ياحوامل ظ„ظ‚ظٹطھ لكم حل ظ†ظ‡ط§ط¦ظٹ ظ„ظ„طھط´ظ‚ظ‚ط§ط§طھ ط§ظ„ط¨ط´ط§ط±ظ‡ ط§ظ„ظƒظ„ ظ„ط§ط²ظ… ظٹط¯ط®ظ„ ط§ط¨ظ‡ط±ظٹ ط²ظˆط¬ظƒ بعد ط§ظ„ط§ط±ط¨ط¹ظٹظ† اب ، ظٹط§طظˆط§ظ…ظ„ لقيت لكم حل نهائي للتشققاات البشاره الكل لازم يدخل ابهري زوجك بعد الاربعين اب
بسم الله الرحمن الرحيم والصلاة والسلام على اشرف الخلق سيدنا محمد وعلى اله وصحبه اجمعين اما بعد
اتمنى من كل اخت تقرا موضوعي انها تدعي لي بالتوفيق فيحياتي العلميه والعمليه وان يغفر لي ولجميع المؤمنين الاحياء منهم والميتين ويسخرلي زوجي وذريتي ويشفيني من مرضي انه سميع الدعاء
بس هذا الي ابيه منكم سواء شفهي والا مكتوب
بدايه يا اخواتي والله اني كتبت تجربتي حتى انفع جميع اخواتي المسلمات في كل مكان لقول الرسول عليه افضل الصلاة والسلام : " من سئل عن علم فكتمه ألجمه الله بلجام من نار يوم القيامة "
لكل من تعاني من الخطوط البيضاء الشديده وحتى اثار الاكزيما اقدم لكم تجربتي
بداية القصه
من زمان يا اخواتي من بداية المراهقه طلعت فيني الخطوط والمشكله اني ما اتذكرها حمراء يعني ما كنت اطالع في جسمي بعمر ال 13 انتبهت الا والله فيه شوية خطوط على الارداف وضاق صدري مره بعدين من قل الخبره قلت اكيد بيروح ان شاء الله اذا كبرت بعد سنه زاد وما كنت اهتم با الترطيب كثير لحد ما وقع الفاس با الراس يوم شفتهم زادو المهم كبرت وصرت في سن زواج وصرت مره اهتم بجسمي ونفسي وكان كل شي كويس الا ما تركته المراهقه على جسمي عجزت تعبت ابيهم يروحون ما راحو كانو بمنطقة الارداف وتزوجت وكنت استحي البس شورتات قصيره مب استحي والله مقدر يا فشيلتي من هاالخطوط يعني كل شي كان اوكي جسمي حلو ياربي لك الحمد وصافي الا من ذيك المنطقه فا كنت اي شي اسمع عنه اجربه من الطريقه الصينيه الا الصبار مافيه لوشن والله ما اقرا عنه الا اجيبه كل شي عندي اي شي تسمعون فيه عندي حتى اهلي يقولون وش دعوى داخلين بدي شوب كل شي تتوقعونه عندي لعلاج الخطوط شوفو بس ابن ادم يعني ما كان يشغلني في جسمي الا الخطوط الي في ذيك المنطقه تخسرت وتعبت على الفاضي
وفي يوم من الايام وش تتوقعون صااااااااااااار
انتشرت الاكزيما في جسمي انتشار غير طبيعي شوهت جسمي والعبت فيه لعب غيرطبيعي وبدال ما اركز على منطقه وحده صرت اطالع جسمي واصيح تشوهت يا بنات والي جربت الاكزيما تعرف عن ايش اتكلم ما خليت دكتور ما رحت بس جسمي قلب فحمه قلت سبحان الله بساعه بلاني ربي والحمدلله على كل حال يعني بدال ما كان يضيق صدري لاني مو قادره البس شورت صرت ما اطلع حتى كعب رجلي
في يوم من الايام وها الكلام قبل تقريبا 3 شهور او اقل بكم يوم دخلت منتدى وكانت فيه وحده الله يوفقها والله اني ادعي لها من كل قلبي والله اني مومتذكره اسمها بس الله يعطيها على قد نيتها ويوفقها كانت كاتبه عن طريقتها انهاتستخدم زبدة الشيا مع زيت زيتون وانها اخذت الطريقه من وحده اجنبيه كاتبه تجربتها او با الاحرى مصوره نفسها وعارضه تجربتها وتقول انها اخذت الطريقه وجربتها كم مره وبتستمر عليها عاد مدري وش صار عليها بس الله يوفقها وين ما راحت لاني مدري وش اسمها بس كانت كويتيه
المهم
