احتاج لمشورتكم 2024.

بسم الله الرحمن الرحيم

السلام عليكم

امابعد…

بصراحه ادري اني قطعت المنتدى لفتره بس جد كانت عندي شويه ظروف ومشاكل

وودي اقولكم وش صاير معي وودي بشوركم لاني ادري ماخاب من استشار

بصر احه انا عندي اختي متزوجه ولد عمتي وهم كانو يحبون بعض قبل الزواج بس المشكله بعد زواجهم صارت بينهم مشاكل يعني لحد اللحين لهم 10شهور من تزوجو وهم مستمرين بالمشاكل

وهي صغيره بالعمر يعني18سنه

اخر مشكله انه جاب اخته لبيتهم وجدتي وقالها نامي بيت اهلك وهي زعلت تقول وشلون يدخلون البيت بدون راعيته

وبصراحه انا ملاحظه عليه يحب يلقى عليها الزله بأي شي وربي ياخواتي اني مازليت عليكم بكلمه

كثير يحب يغلطها وهو فيه مشكله كبيره شككاك وربي انه يشك بثيابه اللي عليه دايم مسوي مراقبه عليها وعلى تلفونها وياما صارت بلاوي على هالتلفون لدرجه يخلي اخته تراقب زوجته تخيلو

واللي يعور القلب اختي توها صغيره وشافت المر منه وهي مشكله اختي دلوعه ابوي يعني كل شي تبيه عندها

المشكله انهه في فرق بينا وبين اهله كاأجتماعيا بس عمرنامابينا لهم وربي صادقه هم اهلنا وشلون نغتر عليهم اصلا لايدخل الجنه من بقلبه ذره من كبر وهو دايمم يحس بالنقص هذا ومسوي لها سوالف وربي كاسره خاطري والمصيبه انها حامل وعلى وجه ولاده

جد ابي مشورتكم حدي ظايقه فيني الدنيا من هالموضوع

الله يسعدكم ويبعد عنكم وعني كل ضيقه

طيب خلي أختك تطنشه وتقعد عند
أهلك إلين يعدل من وضعه..

ولا ترد أبد إلا إذا صار ياخذ برايها
من يدش ومن يطلع ..

اهو مو ببيتها زي ماهو بيته؟؟
حتى دايم المرة مسكينة اهيه اللي
تجلس بالبيت فترة أطول ..

خلي أختك تعطيه درس وماترد له
حتى بعد الولادة ..

لو تجلس عندكم ست أشهر..

عاااادي راح ياخذ درس وماعاد
يضايقها..

وبتشوفون..

لاتقولون والله قويه تجلس عندنا
أنا أقول لك اش احسن كل شوي
ترجع لكم وبمشكله ولا مرة وحده
وماعاد تتكرر..

بكيفكم..

ملاحظة :

ترى رجال هالأيام مايبيلهم إلا كذا
طايحين بحريمهم شك وقلة حيا..

موفقه..

ويااااااااااااااااارب تنحل..

هذا مشكلة الزواج اللي يكون عن طريق حب ..
بس انا ماعمم ,, هذا البعض !!

يمكن عشان الفرق بينكم عشان كذا يعاملها معاملة سيئة ويشك فيها ..
ومثل ماقالت اختي خليها عندكم لحد ماتولد وبعدها يحلها الف حلال
يمكن يتغير بعد اول مولود ..

الله يستر عليهم يارب ..

انا برايي انها تكسبه بكلمة ابشر وان شاء الله بدل المشاكل لان الرجل يحب الانسانه المطيعه والاهم من هذا فرض حترامها وشخصيتها عنده وعند اهله….
والنقاش ..مافيه اجمل من الحوار…خصوصاً الزوجين مجال الحوار مفتوح لهم …..صديقيني سهل عليها تغيره دامها زوجته….
يعني وقت ماتحس انه مروق تناقشه بالشي اللي يضايقها ..تسأله عن سبب شكه ؟؟ممكن هو سامع كلام وخايف لايكون صدق>>والشك راح يرابطه دامهم تزوجو عن حب…لان بمجتمعاتنا الرجل لما يعرف وحده عن طريق الحب بعد الززواج يروح الحب وتبدى افكاره السيئه مثل اكيد انها تحب واحد قبلي واكيد …..الخ..
الافضل لها تناقشه وتفهم ايش المشكله…ومافيه مشكله لو تجلس عنكم الين تهدى النفوس وتولد…
امكن يرجع الحب مع مولد طفلهم…
موفقين يارب…

الله يهدي زوجها ان شاءلله

وخليها تعلم ابوك على سوالفه ويوقفه عند حده

الا الشك اعوذ بالله الله يعدل حااالها يااااااااااااارب ويقومها بالسلاااااااامه

الله يعينكم

الله يفرج عليها ويصلح شأنهم

انا والله رايي من راي الشخصيه …
وعموما اول سنه بالزواج لازم تكون فيها هالمشاكل … مع الغالبيهـ …
وخلاص اذا ولدت ان شاء الله اذكرك بيتغير .. وبيحس بالجديهـ ..
بس الله الله وصيها بطاعته ومداراته .. ووالله بتقدر تخليه خاااتم باصبعه ..
بالكلمه الزينه والمحبه ..
والله يوفقها ..

شوفي هو احتمال ذي مشاكل اول سنة خليها تصبر وان شاء الله يتغير ولما دخلهم البيت يمكن غصب عنه مع اني اكررررررره هالحركة والشك صعب بس كمان تعذره ممكن من الغيرة بصراحة دامها حامل تتمهل بالامور عشان النونو الله يقوم امه بالسلامة ويجي على خير .. وخلوها تجي عندكم تريح الشهور اللي بقت بس لا تقول انها زعلانة وبعد الولادة تلاحظه هو متغير ولا على حاله ,,
والله يهدي سرهم ,,

الله يرده لها ويهديه وينزل السكينه والود والرحمه بيناتهم
ويقومها بالسلامه كود لاصار أب ايتغير
وادعوا لها بظهر الغيب وادعوا له بعد
وموفقين …