كيف تحفظين إكسسوارتك وأشياء أخرى بطريقة مرتبة 2024.

جبت لكم موضوع وهو منقول
وان شاء الله تستفيدون منه مثل ما انا شخصيا استفدت منه

***********************
*************
****
*

طبعاً احنا البنات كل وحده عندها اكسسوارت وعطور وساعات وشغلات كثيره

بس احياناً يكون المكان صغير مو احياناً إلا غالباً وعلى شان نستغل المساحات اللي عندنا

فكرت ومخمخت مثل ما يقولون وحبيت تشوفون شلون رتبت اغراضي

كان اكثر شي يضايقني الاكسسورات اذا بــ طلع او في مناسبه او شي اتأخر عشان ادور اللون المناسب

وخصوصاً كنت حاطتنهم بأكثر من علبه وفوق بعض

يعني لين جيت بدور يبى ليي ساعه على الاقل

فكرت وطلعت عندي جم فكره ..

اول شي .. الاكسسوارات حطيت بدرج التسريحه اكبر درج خصصته لللإكسسورات

شوفوا شلون

انا سمعت ان فيه مقسم الادراج ورحت دورت في النت صوره له

لان مادري وين يبيعونهم وانا بحاجه لان ارتب بها الوقت

وشفت هذه الصوره

قلت يا الله طريقته سهله بحاول اسويه ضبط اوكي ما ضبط يكفيني شرف المحاوله

وسويته والحمدلله طلع شكله مو بطال يعني يمشي الحال على ما احصل وين يبيعونهم اهم شي تصير اغراضي مرتبه وتحت عيوني اذا بغيتها

المهم شوفوا الصوره

طلع بهذا الشكل

[IMG]http://dc01.******.com/i/00766/hmffv06fz3li.jpg[/IMG][IMG]http://dc01.******.com/i/00766/hmffv06fz3li.jpg[/IMG]

طبعاً استخدمت ورق مقوى كارتون وغلفته من برى بقماش حرير

وحطيت الإكسسوارت وبهذه الطريقه صاروا قدام عيوني وسهل آخذ اللي ابيه

وهذه صوره ثانيه له

[IMG]http://dc04.******.com/i/00766/7awijth5z89p.jpg[/IMG][IMG]http://dc04.******.com/i/00766/7awijth5z89p.jpg[/IMG]

في طريقه ثانيه سريعه للي ما تقدر تسويه او ماعندها وقت ممكن تستخدم السلال الملونه الصغيره او حتى بوكسات صغيره تفي بالغرض

[IMG]http://dc04.******.com/i/00766/8ypz9csyhkw4.jpg[/IMG][IMG]http://dc04.******.com/i/00766/8ypz9csyhkw4.jpg[/IMG]

مكن تحطين الروجات والكلوسات في سله والاكسسورات في سله وعلب طلاء الاظافر في سله او مكياجك اليومي في سله

والساعات انا خليتها في لفافة كارتون قويه واستخدمت الخاصه بالقصدير "الالمنيوم"بعد ما خلص طبعاً حتى اختار بسهوله الساعه المناسبه

[IMG]http://dc01.******.com/i/00766/b865l54j4xrb.jpg[/IMG][IMG]http://dc01.******.com/i/00766/b865l54j4xrb.jpg[/IMG]

وحلق الاذن فيه نوعين نوع طويل ونوع قصير

النوع الطويل جبت كوب

جيبي اي نوع من الاكواب بس يكون طويل وعريض وصفي عليه حلق الاذن بترتيب كل وحده ومعاها اختها بهذه الطريقه

وحطيه على التسريحه

[IMG]http://dc04.******.com/i/00766/jl5ahsofwe6v.jpg[/IMG][IMG]http://dc04.******.com/i/00766/jl5ahsofwe6v.jpg[/IMG]

وبهذه الطريقه تختارين بسهوله وبدون عوار راس بدل ما يتشربكون ويضيع وقتك عليهم

النوع الثاني القصير

[IMG]http://dc01.******.com/i/00766/xsge0bq1wu7e.jpg[/IMG][IMG]http://dc01.******.com/i/00766/xsge0bq1wu7e.jpg[/IMG]

جيبي اي علبه فاضيه اهم شي يكون فيها فلين او اسفنج انا اخذت علبه عندي مالت اقلام هذه يجي فيها قلمين

حطيت فيها حلق الاذن الصغير بهذا الشكل ارتب واحسن

وهذه صوره عن قرب

[IMG]http://dc01.******.com/i/00766/svogeknx4kci.jpg[/IMG][IMG]http://dc01.******.com/i/00766/svogeknx4kci.jpg[/IMG]

والخواتيم جبت حلق كبير من اللي عندي ودخلت الخواتيم فيه بهذه الطريقه

[IMG]http://dc04.******.com/i/00766/3epxcf8iv2ft.jpg[/IMG][IMG]http://dc04.******.com/i/00766/3epxcf8iv2ft.jpg[/IMG]

وممكن تعلقينه او تحطينه في الدرج وبهذه الطريقه يسهل الوصول الى كل الخواتيم

وكلبسات الشعر عندي كميه كبيره وتشغل مساحه فـ حطيتها على عمود التسريحه صفيتهم بالطول بهذا الشكل

صورت لكم جزء منها

[IMG]http://dc04.******.com/i/00766/t242m36tcnyl.jpg[/IMG][IMG]http://dc04.******.com/i/00766/t242m36tcnyl.jpg[/IMG]

والمكياج من كثر اللي عندي ومن حبي له في كل درج عندي شوي

عاد اذا جيت بحط مكياج احوس المكان حوس

لحد ما اخذت هذه الشنطه ولميت فيها كل العده

وحبيتها لانها عمليه

[IMG]http://dc04.******.com/i/00766/0l843o7tna2f.jpg[/IMG][IMG]http://dc04.******.com/i/00766/0l843o7tna2f.jpg[/IMG]

وحطيتها تحت التسريحه والحلو فيها انها تنقفل عن المتطفلين

وهذه شكلها اذا انفتحت

[IMG]http://dc04.******.com/i/00766/ytjxtnqoobjc.jpg[/IMG][IMG]http://dc04.******.com/i/00766/ytjxtnqoobjc.jpg[/IMG]

اللي عندها مكياج واجد تاخذها واللي ماعندها الا شوي ماليها داعي

عطوري صفيتهم بصينيه وحطيتهم على طاولة التسريحه

[IMG]http://dc04.******.com/i/00766/emjhdroziqea.jpg[/IMG][IMG]http://dc04.******.com/i/00766/emjhdroziqea.jpg[/IMG]

[IMG]http://dc04.******.com/i/00766/mifh8e3ot28k.jpg[/IMG][IMG]http://dc04.******.com/i/00766/mifh8e3ot28k.jpg[/IMG]

هي طبعاً ما كفت كل العطور خليت شوي على جنب لكن عطت مظهر حلو ومرتب

وعندي عطور صغيره مركزه حطيتهم بصندوق صغير مفتوح وخليتهم جنب الصينيه هذه نسيت ما صورتهم

وبس خلص الموضوع ان شاء الله يكون خفيف عليكم مو ثقيل وان شاء الله يكون عجبكم واستفدتوا منه

واذا عجبكم ادعوا ليي….ولا تنسون ما تقيموني

تسلم الأيادي
ماننحرم من جديدك.