وانا بصراحه قلت لها تروح على اهلها وماترجع له الا ولها بيت بروحها بعيد عن اهله وعوار الراس وخصوصاً نها حامل بالشهر الخامس يعني تبي احد يخدمه وتبي تكون مرتاحه ….زوجها وافق انها تروح بس قال لها تروحين بس مااضمن انج بترجعين يعني في احتمال انه يطلقها …وهي خلاص ان شاء الله الاربعاء بترجع لاهلها
بس تبي منكم نصيحه …وهي اذا زوجها جاها مرة ثانيه ترجع معاه على اهله ولا شتسوي ..وهي غلطانه لانها طلبتت بيت بروحها ؟!
بنات اللي عندها ط§ظ„طظ„ تقول لان خلاص كل الطرق سكرت بوجهها
بنتظاركم بنات مو تطنشون ………
الله يوفق ويحقق اماني اللي بترد
تحياتي
يعني من باب الاحترام…وصديقتك لازم تصبر عليها…بعض الحموات الله يهديهم كذا يحبون يدخلون انفسهم بكل شي…فمالها الا صبر عشان زوجها هو ايش ذنبه..ولازم تقدر العقول..وتتعامل مع كل شخص بما يناسبه….وطيب ليه زوجته ماتروح معه للخبر…
وانا اقول ليش تجلس بالشقه دام زوجها مو موجود….يعني لما يكون زوجها مو موجود تروح عند اهلها..
ويمكن هم يسوون هالامور من باب الغيره…لانه يمكن هم يحبون اخوهم وجائت صديقتك واخذته منهم…
فالافضل كل ما قالو لها شي تقول ابشري ..من عيوني…وحتى لو ماتسويه…بس اتقاء للمشاكل…وتحاول تكسبهم بالهدايا وتعزمهم ومن هالكلام لين تكسب مودتهم..وهي زوجها يجي عشان يرتاح يلقى مشاكل..كذا راح يمل..لازم تطول بالها يومين…واذا كان زوجها يقدر يسكنها ببيت لوحدها فيكون افضل..
وبالنسبه لسؤالك ترجع مع زوجها او لا….فالافضل ترجع عشان ماتخرب بيتها…وبعدين انا سبق قلت ايش ذنبه…وممكن تشترط عليه تقول يا تحط لي بيت لوحدي او انه انا اجي معك لشقه اذا جيت واذا سافرت توديني بيت اهلي عشان ماتصير مشاكل…
الله يهديهم الجميع ويؤلف بينهم..
فعلآ هيوبه معهآ حق ع اللفظ المفروض مستخدمه غيره
امآ ع السؤال انااشوف انهآ ترجع معه هذولآ امهاتهنا تحملوآ وصبروآ ومهمآ كآن هذي فتره والمفروض تحافظ ع بيتهآ خصوصآ إن زوجهآ بصفهآ
وإن شاءالله بالمعاملة الحسنه والاسلوب الحلو تغير ام زوجهآ وحماتهآ
اشكركن عزيزاتي ع الرد ………..اسفه بخصوص كلمه عاجوز بس انا كنت اكتب وهي قاعدة معاي …
اما بخصوص انها تكسبهم فهذي صعبه وااايد اكثر ماتتخيلون لانها حاولت بكل الطرق بس مافي فايدة
وانها تروح معاه على الخبر هو مايرضا انها تروح معاه ولاتروح عند اهلها ..
اشكركن عزيزاتي عالرد
تحياتي
مايسب الواحد الا لسانه خليها تمسك لسانه تحااااول
افضل حل **** الحقرااااااااااااان *****
لا تخسر زوجها البنات على الف من يشيل
والخبر مدينه تجنن ليش ما تسكن معاه
ولا الماديه؟؟
خليها تتحمل وما توقف الدنيا على حاااااال
وخليها تداوم على سهام الليل
الله يوفقها ويوفق الجميع
************
كل كلام البنات صح………….أساليها اذا تحب زوجها تفكر في المسكين ماله ذنب بلي امه تسويه وانتي بعد مالك ذنب لازم تحاولي تتعايشي مع الوضع وتحاولي قد ماتقدري انك تتجنبي المشاكل هذي عجوز زي ماقلتي حسبة جدتك لو طولت لسانها برضو احترميها لانها ام الغالي …….
