طريقه جديده وسهله … ان شاء الله تروق لكم
بدون تشقير و لا لووووية .. هذي طريقة أسهل علشان نتخلص من شعر الحاجبين الزايد ..
و هيا باستخدام
واكس WAX
ينحط على المكان اللي فيه شعر زايد و يغطيه .. و هو موجود عند محلات
Make Up For Ever
الأدوات اللي نحتاج ان نشتريها من Make Up For Ever :
الواكس البلاستيكي .. Plasto Wax
و هذا الصمغ لتثبيت الواكس .. Plastic Sealor
طريقة الإستخدام :
الخطوة الأولى
تمشطين حواجبج بالفرشة الخاصة لهم و تخلينهم مرتبين ..
الخطوة الثانية
تحطين الواكس Wax على الشعر اللي تبين تغطيه بس ..
الخطوة الثالثة
بعد الواكس Wax تحطين المثبت ( الصمغ ) فوقه ..
الخطوة الرابعة
تنطرين لين ينشف .. و بعدها تحطين كريم الأساس Foundation اللي تستخدمينه ..
الخطوة الخامسة
تحطين بودر Blasher فوقه لين يضبط على اللي تبينه ..
الخطوة الاخيرة
تحديد حاجبج بالطريقة اللي تبينها .. و اذا كنتي تبين انتي ترسمين الحاجب كله فانج تغطين الحاجب كله ..
و هذي الطريقة او شرح الــ 5 خطوات اللي فوق بالصور ..
و عشان توخرينه بعد ما تخلصين الحفلة او اللي حاطته عشانه سهل مثل ما توخرين المكياج يا كريم او تغسلين عادي ..
دمتم بود..
مشكورة ام عبدالله يعطيك ربي العافية
الله يعطيك العافية
ع الطريقة الرائعة
الله يعطيك العافية
خيااااااال
يسلم يدينك ياقمر بانتظار جديدك
تحياتي اغاريد