ومساءكم عسل ,,,
اليوم جايبه لكم حلا سميته ((يالليييييل ماطولك )) خخخخخخخخ بس من جد طعمة لذيذ جداجدا ويستاهل التعب…
بصراحه هذا الحلا ماخذته من وحده من صديقاتي من زمان,, سويته مره ثم لقيت طريقته مكتوبة في الدفتر اللي في بيت اهلي وتشققت ثم قومزت من الوناسه والله من الخف والرشاقه خخخخخ ( اقول اخلصي علينا….. لايكثر )
مشكلة هالحلا يبي له طووووولة بال ويفضل انك تسوينه قبل بيوم عشان ياخذ وقته ويجمد زين …
ندخل في المهم ,,,,
المقادير :
![البرونزية](http://up2.m5zn.com/photo/2017/3/7/08/y4cchqj29.jpg/jpg)
7 جالكسي مسيحه في حمام مائي او في الميكرويف ,
لعمل التوفي:
علبة قشطة ,
4فناجيل سكر,
ربع اصبع زبدة .
للطبقة العلوية :
ظرف كريم كرآميل – 3 جبنة كيري – نص علبة حليب نستلة مركز محلى – 3 ملآعق حليب بودرة.
اولا :
بعد ماسيحتي الجالكسي جيبي اوراق بليسيه وصفيها في قوالب الكب كيك الصغيرة وابدي امسحي الشوكلاته في الاوراق وغطيها بحيث انها تاخذ شكل القالب بعدين حطيها في الفريزر عشان تجمد وتمسك ..
![البرونزية](http://up2.m5zn.com/photo/2017/3/7/08/887u8quye.jpg/jpg)
ثانيا : سوي التوفي
4 فناجيل سكر , ربع اصبع زبدة ,علبة قشطة . (او سوي طريقتك المعتادة للتوفي )
![البرونزية](http://up2.m5zn.com/photo/2017/3/7/08/2im7gs18j.jpg/jpg)
طلعي قوالب الجالكسي من الفريزر وحطي فيه من خلطة التوفي اللي سويتيها , ورجعيها مره ثانيه للفريزر …
![البرونزية](http://up2.m5zn.com/photo/2017/3/7/09/v04pa9mua.jpg/jpg)
( ترى تو مابعد خلصنا سالفتنا مع الفريزر ..)
ثالثا:
هنا انتي وش تسوين ؟؟؟؟
سوي الطبقة العلوية اللي ذكرنا مقاديرها حطيها بالخلاط
![البرونزية](http://up2.m5zn.com/photo/2017/3/7/09/2pbafh7gu.jpg/jpg)
ثم فرغي الخلطة في كيس نايلون وقصيه من الطرف عشان يسهل عليك التوزيع في القوالب …
![البرونزية](http://up2.m5zn.com/photo/2017/3/7/09/75dcojpr5.jpg/jpg)
طلعي القوالب من الفريزر وابدي حطي فيها خلطة الكريم كراميل ….
![البرونزية](http://up2.m5zn.com/photo/2017/3/7/09/lhtexcndz.jpg/jpg)
بعدين زينيها باللي تبين ممكن بسكويت مطحون ممكن بودرة شوكلاته ,, انا حطيت بسكويت رينجو الاصابع فتت كم اصبع ورشيتها عليها وبعدين ارجعي ودخليها الفريزر …. الافضل طبعا انك تخلينه اطول فترة ممكنه يعني مثل ماقلت تسوينه قبل بيوم عشان يطلع معك تمام …
وهذا شكله النهائي ,,,, تفرجوا و تخيلوا الطعم
اممممممممممم
![البرونزية](http://up2.m5zn.com/photo/2017/3/7/09/fxwpzgy7w.jpg/jpg)
![البرونزية](http://up2.m5zn.com/photo/2017/3/7/09/sj7auhghm.jpg/jpg)
وهاذي مجموعة
![البرونزية](http://up2.m5zn.com/photo/2017/3/7/10/8nvfmllac.jpg/jpg)
ولاتفكونه من االاوراق لما تقدمونه عشان يبقى ماسك خلي كل واحد يفك قطعته ,,,انا فكيته عشان اوريكم الشكل
بعدين اخر واهم نقطة
غسلي المواعين خخخخخخخخخ
بعدين تلذذي بالطعم يييمممممممممممم
اتمنى اتمنى اتمنى انه يكون عجبكم ….
والله الله في الردود السنعه اللي تفتح النفس …..
و اتمنى اتمنى اتمنى انكم ما تسفهوني ….. (لا للسفهه)
واللي مالها نفس ترد تدعيلي ولكل مسلم ومسلمة ….
منقول
يسلمووووووووو على الحلى
أوما سالفة ،،غسلي المواعين خخخخ ،،
والله هنا اللي ياليل ماطولكـ>>ذايقه البلا منها خخخخخ
مشكورهـ مرهـ ثانيه على هالنشاط الواضح ماشاء الله
بس اهم شئ لاتنامين الا وانتي مغسلة المواعين زين
خخخخخخخخخخخخخخ