6 مستحضرات للعنايه بالشفايف 2024.

يسعد مساااااء الحلوين ..

محسوبتكم من ضمن إهتماماتها الجماليه المتعددة موضوع الشفايف وترطيبها
أكرة منظر ممكن يقابلني هو منظر أنثى بشفايف جافه ومليانه قشور .. ومع الروج
تبان المشكله أكثر وأكثر ..منظر مزعج للغايه .. ويمكن يكون أكثر شي يلفتني
بأي وحدة + اليدين ونعومتها ..
الشفايف مثلها مثل باقي الجسم .. محتاج ترطيب وعنايه وتقشير ..
لأن مع الوقت الكولاجين اللي فيها يتناقص ومحتاج تعزيز بسبب عدم وجود غدد دهنيه فيها
وراح تفقد بريقها وتصبح شاحبه ..
أو بنضطر نروح لبنشرجيه التجميل وننفخها مثل بعض ممثلات الخليج ..
الشفايف الرطبه والصحيه حتى لو حطيتي عليها مرطب ولا روج بلونها طلعت حلوة ..

المنتج الثاني , لقيته في ستاند لشركه جديده
منتجاتها كلها أورقانيك .. للعنايه بكل إجزاء الجسم
ويحتوى على مجموعه كبيرة من اللوشنات وكريمات وغسولات الجسم
بنكهات وروائح مختلفه
وأسعارها تقريباً معقوله .. في صيدليه وايتس ..
لها فروع في أنحاء الرياض والشوارع الرئيسيه
لكن اللي أروح لها في حياه مول جنب بوابه 5
وفي بانوراما مول جنب بوابه 4

سعر المنتج

38 ريال

احترت بينه وبين نكهه الرمان والأفوكادو بس رسيت على المانقو

رغم أن الريحه خفيفه جداً مو واضح أنها مانقو
ترطيبه متوسط …. موب واو .. لكن مو دبق وريحته لطيفه <– تهمها الريحه ..

المنج الثالث .. من بيزليين ..

اشتريته من صيدليه الحبيب .. ترطيبه حلو .. ومايدبق
وسعرة من جد واو .. لدرجه أني ماتوقعت بيكون حلو <– أزمه ثقه بالرخيص
سعرة 10 ريال بس .

المنتج الرابع مقشر للشفايف من بودي شوب

نسيت وش بربر على راسي وهو يمدحه بخصوص مكونات
بس اعتقد باللوز والشيا .. اشتريته تحت الحاح من بياع بثر عندهم
مع العلم أني داخلة أشتري أغراض ثانيه مالها علاقه
بس قلت يالله مو مشكله نجرب وش ورانا
سعره بين ال50 وال60 <– من جد أعذروني بحتة الأسعار .. أنسى
المفعول :
خرطي .. استخدامه قلق .. وقوامه مزعج ..
ماحبيته بنوب , يمكن لأني شريته تحت ضغط البربره
وترى هالقشور اللي ظاهرة فيه من مكوناته وهي اللي بزعمهم تقوم بالتقشير..

المنتج الخامس .. مرطب يجنن .. حبيته من أول استخدام

رغم استخدامه المزعج .. بس مو مشكله ..
اشتريته من بوتس لندن .. سعرة بحدود ال30 ريال تقريبا مو متأكده
ريحته لطيفه .. يعطي شعور تقريص خفيف للشفايف ..
ويحتوي على عامل حمايه
وللأسف مو متوفر بصيدلية ترياق الشفاء <– النسخه الباهته لبوتس
مدري لية مو متوفر هنا ..

هالمنتج الساحر ,, من كريستيان ديور

كولاجين للشفايف .. مفعوله يجنن .. مع الأستمرار بإستخدامه
تحسين بفرق .. طبعاً لاتتخيلون بيخلي شفايفك مثل شيماء علي
بس يسوي اكتناز لطيف وناعم بالشفايف وينشط الكولاجين فيها.
من تحطينه تحسين بتقريص ووخز يدغدغ <– أم التسويق
وريحته روعه .. عيبه اللمعه الزايدة لكن مو مشكله
وكمان يدبق بس بعد مو مشكله <– الحب بلوى
سعرة كان بحدود 120 ريال

شوفوا كيف لونه الوردي اللؤلؤي .. يعطي بريق للشفايف بشكل لذيذ

هل برجع أشتريه ؟
طبعاً ! لو حصلته قدامي ..

