه صم مايلخبط فيه معن كلامي مو كثير
ويسألني تغارين ؟؟
انا عجبتك؟؟
شكلي عاجبك؟؟
كنتي تتوقعين اني كذا بهذي الشخصيه؟؟
المشكله انه مقبول يعني انا ماشاء الله احلى منه بكثير والناس كلها تمدح جمالي بس عمري مامدحت نفسي…
وهو بس يمدح نفسه ؟؟
وفيه كلام كثير بس ماأتذكره…
بليز قولولي وش اسوي ؟؟؟
مالي بعد الله الا انتم ردو علي اليوم..
الله يسعدكم..:f9:
يا قلبي شكل زوجك مرتبك وهو موداري وش يقول
يمكن شافك أحلى منه مشاء الله وهو مو مصدق أنك وافقتي عليه
عنده شعور بنقص في داخله أو من النوع النرجسي يحب نفسه كثير
بس عادي كل شي بيتغير بعد الزواج وبعدين عندك فرصة تتعرفي عليه
في الملكة أكثر وأنت حطي في بالك أن عريس المستقبل مو كل محاسن
لازم تلاقي فيه عيوب و مساوء أنتي إلي تقرري سوي جدول أكتبي فيه كل محاسنة ومساوئة و إيهما أرجح بعدها أستخيري والله بيختارلك الله الخيره الطيبه وأن كان على أهلك قولي أنا أعزك وأحترمك وأنت في عيني وعلى راسي من فوق لو أنك تحبني صحيح ياليت اهلي ما تجيب طاريهم لأن هذا يكدر خاطري وأنت أكيد ماتبي تكدر لي خاطر والسلام ختام لعله يفهم …………. وهذا إلي عندي أن شاء الله يكون افدتك يغلاتي
مشكوررره والله يوفقك ويسعدك في الدنيا والاخره والله
لا شكر على واجب ولو أحنا هنا أخوات
الله يوفقك ويهديلك زوجك وإي شي أنا حاضرة
مايردك إلا لسااااااااااانك
سبحانك اللهم وبحمدك ، أشهد أن لا إله إلا أنت أستغفرك وأتوب إليك
عادي هو يبغى يشوف اسلوبك من خلال اسئلته
بس خليك دبلوماسيه باجابتك خاصه بالاشياء الحساسه مثل المشاكل اللي بين امك وخوالك وانتي كمان حاولي تعرفي شخصيته بنفس الاسلوب اما الاشياء اللي تحسيها عاديه قولي رايك بصراحه ترى الرجال يحب البنت اللي لها شخصيه مستقله مو اللي وراره وراه تماشيه حتى بالغلط بس بحدود المعقول
بعدين هو ولد خالتك يعني يمون على اخوانك بس في حدود المعقول يعني اذا سب قوليله بمزح مارضى
ترى هذولي اخواني مثل مارضى على احد يسبك كمان مارضاها على اخواني بمززززززززح فاهمه مو تروحين تهاوشين مع ضحك…اكيد فهمتي علي
وتكلمي عن نفسك بس بحدود بعدين بعد فتره قوليله اكتبلي برساله ايجابيتي وسلبياتي اللي لاحضتها فيني واكيد بيقولك انتي كمان اكتبي اذا ماقال قوليله ماتبي تعرف ايجابيتك وسلبياتك اكيد بيقول ايه
وقوليله بس باسلوب حلو وامدحيه كثير في ايجابياته وسلبياته اكتبيها بشكل حلو مايزعل بس بعد شهرين مو اللحين
طولتها وهي قصيره اعذريني…."
مــــــــــــــــــــــــــــــــــــــررررره شكـــــــــــــرا الله يـــــوفقـــــك ويسعــــــدك يــــــــــــــــــــــــــــــارب
والله يبيض وجهك ويسهلك امورك يجعلك قررره لعين زوجك ويسخره لك اللهم امين…
شوفي اختي كل الرجال يحبون يبرزون انفسهم…ومرات يلجئون للكذب كله عشان يبرزون نفسهم..
وعندهم هياااط ماله سنع واحياناً يكون مبالغ فيه..