الاجنبيه الي عارضه تجربتها راحت منها الخطوط نهائيا وقالت ان صديقتها راحت منها اثارالاكزيما بعد استخدام ها الطريقه بس بشرط ان النتيجه ما تبين الا بعد 6 شهور يعني ان شاء الله بعد 6 شهور تختفي تماما وبتلاحظون التغير والتحسن من بعد شهر ونص بس بشرط الاستمرار ياااااابنات
والله الذي لا اله الا هو انها خفت مني بنسبة 80 با الميه واثار الاكزيما كلها اختفت ولي 3 شهور استخدمها ويمكن اقل بكم يوم بشرط الاستمرا ر
الطريقه هي
طريقة عمل لوشن زبدة الشيا الخام مع زيت الزيتون للتشققات
هذا شكل زبدة الشيا اخذت حوالي 3 ملاعق اكل ,,, يعني الكمية عشوائية مافي مقادير بالنظر
اضفت عليها زيت زيتون عصره اولى ضروري لانه افضل شيء
هذا شكلها صار بعد ما اضفت الزيت مثل الكريم
رجعت اضفت زيت زيتون زيادة لاني ابيها اخف مثل اللوشن
اضفت عليها فيتامين E وفيتامين C مصل نسبة 20%(مومشكله اي نوع بالصيدليه موشرط نفس اللي بالصوره حبايبي)
وهذا الوشن حطيته في علبة حتى يسهل استخدامة
منقووووووووووووووووووووول
وان شالله الكل يستفييد من التجربه
نجي للاسئله الي انا متوقعتهامنكم
من وين تلقون زبدة الشياالخام
من محل اسمه loccitane
وبرضو تلقونه عند محلاسمه إن ما غلطت اسمه ( كنز الطبيعه او كنوز الطبيعه) في غرناطه اما الي في بدي شوب ونكتار فهي لوشن يعني اذا بتاخذونه خلوه مرطب دائم بس الاصل الي انا كتبته لكم
شي ثاني الله يجزاكم خيرلا تسئلوني عن اسم الاجنبيه او وين الموقع الي شفتها فيه اعذروني ما ابي اخذ اثم احد لانها شبه عاريه فا ماودي اخذ ذنبكم الله يتوب علي
ولا تنسوني من دعائكم في ها اليوم الفضيل ويشفيني ربي مما ابتلاني فيه
أسئلة العضوات وردود صاحبة الموضوع ..
تعقيب:
** غرناطه الرياض ولاالشرقية ؟؟
غرناطه الرياض في الدور الثاني..
تعقيب:
** وربي فرجتي كربه تدرين وانا اقرا كلامك احس انك تتكلمين عني الله يوفقك دنيا وآخره يارب ان شاء الله بس اشتري الزبدة اسويها بإذن الله
والله اني يأست الاقي للأكزيما حل خلاص سلمت امري لله
بس الحمد لله يارب يطلع الفرج تحت يدك يااارب ولك مني دعوة بظهر الغيب
الله يوفقك دنيا وآخره
حبيبتي سؤال كم سعر زبدة الشيا
انا الاكزيما العبت فيني وشوهت جسمي وبعد علاج الحساسيه والاكزيما من حبوب وكريمات وغيره رااااااحت بس بقت الاثااااااااااار الي دمرت جسمي وها الخلطه الحمدلله يارب لك الحمد شالت الاثار من جسمي
اما سعر زبدة الشيا عندكنز الطبيعه او كنوز الطبيعه على 40 ريال تزيد شوي يمكن 44 ها الحولاتيعني
اما الي عند لوكسيتان فااعتقد 99 او 90 العلبه الصغيره او اقل شوي بس انها اغلى من كنوز الطبيعه مع اني احسان الي عند كنوز الطبيعه خام اكثر من ريحتها وثقلها والعلبه الكبيره عند لوكسيتانان كاني مو واهمه يعني انا احط الاسعار التقريبيه على كثر ما اشتريهم ما حفظت اسعارهم بس اعتقد انها 172 ريال
تعقيب:
** ظنك لو أحطه على المناطق الحساسة بيفتح لونها؟
مدري والله يا اختي بس بتنعم وتصفي انا ادهن كل جسمي بس ما قربت على ذيك المنطقه بساحط على منطقة البكيني
** زبدة الشيا الخام ..لها ريحة مزعجة ؟؟وين مصنوعة فيه ؟؟
نبغى صورتها ؟؟