خلصنا المنتجات الـــــــ 6 ..

لكن حبيت أضم للقائمه منتج سابع
اعتبر له مفعول معزز للشفايف مع أنه غلوس ملون ..

هالفارس الجميل من اوربان ديكاي

نشبت لي فية اللي تبيع واشبعته من المدح

بس نشبه بذرابه وذوق ومصداقيه موب مثل نشبه بياعيننا اللي
يمدح لك منتجات نسائيه كنه مجربها بس عشان نسبته في المبيعات
اغرتني واشتريته خاصه أنها أصلاً شافتني جالسه اتفحصه يوم شدني لونه ..

لونه في العلبه ترتاعين منه صارخ, لكن على الشفايف غير .. يجنن لون أحمر كرزي موب مزعج بنوب

والريحه روعه والمذاق يمي يمي .. شي حالي لذيذ .. يعني لو متعودة تلحسين الروج
هذا بتاكلين شفايفك موب بس بتلحسينها ..
لكن وش اللي يهوس صدق ؟ مفعوله والتقريص اللي يسويه في الشفايف
يعطيها اكتناز رائع ..طبعاً مو بالشكل اللي يشبه البوتكس ولاتصدقون أي منتج بيسويه
لكن اكتناز محسوس بدرجه بسيطه .. ماندمت أبد أني شريته بالعكس ندمت أني ماقشيت كل الألوان , بس عيبه الوحيد عبوته ..يبي لك حذر وأنتي
ترعصينه عشان مايطلع منه كميه أكبر من حاجتك .. ماحبيتها أبد

في النهايه ..

الشفايف مثلها مثل باقي أعضاء الجسم , تستفيد من شربك للماء وتتأثر بالعوامل الخارجيه

لكن كأنثى لأزم تهتمين بمظهرها أكثر خاصه لو كنتي من عشاق الأرواج ..
والعنايه فيها جداً بسيطه وماتاخذ وقت .. أنا أقشرها بواسطه طبقه غنيه من المرطب أو زيت اللوز أو زبدة الكاكاو
ثم الدعك الخفيف بواسطه فرشاه ناعمه ( اشتريت فرشاه اسنان أطفال من مذركير لهالغرض )
أو بواسطه قطعه من الشاش تلفينها على اصبعك وتدعكين بحركات دائريه بكل حنيه ..

؛؛

ولما تشترين منتج مهما كان الغرض منه أصبري عليه .. عطي نفسك فترة عشان تصادقينه

ساعات ماتشوفين كل جوانبه الإيجابيه من أول مرة .. استخدميه أكثر من استخدام وتحايلي عليه
لاتحقرين المنتج بس لأن سعرة متدني ترى ساعات يطلع أطلق من اللي أغلى منه ..
ياما منتجات شريتها بأسعار مرتفعه وندمت .. طلعت ماتمت للدعايه بصله ..
أنا أحب أكتشف وأجرب .. وكثير أغامر .. بس في سبيل الأكتشاف والتعلم مايهمني ..

دمتم بكل جمال وروعه ~

ياااااااااااااااااسلاااااااااااام

تسلمين غلاتي موضوع مفيد

ان شاء الله الكل يستفيد

الله يسلمكك حياااتي

نوووورتي

موضوع رائع ومفيد.

تسلمي نوورتي بمررووورك

رووووووووووووووعــــــــــــــــــــه
يعطيكِ العافيه ي الغلآ

موضوع جميل وطريقتك في العرض جميلة ودمها خفيف

تسلموووو حبيبااتي عالمروور

مشكورة

مشكورة . الله يوفقك انا اهتم بالشفايف بس غلبتيني.