وبعدين خل عندك شخصيه ترا محد له حق يتحكم فيك غير زوجك تطبخي تنفخي بكيفك انتي لك شقه لوحدك خاصه فيك اجلسي فيها وقفلي الباب وريحي راسك اطلعيلهم وقت العصريه سولفي وباليل وباقي الوقت اجلسي بشقتك اظن من حقك تاخذي راحتك بشقتك……………عندنا بنات كثير ساكنين بشقق مع اهل ازواجهم وعادي البنت تسير عند اهله ع كيفها وشقتها ملكها محد يدخلها الا بأذنها ………………….ترا انتي تعملي مشكله وهي بسيطه لاتخسري زوووووجك نصيحه تمسكي فيه اذا انك تحبيه وذي فتافيت مع الايام تنحل لانك لسى توك جديده عليهم
ربي يسعدك لاتتركي زوجك الله الله
انا لو مكان صديقتك اذا زوجي مايقدر يخليني اروح معاه ولا عند اهلي
اذا سافر زوجي اقفل علي بشقتي ولا افتحلهم ولا اروحلهم دام هاذا اسلوبهم
والمشاكل ماتنحل الى بالتفاهم بدون ماتروح عند اهلها تخلي ابوها يكلم زوجها بهدوء وراوقه
وينقلها بيت بعيد عنهم واذا مانفع تطنشهم كل ماقالو شي تسوي نفسها ماتسمع قسم بالله يتجننون
انا مدري ليه بعض الناس تحب المشاكل وتخريب البيوت الله يعينها
اشكركن كثيراً …..كلامكن صح هي ماخذته عن حب …بس ام زوجها قلبت عليها بطريقه مو طبيعيه قبل الزواج كانت تضحك معها وتسولف بس فجاءه بدون مقدمات قلبت عليها حتى مافي اي سبب
اما بخصوص انها تسكن معاه بالخبر قلت لها بس هو راض بسب شغله لانه مودايما يكون بالبيت مع انه يشتغل بوحدة من الشركات …وبخصوص الشقه هي خوافه اذا موعندها زوجها تخلي الباب مفتوح …
ابوها وابو زوجها اخوان يعني هي ماخذة ولد عمها وخايفه تقول لبوها عشان ماتصير مشاكل بين الاخوان وتكون هي السبب …
على العموم هي تدخل المنتدي كزائره واكيد تقرا الحين ردودكم …………
انا اشكركم بالنيابه عنها فعلا ماقصرتو الله يوفقكم وين ماتروحون ويحقق امانيكم
تحياتي
حبيبتي انا عندي مشاكل زي صحبتك ويمكن اكثر ونصيحه من مجربه افضل شي السكوت والتمثيل بمعنى انه تحاول تكون من النوع الصامت يعني تتكلم حماتها او خواته حتى لو كان كلامهم يضايقها ترد بهدوء ورد مختصر حتى لو يكون كلمتين المهم قدام زوجها تكون الضعيفه المسكينه عشان بكره لو صار ماصار زوجها يعرف انها مش السبب في المشاكل ومايشيل عليها والتمثيل بعنى انها تجلس معاهم عادي لكن ماتحاول لاتناظريمينها اوشمالها يعني كأن مافيه احد عندها تعيش عالمها الخاص صدقيني بهاذي الطريقه راح ترتاح ونصيحه لاتقول لزوجها امك قالت اوسوت لانه ماراح يرضى في اهله وخليها تعيش مرتاحه وتمثل عشان تستمر الحياه وهاذا انا شي جربته ورتحت حتى ان ام زوجي ماصارت تضايقني لا هي ولا بناتها اتمنى تجرب هاذا الشي وصدقيني راح ترتاح..
مشكروة حبيبتي ان شاء الله بقول لها ……….وانتي بعد الله يعينج
تحياتي