احكي لكم ودموعي تسبق كلامي جراح قلبي تنزف طعن قلبي وهز وجداني بكلمه قالها بدون تفكيرخذا الحياة بلعب ووناسه ودمرني………
تزوجت وعمري20سنه استمر زواجي خمس اشهروتطلقت والسبب مايبي يعيش معاي لاني تعبانه قال مايبي يكمل حياته مع انسانه مريضه (عندي حسد) اقسم لكم بالله مامرضت إلا بعد الملكه جاتني كل البلاوي صبرت وتحملت التعب اتعذب باليوم مليون مره هم اصبر لاني طط¨ظٹطھظ‡ من كل قلبي عقب خمس اشهر قال خلاص مابيك قبل الزواج يعرف اني تعبانه ويقول مايخالف والحين يقول مابيك تصدوقون يابنات والله العظيم لما فجعني وقال لازم ننفصل صرت ابكي مثل المجنونه مو مصدقه والله ثم والله ع كثر مابكيت وانا قباله ماحن قلبه ولافكر ولاهميته نام ولا عباله اليوم الثاني ضحك علي وقال تبين تزوري هلك فرحت وقلت إيه ابي ازورهم اشتقت لهم وابي اتطمن ع اخوي المريض قال بتقضي يومين وآخذك بس اتفاجأت عقب هاليومين بورقة طلاقي صدمتي كانت قويه ولايفوتكم بعد؟؟ طلقني واخوي بالعنايه ماتحملت طلاقي وتعب اخوي ثم وفاته بنفس الشهر والله ياهي قويه ماتحملت انهرت واستمريت ع هالحال سنه كنت بحاله مايعلم فيها إلا الله سنه بفراشي ماكان يهمني غير شي واحد الله معطيني قوه اصلي فيها فرضي وادعي من كل قلبي ربي يصبر قلبي ويرحم ضعفي الحمدلله ع كل حال
الحين مر ع طلاقي اربع سنين ولاني قادره انسى الي سواه فيني تحملت إهاناته لي وأوامره وبخله وكان جزاتي اورقتي
كنت ابي حبه يخفف جروحي واحزاني ينسيني وجع قلبي لما اشوف اخوي يتألم!
كنت أبيه يوقف بصفي إذاظرفي تحداني!
كنت أبيه يشد من عزمي إذا همي تلقاني!
كنت أبي حبه ينسيني همومي وأحزاني إذاجيته أعاني!
كنت أبيه الزوج الوافي وما يفكر بيوم بالهـــــــجران!
بـــــــــــــــــــــــس طلع أول انسان يتخلى عني انسان أناني كل همه نفسه
(اللهم آجرني في مصيبتي واخلفني خيراً منها )
(حسبي الله ونعم الوكيل)
انت تريد وانا اريد والله يفعل مايريد شوفي حبيبتي لعله خير لك وهذا انتي قلتي بلسانك انه بخيل ومايحس بمشاعرك والله الي فكك منه لانه انسان ماعنده ذره من الاحساس كيف يتركك وانتي في امس الحاجه له لكن ما اقول الا الله يعوضك خيرا منه وينسيك الامك ولاتنسين الدعا والاستغفار انا كنت مثلك حصلت لي خيانه لكن لجات لله ثم الدعاء والاستغفار وحطي في بالك انه خير لك والله يبعد عنك الحزن ويسعدك ويعوضك خيرا منه
الله يعوضك بالي احسن منة
اختي اللي يبيعك برخيص بيعه بتراب و انا ادري ان الحب بلاء عشان كذا ما بقول كيف حبيتيه و هو كذا بخيل و ما يحس
الله يرحم اخوك واسع رحمته و يعوضك انتي و يسعدك
واهم حاجه ترددين (اللهم آجرني في مصيبتي واخلفني خيراً منها )
هذ الدعاء اللي قالته ام سلمه رضي الله عنها لما مات زوجها و ربي عوضها بالرسول الكريم
حبيبتي مرت اربع سنين خلاص المفروض تكوني تجاوزتي هالموضوع من زمان و انتي ثقي بالله فقط و صدقيني محد مرتاح كل واحد عنده مشاكل و مصايب..
و الله يفرجها ع الجميع
شكرا ع مروركم لاعدمتكم عسى ربي يجعلنا من هل الجنه
اختي يمكن هذا في فراقه خير لكي
الدنيا ماوقفت على كذا واللي خلقة .. خلق غير
بكرة تتزوجين واحد احسن منه وافضل منة بكثيييير وراح يعيشك
عيشة الملكة
ادعي ربك بس … الله ماينسى أحد
خيتوٍوٍ .. لآتزٍعلين علىآ شخصٍ مآيسسستآهلك .. وٍرٍبيٍ عآذرٍتك لأنك حبتيه وٍهوٍ وٍلآهمه .. لكن أكيد خيرٍة لك قوٍليٍ آلحمدلله علىآ كل حآل .. وٍعظمٍ الله أجرٍك فيٍ أخوٍك كلنآ لهآ .. وٍسلآمتك منٍ آلتعب .. توٍكليٍ علىآ الله وٍعيشيٍ حيآتك وٍآلليٍ خآلقك موٍنآسيك .. وٍالله يعوٍضك بآلليٍ أحسنٍ منه .. وٍلآتخآفينٍ ترٍى آلدنيآ دينٍ وٍديآنٍ
تقبليٍ مرٍوٍرٍيٍ فديتك
الاخوات مقصروا معاك وانا رايي زيهم
( وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وانتم لا تعلمون ) الله رايد لك الخير بس لا تستعجلين وأكثري من ذكر سيد الإستغفار وإن شاء الله كلها مسالة وقت وتفرج ,,,,,,,,,بس أهم شي لا تفكرين في الماضي ولاتجلسين لوحدك دائما وحاولي تجددين من نفسك وتأكدي أن دوام الحال من المحال
انشالله الله يعوضك بالي احسن منه ويهون عليكي ويعوض صبرك خير اختي