انا في هم ما يعلمه الا الله تخيلو المفروض تتم ملكتي بشهر 7والزواج بعده بشهر يعني شهر 8 على حسب عوايدنا بس اهل خطيبي كلموني وقالو ان الخطبه بشهر 7 والزواج السنه الجايه طبعا انا ما قلت شي وقلت لهم على راحتكم بس المشكله اني طفشت ببيت اهلي لاني صرت زي الخدامه دايم يامرون علي وما يعطوني اخواني اي وجهه لدرجة انهم صارو يعايروني بقعدتي بالبيت لا زواج ولا خطبه ولا شي مع العلم اني من اوائل على دفعتي بس تخصصي مو مطلوب بمنطقتي
وش رايكم اقدم بمنطقه تبعد حوالي ثلاث ساعات لان تخصصي مطلوب عندهم مع العلم انها منطقة ساكنين بها خوالي
وش تتوقعون ردة فعل اهل خطيبي واهلي لان الريال صرت احصل عليه بالحسره وضروف ابوي من اسوء لاسوء
وش رايكم هل المفروض اكلم خطيبي واخذ رايه
مع العلم ان من شروط الزواج ما يمنعني باي مكان اتوظف فيه
وين الردود
هلا اختي..
خليهم على راحتهم وانا ما وانصحك بالعجله تروي الزواج مسؤليه مو مسالة تتزوجي وتفتكي..لانك بتكرفي عند زوجك وبتتحملي مسؤليه..
ومادام من الشروط مايتدخل بوظيفتك ..توكلي على ربك واستخيري قبل كل شي..
اذا حسيتي انك مرتاحه روحي وقدمي على الوظيفه..
والله يوفقك..
يالغلا لازم تعرفين إنك ببيت زوجك بتشتغلين ويمكن أكثر لأنك بتكونين المسؤله الوحيده
وبخصوص الوظيفه استخيري وثلاث ساعات تقدرين تحملينها إذ كان عندك رغبه بالوظيفه
يعنى مو شرط تنتقلين عند خوالك
وبخصوص إنك تكلمين خطيبك
حبيبتي مايجوز لك تكلمين رجل إلا بعد عقد القرآن يعنى بعد الملكه أما قبل كذا بيكون رجل اجنبي عنك ولا يحل لك تكلمينه
والله يوفقك ويسهل لك
شكرا لردودكم ان شاء الله اني بستخير والله يكتب لي الوظيفه
اقسم بالله انك قهرتيني
ياحبيبتي قدمي على الوظيفه مايبي لها كلااااااااااااااااااااااااام الله يصلحك
شكرا لك ياخدود هايدي وان شاء الله بقدم على الوظيفه
كلمية الين تتزوجي وبعدين اتركي الوظيفة