المشاركات: 2
المواضيع: 2
الردود: 0
يابـوي مابي غيـرك يغسل جثتي بالمي
اول شيء يآبخـت من عنــده اب ويقوله يبه.
يابــوي ليه تبكي كل ماشفتـك وعينك لي
تخاف أموت يابوي . وقبل الموت تبكيني
كفا يابـوي لا تبكي وأنا موجود معك حي
أجل بعد الرحيل وشلون في قبـري توطيني
ابوي لو تموت الناس ماتسوى دموعك ذي
وأنا يابوي ميت قبل أموت وأنت محييني
أقسسم باللـه يابوي لجل عينك شربت الغي
جرعت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت أقدام رجليني
يابوي ماعلى عمري حسافه ولابقا بي شيء
ولكن بطلبـك يابـوي تكفىآ لا تخلينــيٍ
يابوي مابي غيرك يغسل جثتي بالمي
وتكفا قبل لا أتكفن يابوي فكلي عيني
بآمر الله يمكن ألمحك وأرحل في عيني ضي
وودع وجهك الطاهر مع دنياي وسنيني
وخل الناس تحملني وترفع راسي ورجلي
وتآخذني على قبري وتكسب أجرها فيني
وأذا جيت القبر يابوي نزلني شوي شوي
ووجهني لبيت الله وقبلة المصليني
وحط الطين وأدفني وعز اللي يعـزي في
ثلاث أيام يابوي يواسوك المعزيني
ورابع يوم يابوي تذكر ضحكتي وعني
تذكر وش كنت أقول يوم أنك تناديني
تذكر يوم كنت أنام في ظل النخل والفي
تجي يمي تصب الما على وجهي وتصحيني
تذكر جرة الموال وصوت في حباله كي
تذكر يوم أغني لك قصيدي وانت توحيني
تذكر ضحكتك لا قلتلك يابوي عشقي هي
تذكر كم قصيدة خافيه مابينك وبيني
تذكر كل شيء كان وأذكر يوم أنا حي
ولكن أسألـك باللـه يابوي لا تبكيني
انشاء الله تعجبكم وانتظر ردودكم
قصيدة جميلة ومؤثرة
يسلموووووووووووو
تسلمين يالغلا وهذا من ذوووقك 