اختي زبدة الشيا من افريقيا اعتقد جنوب افريقيا وريحتها مقبوله الي عند لوكستيانوالي عند كنوز الطبيعه اقوا ريحتها ريحتها مو سيئه بس غريبه انا عن نفسي ما استنكرتريحتها واعرف وحده تقول اعجبتني ريحتها وقريت مره وحده في منتدى تقول ما تحملتهايعني اختلاف اراء بس مقبوله ريحتها وفي سببيل ازالة الخطوط لو كانت مره حطيتها
تعقيب:
** انا بالشرقيه ماتعرفين محل يبيع الشيا؟
اقرا في الكيس الي عندي حق محل لوكستيان مكتوب انه موجود في مجمع الظهران تلقين عنده الشيا الخام
تعقيب:
** هل فيه فروع لكنوز الطبيعه غير غرناطه لأنه بعيييييد مره؟؟
لا يا اختي ما اعتقد لهم فرع غير في غرناطه بس روحي لحياة مول او صحارى وخوذي من لوكسيتان
///
تعقيب:
المحل الثاني لوكسيتان موجود في حياة مول الدورالاول وفي صحارى برضو
في المنطقه الشرقيه في الظهران مول
وفي جده بس مدري وين بس كانو كاتبين كذا مول
اما الاخوات الي اسئلونيعن الي في بودي شوب انا استخدمتها لمدة 20 يوم مع زيت الزيتون بس احس انها مخففه مهي خاااام كنها لوشن والي عند نكتار فيها روائح يعني اضافات شي اعتقد توت ومدريايش الباقي وهو يقول طبيعيه قلت اي طبيعيه وفيها اضافات يعني الي ما تلقى الخامتستخدم حقت بدي شوب مع زيت الزيتون لحد ما تجيب الشيا الي بدون اضافات
تعقيب:
** ياريت تقوليلي اذا كان عندك فكرة من وين احصلها في الكويت واذا كان فيه أفرع لكنوزالطبيعة في الكويت والا لا؟ أو لوكيستان ووين مكانهم؟
والله يا اختي اني ما ادري اذا لهم فرع با الكويت او لاء اذا حصل لي روحه لهم سئلتهم اذا لهم فروع هناك او اسئلي بنات الكويت يمكن يدرون والله يوفقك
تعقيب:
** ودي اعرف زيت الزيتون الي استخدمتيه اي نوع حق الاكل العادي (الوزير او ساسو او او…
اي زيت زيتون واذا لقيتي الاصلي بعد افضل ما فيه مشكله اي نوع يا اختي
** زبدة الشيا موجوده في الصيدليات في الرياض ولا لا وكم الكميه الي تكفي مدة سته شهور؟
والله يا اختي العلبه الي عند كنوز الطبيعه صغيره وانا سألته قلت فيهحجم اكبر قال لا والله حجم واحد يعني العلبه كلها حقتهم تحطينها في علبة موية صحهصغيره وتحطين فوقها زيت الزيتون لحد ما تتغطى زبدة الشيا كلها وترجينها يعني حاولي تاخذين منهم 7 حبات وعليك الحسبه اذا العلبه بي 40 او 44 ريال شوفي كم يطلع بسيعتبر ارخص من لوكسيتان بكثير هذاك
انا اخذ العلبه منه على 172 يعني بسعر 4 علب من كنوز الطبيعه
تعقيب:
** يعني الشيا مالقاها الاعند كنوز الطبيعه والعطارين مافي؟
الشيا تلقينها عند كنوز الطبيعه وعند محل لوكسيتان بس العطار ما عنده
تعقيب:
** حبيبتي شنو اسمها بالانجليزي ممكن صورة الي عند بودي شوب انا في اوربا ما لي غيربودي شوب ما فيه محلات ثانية؟؟
اهلين اختي اسمها با الانجليزيShea butter وحاولي تسوين بحث عنها يمكن تلقين بعض المواقع الي توصلها لك هناك وتجيبلك زبدة الشيا الخام بس للاسف بالخليج عندنا ما يقدرونيوفرونها لنا ما بعد توفرت هناك توصيل للشرق الاوسط بس ان شاء الله وحده من البنات تسوي بحث وتشوف اذا لقت مواقع توصل لنا الزبده الخام وتكون اصليه ميه با الميه يكونافضل والنتيجه اسرع لان الاجنبيه الي عارضه تجربتها تجيبها من افريقيا وتقول رخيصه بحدود 10 دولار هناك وأصلية.
