سلام لكل الحلوين البرونزيات.
بنات لي صديقه صادقتها من اربع سنوات من الكليه وكانت تسهر عندي واسهر عندها واعتبرها زي اختي احكيلها كل شي ومشاكلي مع حمولتي وحتى الاشياء الي تضايقني في زوجي وهي كانت دايم تشتكي من زوجها وتقول ان اهلها ظلموها يوم زوجها رجل عنده 3 اولاد من طليقته المهم مرت ايام وهي كانت تاخذ ملابس مني علشان زوجها مايشتري لها ملابس كثير وكنت اعطيها بكل رحابت صدر وكانت تقول انها عندها شلة حريم تطلع معهم باسترحات وان زوجها بعض الاحيان يمنعها واحيان يخليها تروح علشان هو يخاف لانه مايعرف الحريم مين ، المهم مره مضى شهر ما كلمتني وكلمتها وقلت لها اني بسافر اخر الاسبوع علشان ابي اولد عند اهلي . وكانت اخذه من عندي فستان وانا نسيته وجبسب ظروف اجلت سفري وماقلت لها ومره مادريت الا والجرس يدق وكانت الساعه 2 بالليل وزوجي راعي سهر كان قبل نص ساعه جاي وجالس يتعشاء رحت وفتحت الباب وكانت بنت صديقتي خفت وسلمت عليها وقلت وشفيه لش جايه ومين جابك وششفت امه عاى اخر الدرج يوم شافتني انا رججعت وتخبت بأخر الدرج وقالت البنت امي تقول خذي فستانك وسط هذي الشنطه والشنطه بعد هديه قلت وين امك وتبلعمت البنت شوي وقالت بسياره قلت روحي خليها تجي انا انتظرها قالت طيب وجت الا م لبسه لثمه وشكلها غير ودخلته قالت زوجي قال ابي اروح الصرافه ونزلت من السياره وكانت بس تطالع فيني من فوق لتحت ونظرتها غريبه المهم قلت لها ليش ماتصلتي قبل لاتجين قالت غيرت الجهاز وامسحت كل الارقام عطيني رقمك واخذته وشربت القهوه وراحت .
انا بعد مده سافرت لاهلي وجلست عندهم تقريبا شهرين واتصل علي زوجي وقالي صديقتك وش اخبارها قلت له من سافرت ماكلمتها قال هي لها اسبوع مزعجتني بالرسايل قلت وش تكتب قال تقول انك هبله وتسب فيك وتقول انا اذكر كل كلامك يوم تسبين زوجك واهله وبنت عمي صديقة اخت زوجك وبقول كل الكلام الي قلت عنهم انا ما صدقت زوجي وقلت ارسل لي الرسايل حقتها قال لا. وزعلت واتصل مره ثانيه وقال ليش تبينها قلت ابشوف الكلام علشان انا اعرف اسلوب كلامها يمكن مو هي قال طيب وارسل الرسايل قلت طيب الحين ارسل لي الرقم قال لا رقم صديقتك ما يحتاج قلت معليش ارسلها ورفض بأصرار يرسل الرقم, وقال لي امسحي رقمها اذا كان عندك ويويلك تكلمينها وحاولت فيه وقلت لا بكلمها علشان اوجها بكلامها قال لا هذي حيوانه ماتستاهل ونسيها احسن 
وانا اعرف زوجي شكاك وقليل دين ومسيلمه الكذاب اصدق منه المهم رقمها كان عندي دقيت عليها كثير ما ردت ودقيت على بيتها واحرقت التليفون ولا ردت رحت ودقيت عليها من رقم امي وما ردت وفي اليوم الثاني دق على امي رقم غريب وقالت انتي داقه على جوالي الي اخره(66 ) واعطتني امي الجوال عرفت انها هي صديقتي وقلت اهلين وسلمت عليه وقلت انتي ام فلان ! قالت نعم قلت فلانه! قلت ايوه مين انتي قلت له صديقتك فلانه ماعرفتين قالت غلطانه غلطانه وقفلت الخط في وجهي ودقيت مره ثانيه ولا ردت !! وماقلت لزوجي اني كلمتها !!!!!!!!!!!!!! وش رايكم هل ممكن تكون مصادقه زوجي رغم اني قلت لزوجي ليش ترسل على جوالك سب فيني ليش مو على جوالي ومن وين جابت رقمك اصلا !!!!!!!!!!!!!!!!!!!!!!!
ارجوكم مين تحلل لي السالفه 
هذي نفسي اعرف وين الصدق ارجوكم ردو!!!!
توكلي على الله وادعي ربك يثبتك
وانسي صديقتك وخلي ثقت زوجك تزيد فيك
ولاتكلميه بالموضوع ولاكانك شفتي عنه شئ
طنشي حبي واهتمي بنفسك وعيالك
اسالى الله ان يريك الصواب بس حنا صرنا بزمن ما عاد فيه صداقه
اشكركم جميعا على الكلام الحلو .
وصدقوني اناحرمت اعمل صدقات واكتفيت بالناس المقربين لي.
