طريقة توزيع الكنب بالصالة فن و تصميم و افكار لتوزيع الكنب في الصالة بالصور 2024.

وهذه الصاله ارتكب اصحابها غلطة في اختيار الكنب الكبير المزدوج لكل الجلسه فعطت الصاله مساحه اصغر من حجمها.

الصاله الصغيره بس المفتوحه :
الحلو في الصاله المفتوحه إنه من الممكن التحكم بشكل الكنب وعدم التقيد بحجمه لأن المكان مفتوح وما راح يأثر وايد في شكل المكان والاحلى لو كان موديل الكنب متصل ودائري ..واذا اتبعتوا نصيحتي في رسم كروكي بسيط للصاله مررو خطوط بالقلم الرصاص بين الاثاث والممرات المفتوحه بالصاله بحيث يقدر الشخص يمر بحريه بين الغرف والصاله

أساسيات لازم ننتبه لها أثناء التأثيث :

– لتحقيق التوازن بين الاثاث لازم يكون بجانب الكنب الكبير او مقبله كنب صغير او كراسي


في الصالات المفتوحه على غرف الطعام حاولوا تكون الغرفتين متوازنتين بالاثاث يعني مثل ما ركزنا في الجلسه على التلفزيون والي سميناه المحور راح نضع خزانه بجانب طاولة الطعام للصحون مثلا.
– افصلوا بين غرفة الطعام والصاله بجلسه مكونه من كرسين مثلا مواجه لغرفة الطعام او بحاجز زجاجي ..او اي حاجز انتوا تبونه بس ما يكون عالي.

– استخدموا سجاده لكل غرفه مختلفه عن الثانيه…للتفرقه بين الغرفتين.
– اخلوا المدخل من أي اثاث حتى يكون التركيزعلى الغرفتين ولعدم خلق
زحمه بالمكان.
الصاله المتوسطة والكبيره وبعكس الصغيره كل ما كان حجم الكنب كبير كل ما عطا منظر اجمل للمكان يعني كأن عندكم لوحه بيضاء كبيره ولازم ما تتركون فيها فراغ والحلو في الصالات الكبيره انكم ممكن تخلون فيها اكثر من جلسه والالوان تكون خياراتها متنوعه بين الفاتح والغامق …وغالبا ما تكون هالنوع من الصالات مفتوحه على البيت كامل وتكون في الوسط