تعقيب:
** وين الاقيها بجده؟؟
كنوز الطبيعه مو موجودفي جده وبنات جده روحو لمحل لوكسيتان وتلقون زبدة الشيا الخام عنده بس مدري وين فروعه بجده اتصلو على الاستعلامات ويعطونكم رقمهم
وهنا إضافة من إحدى العضوات ..
تعقيب:
وبالنسبة لبنات جدة اللي يسالوا عن محل
لوكستيان موجود في الردسي مول ومجمع العرب
وفي التحلية مول وستار افنيو
تعقيب:
** يارب ينفع معي
يعني يصلح لتشققات الحمل؟؟
طبعا يا اختي تصلح اصلا هي لي ازالة الخطوط والاثار الي في الجسم بس لازم استمرار لمدة 6 شهور بتلاحظين الفرق من شهر ونص الىشهرين وبتغريك النتيجه وبتستمرين ان شاء الله
تعقيب:
بالنسبه للخلطه زبده الشيا
مع زيت الزيتون نص العلبه زبده والنص الثاني زيت؟؟؟وجزاك الله خير
يا اختي انا حطيت مثال علبة مويه الصحه بس مو شرط تسونها فيها ومو شرط نص العلبه انبغيتي ربع العلبه بس الي اقصده الكميه الي تحطينها من زبدة الشيا صبي فوقها زيتزيتون لحد ما يكون مرتفع عنها بمقدار بسيط 1سم او 2سم بعدين ترجينهم وتستخدمينهموقبل كل استخدام رجيهم
تعقيب:
** مشكورة أختي
أنا شريته من كنز الطبيعة
بس العلبة صغيره مره ..
ما أدري بتكفي و لا ..وكم أحطمع العلبة الوحدة زيت زيتون؟؟
حطيها بعلبة موية صحه.. الزبده كلها
وعبيها زيت زيتون الى ماتوصل لأعلى الزبده بشوي ( شبر// سانتي)
ورجيييها مرررره
وتكون جاهزه للاستخدام
/////
هنا إضافة من إحدى العضوات
//////
تعقيب:
هذي صورة الزبدة الي قالتها الاخت من محل كنوز الطبيعه
(الصورة من احدى الاخوات في منتدى اخر)
سعرها 40 بس صراحه جدا صغيره على سعرها يمكن ماتكفي 5 ايام
الأخت صاحبة الموضوع في رد آخر :
تعقيب:
بنات جبت لكم فروع محل لوكسيتان
جده
روشانا مول 2634960
التحليه مول 2634990
الرياض
حياة مول 2056970
صحارى مول 4520444
الخبر
الراشد مول 8893866
الظهران مول 8684114
المدينه المنوره
اليات مول الافتتاح قريبا
الكويت
افنيو 2597145
الامارات
ابن بطوطه 3685505
مول الامارات 3404309
اب تاون مردوف 2882692
دبي فيستفال سيتي 2326050
ديره سيتي سنتر 2943153
ابوظبي
مارينا مول 6816691
الخالديه مول 6354331
عمان
مسقط سيتي سنتر 24558151
البحرين
السيف مول 7581223
اتمنى اكون افدتكم وان شاء الله اكون نقلت الارقام صح لان راسي لف واناانقل
وهنا إضافة من إحدى العضوات
تعقيب:
بنات قبل شوي درت على المواقع ولقيت المراة الاجنبية اللي اخترعت هالخلطة وهي اصلاكانت تعاني من اكزيما بعدين صارت تستخدمة للجسم والله لو تشوفون جسمها تقولون مرااااااااااية صراحة تحمست وبستمر عليه ماتخيلون صفاااااااااااء مع العلم شكلها في الاربعينات ولون بشرتها شكلاته بس شي شي لاتفوتكم اهم شي تقول لازم تاخذين شوربالليفة عشان تحركين الدورة الدموية بس ماتجرحين نفسك بعدين تسوين الخلطة لازم الخلطة تكون سائلة مو زي الموية لا اثقل ويكون لونها اصفر مخضر عشان الزيت الزيتون ويفضل يكون عصرة اولى مومكرر وهي حاطته في قارورة زي الموية بس من جد شي..
وهذا رد من إحدى الأخوات
تعقيب:
انا فعلا قرأت تجربة وحدة تقول انه الخطوط اختفت مع استمرارها على زيت الزيتون
جزى الله الأخوات كل خير وبارك في جهودهم…
أتمنى أخواتي الفاضلات الدعاء لصاحبة الموضوع بالشفاء التام والصحة والعافية ..
ولي بالهداية والثبات والتوفيق في حياتي ..
منقول
عواااااااااااااااااااااااافي على الطرح الرائع