بس حبيت اقولكم اني بعد ما رجعت سويت زي ماقلتو طنشت ونسيت الموضوع وما ناقشته لكن هو ما صبر ,كل مازعل فتح الموضوع وصار يقول بوديك تواجهينها في بيتها وطبعا هو مايدري اني كلمتها وكنت دايم اقوله خلاص راحت بزينه وشرها, بس الحقيقه انا كنت اكل بنفسي وتخيلها جايه في بيتي معاه خصوص جاره لي اتصلت فيني قبل السالفه وانا عند اهلي وقالت انتي في بيتك !قلت لها لا انا عند اهلي! قالت انا شفت حرمه وبنتها داخلين بيتك ,وبعد مارحت لبيتي قلت مالي الا سجادتي وصرت كل ما افكر في الحكايه هذي واحس اني اكره زوجي اروح وأصلي وافضفض لربي بدعاء ان الله يهديه وينعم علي بالنسيان , لكن للاسف في ارجال ماتستاهل صار كل ما شافني اصلي يقول وش عندك (اكيد انك مسويه ذنب وانتي عند اهلك لان صديقتك طلعت وحده داشره وسخه وان خليت احد يرقبها ومن ها الهياط ويقول الصاحب ساحب صح ولا لا ) 
وكنت مارد على كلامه واقوال لا ادعي ان ربي يهديك ويهديني .
اعذروني على بعض المفردات بس حبيت اشرح السالفه زين .
واشكرك مره ثانيه 
.
بقوٍلك رٍأيٍ بصرٍآحة إنتيٍ غلطتيٍ يوٍمٍ وٍثقتيٍ فيٍ حرٍمة سوٍآءآ صديقة جآرٍة .. آلخٍ آلحرٍيمٍ مآوٍرٍآهمٍ إلآ خرٍآب آلبيوٍتٍ وٍغلطتيٍ يوٍمٍ كنتيٍ تحكينهآ كل شيٍ خآصة عنٍ زٍوٍجك .. آلمفرٍوٍضٍ زٍوٍجك مآتدرٍيٍ عنه فأيٍ شيٍ كآنٍ لأنه مآيهمٍ أحد غيرٍك ..
غيرٍ كذآ كآنٍ لآبد تتنبهينٍ لحرٍكتهآ يوٍمٍ مآسآفرٍتيٍ وٍجآت فيٍ نصٍ آلليل .. يعنيٍ كآنٍ قدرٍتيٍ تقطعيهآ منٍ ذآك آلوٍقت .. لكنٍ حقوٍلك آلحينٍ إنسيهآ وٍتوٍكليٍ علىٍ الله وٍلآتكوٍنيٍ تغيبيٍ عنٍ بيتك بآلشهوٍرٍ غلط يآلغلآ غلط غلط .. إسمعيٍ نصيحتيٍ وٍبتشوٍفينٍ لآتترٍكينٍ بيتك إلآ للضرٍوٍرٍة آلقصوٍىٍ غيرٍه لئه ..
وٍإدعيٍ لك وٍلزٍوٍجك بآلهدآية وٍآلحرٍزٍ منٍ كيد آلنسآء .. وٍقرٍبيٍ زٍوٍجك لك وٍمهمآ يقوٍل قوٍليٍ له أنآ غلطت يوٍمٍ تعرٍفت علىٍ وٍآحدة زٍيٍ كذآ لكنٍ توٍبة وٍمعٍ آلأيآمٍ بتنظبط آلأحوٍآل .. وٍإمليٍ عيوٍنٍ زٍوٍجك .. وٍلآعآد تقرٍبينٍ وٍآحدة لكِ بهآلشكل موٍ كل مرٍة تسلمٍ آلجرٍة
غيرٍ كذآ بطمنك إنٍ حتىٍ لوٍ زٍوٍجك كآنٍ علىٍ علآقة فيهآ مستحيل بيكملوٍنٍ يكفيٍ نظرٍته آلدوٍنية لهآ يعنيٍ تطمنيٍ .. إنتيٍ آلبآقية له وٍإنتيٍ منٍ ينآمٍ فيٍ بيتهآ كل يوٍمٍ
الله يوٍفقكمٍ وٍيهديٍ سرٍكمٍ وٍيجمعنيٍ اللهمٍ بزٍوٍجيٍ حبيبيٍ عنٍ قرٍيب
لكِ وٍديٍ
بصراحه ها الانسانه ما تستاهل صداقة وحده محترمه مثلك قا طعيها احسن لك
واما زوجك لا تشكين فيه وتهدمين حياتك
الله يفرج همك يارب
فعلا كلام الاخوات صح ما تصدقي حدا هالايام نادر لما تشوفي ناس اوفياء
يالغلا صحيح إنها طلعت ما تستاهل الثقة رغم إني اشوف إن الثقة المفروض ماتنعطي لأي احد إلا بعد عشرة طوييييييله ومواقف تبثت نوعه هالإنسان
بس إنتبهي لاتخربين بيتك عشان وحده إنتي تدرين ماتستاهل
وعلاقتك بزوجك المفروض يحسنينها لأن إذ صار زعل بينكم أو شئ من هالقبيل
تكونين قدمتي لها اللى تبي بطبق من ذهب
والله يوفقك للى فيه الخير والسعادة لك
الدنيا دواره وكما تدين تدان ربي ينصرك ويكفيك شرها ونصيحه اهتمي بعيالك ولا تثقي باي احد وخلي علا قاتك رسميه احسن وخلى ثقتك بالله فوق كل شي كل مازادت ثقتك بالله كل ماعجل بنصرك وتوفيقك وربي يصخرلك زوجك ويهديه