وبالنسبه لسبه في اهلك انتي حطيله حد..قولي لو سمحت اهلي ان كان كل كلامك عنهم سب فياليت ماتجيبهم على لسانك…احترم اهلي مثل ما انا محترمه اهلك…
وباين انه يبغى يختبرك…فانا انصحك لاتعطينه شي…وخلي كلمة مدري على لسانك..ترا تحرق اعصابه ويبطل هالاسلوب…الا في بعض الاحان لازم تردين عليه…يعني الاشياء اللي تحسيت مالها سنع اسألته ردي عليه بــ مدري<<<ترا هالكلمه تحوس اللي قدامك وفي نفس الوقت مايقدر يلاقي عليك شي…يعني تعتبر منقذه..
واذا كان يكرر نفس الاسئله…عادي قولي سبق سألتني هالسؤال..او سبق جاوبت لك على هالسؤال..
واذا كان يزيد في مدح نفسه..قولي انا اشوفك عادي زي كل الرجال…ما اشوف فيك شي مميز..
ويفضل لو تقللين المكالمات بينكم…وماتطولونها.. عشان مايمل منك..
مشكورره يالغاليه والله ردك اكثر من رائع بس مشكلتي انا بس لمن يكلمني ماعرف وش ارد اتلعثم في الكلام باقي بدري مالنا الا كم يوم مابعد تجرات ..هو يقولي من يوم انتي صغيره وانتي في بالي ومن ذا الكلام ويحلف بس انا مدري …
بس المشكله يقولي احبك وانا مالنا الا كم يوم لا ويقولي قوليلي احبك قلت بعدين يقول طيب ويرجع يقولي ليش ماتقولين وانا والله مو عارفه وش ارد بالضبط انا ارتحت له بس مقدر اقول هالكلمه والله بدري وهو كل شوي يقولي قوليها والله تعبت المشكله يقول انا واثق من هالكلام وانا ماقلتلك احبك الا طلعت من قلبي .. بنات انا غبيه ترى مااعرف شي يعني اول مرره اكلم رجال غريب اللي هو زوجي ولمن اقول لصديقاتي يضحكون علي يقولون لي مو قلنالك قبل زواجك كلمي رجال عشان تتعودين ع اسلوبهم وانا والله استحقرهم واستحقر نفسي يوم اسمعهم والله العظيم مالي بعد الله الا انتم البنات هالايام مايستحون وانا والله مستحيل اسوي هذا الشي عشان اعرف واتعود اغضب الرحمن والله مالي بعد الله الا انتم…وش ارد عليه؟؟؟؟؟؟؟؟؟؟
والله ماعاد ادق عليهم هم مو صديقاتي زميلاتي بس انا مااقعد معهم ولا يشرفني بس انا يوم سألتهم عندهم خبره قلت اشوف وش ردت الفعل الله لابلانا بس…..
بليييز ردو علي..
ومشكورين مقدما…
انا اقول خليك على طبيعتك…واذا قالك قولي احبك انا اقول اسكتي…لانه ممكن يختبرك لانه مبين انه يحاول يشوف كيف طبعك…
خليك حريصه قد ماتقدرين…لين بعدين اذا دخل عليك…ذيك الساعه طلعي كل اللي بقلبك..((لان هالفتره تعتبر زي الاختبار))
مو معنات هذا انك تصيري مكتمه وماتتكلمي…لا انتي سوي الشي اللي مسموح في عاداتك وفي حدود الدين…
امزحي وسولفي..ولكن لاتغلطين..اللي مسموح في عاداتكم سويه..
وعادي لو تستشيرين اخوك…لان الرجال يعرفون طبوع بعض اكثر منا يالحريم..
عادي انا لما كنت مملكه من ثاني مكالمه كان يطلبني اقوله احبك عادي مافيها شي بس جننته ماقلتها له الابعد طلعه الروح
بس انتي خليك مستحيه لاتوقليها له اللحين بعد ماتموني عليه يعني بعد شهر ونص
اللحين ارسليله رسايل حب
بس لاتقولينها له واذا قالك ليه ماتقولي اكيد انتي ماتحبيني ومن ذ الكلام قوليله استحي او اسكتي هو يعرف انك مستحيه ترى الرجال يموت بالبنت اللي تستحي وتتغلا عليه
بعدين ليه كل ها الخوف وضعك كله طبيعي معدا اذا سب اهلك وسوي مثل ماقلتلك وخبرينا وش صار معك
موفقه اختي..