سويتها وطلعت رووعه وهذي طريقه هنديه
تلخذين الديايه وتقصصينها قطع كبيره وتشرحينها بالسجين وترشينها ملح وطحين عشان تمتص الزفره منها وخليها فتره بعدين غسليها ونشفيها وسوي التتبيله طبعا خليها بالتتبيله فتره ماتقل عن ساعتين
التتبيله
على كل ديايه علبه روب( زبادي)+عصير ليمونه+ رشه صبغه حمره انا مااحب الصبغات حطيت منقوع جاي كركديه هههههههه هم حامض ويعطي لون احمر
+بصله مبشوره+ 4 فصوص ثوم داقتهم+ زنجبيل بحجم 2 سم دقيه+ 3 قفاش زيت زيتون وملح
وخلطيهم مع الروب
بهارات التندوري
فلفل اسود+ فلفل احمر+ بابريكا+كاري+ زنجبيل بودر + كزبره خضره مجففه + نعناع مجفف ( البهارات كل صنف ربع قفشه والكزبره قفشه والنعناع ربع قفشه)
+نص قفشه بهار ط§ظ„طھظ†ط¯ظˆط±ظٹ الجاهز
+ نص علبه معجون طماط خلطيهم مع الروب بعد
وتبلي فيهم الدياي
لاتنسين كل ماطولتي مده التتبيله راح يكون الطعم واللون احلى
وحطيهم بصينيه فرن بدون ماتغطينها
اشويها بالفرن تقريبا مابين نص ساعه الى ساعه الا ربع اول شي فتحي النار من تحت واخر شي من فوق عشان تحمر
بهذي الفتره سوي الصلصه
__________________
عباره عن فصين ثوم وشويه زنجبيل اثنيهم دقيهم وحمسيهم بشويه زيت وحطي عليهم نص علبه روب زبادي مع ملح وفلفل احمر وبهار طھظ†ط¯ظˆط±ظٹ وقفشه كبيره طماط معجون وحركيهم لما تسير الصلصه ثقيله وحمره
طلعي الدياي من الفرن وحطي عليه الصلصه
وقدميه مع الخضره وخبز ايراني
ولاتنسين البطاط
كور البطاط عباره عن بطاط مغسل ومقشر وكل بطاطه قصيها نصين وحفريها بهذي القفشه ونقعيها بماي وملح واقليها
منقوووووووووووووول
حييرتينااااااااااااااا بجمال وصفاتك
الله يعافيك ومنورة الصفحه بمرورك