الوسم: القلوب

بسم الله الرحمن الرحيم
أنا عبدا لله والحين انا راح اقص لكم قصتي وش صار معاي فيها من اولها لاخرهااا
انا طبعا من هواياتي التصوير والدراجات الناريه واكثر شيء احبه واموت فيه الدراجات الناريه طبعا ذوات العجلتين المهم :
انا موظف حكومي وراتبي قليل جدا لانو ماعندي شهادة زي الناس شهادتي ثانوي وعندي دورتين حاسب آلي
المهم انا احلم اني اشتري الدباب حلم حياتي يكون عندي واحد المهم جلست اجمع اجمع اجمع لحد 10 شهور واستلفت
من الوالد حوالي 14 الف ريال واشتريت الدباب بالخوذه والجاكيت حقه بـ 30 الف ريال
المهم كان اليوم اللي اشتريته فيه كان يوم الثلاثاء وكان بكره دوام رحت ودخلت الدباب جوات البيت (الحوش) ورحت
ونمت على طول على شان اصحى للدوام واجي من الدوام وطبعا يوم الأربعاء يعني له ماعندي بكره الخميس
شيء اجازة الاسبوع
المهم رحت للدوام انتظر انتظر والله اطول يوم دوام في حياتي لاني كنت ابي اطلع علشان اركب دبابي حبيب قلبي اللي
كنت احلم فيه من 6 سنوات ممكن اكثر انا كنت احبه من كنت صغير بس واحب اقولكم انو كان عندي غيره بس
كانت مو مثل اللي اشتريت الاخير
الاخير كانه سياره ماشاء الله
المهم طلعت ورحت للبيت وتغديت ونمت شوي <<<ياكثر نومك خخخخ
المهم صحيت المغرب وانطلقت لبيت ولد عمي واتصلت عليه وقلت له اطلع انا عند الباب وهو مايدري اني اشتريت
دباب حبيت اخليها له مفاجاة طلع لي كانت عيونه مغمصه خخخخ
وجلس يحك عيونه قال متى اشتريته ؟؟؟؟
قلت امس
قالي ليه ماقلت لي
قلت حبيت اخليها مفاجاة



قال اهااا
المهم طلعنا مع بعض وهو ماكانت معاه خوذه
الخوذه حقته كانت في البيت حقنا هو كان عندة قبل دباب المهم رحنا لبيتنا في شبرا خخخخ
وهو بيتهم في العقيق مشواااار لو رحت لمكة اقرب خخخخ
ويوم وصلنا لبيتنا حولنا وجبت له الخوذه حقته وجلس يصورني شوي بعدين
انطلقنا واتصلت على شباب كنا نعرفهم من زمااااان اصحاب دبابات
وطلعنا معاهم في القروب
وتمشينا مع بعض وطبعا الكل كان يرقم انا والله العظيم مارقمت ولا فكرت اني ارقم انا كان همي كله
الطلع والاستمتاع بالدراجة وهو بصراحة هواتي واحبه الى اليوم والله
وبعدين خلص يوم الأربعاء ورحنا وتعشينا وبعدها تفرقنا
وقالي ولد عمي تعال نوم عندي في البيت احسن علشان بكره نطلع من العصر قلت اوكي
ورحت ونمت عنده ويوم صحينا الا الوقت حوالي المغرب واليوم الخميس
وصلينا الصلوات اللي فاتت وطلعنا وجلسنا ندور بعدين صلينا العشاء واتصلنا على القروب وتواعدنا
وطلعنا معاهم ونفس الشيء كل يوم يرقمون اقسم بالله مايشبعون !!!
وخلص اليوم وتعشيا سوا وبعدها قالو لنا
بكره بعد صلاة الجمعة الوعد قلنا اوكي
ورحنا لبيت ولد عمي طبعا ونمت عنده وبعدها
صلينا الجمعة واتصلنا عليهم قالو تغدو بعدين نطلع
رحت اانا وهو للمطعم وتغدينا وبعدها رحنا للمكان اللي كنا متفقين عليه اللي هو مخرج 7 الدائري الشمالي
وبعدها طلعنا ورحنا للثمامة ونتمشى على طريق الثمامة
وبعدين دخلنا الخططات وجلسنا ندور هناك شوي وقالي واحد منهم ابي اتسابق معاك
قلت له اوكي نزلت ولد عمي وهو نزل اللي معاه ووقفنا جنب بعض
بعدين قال لنا واحد فيه في عيونكم شمس ماراح تشوفون كويس
قال خويي اللي بسوي معاه السباق لا لا عادي نشوف الشارع فاضي وانا كنت اشوف الشارع فاضي والله
المهم انطلقنا بعدها صحيت وانا في الشميسي خخخخخ

وش صار ما ادري قلت لهلي وش صار وش جابني هنا قالو لي انت صدمت طفل قلت لهم مات ؟؟؟؟
قالو لا طيب هو وراح مع اهله بس جروح بسيطة وطيب الولد
المهم اللي حصل انو الطفل توفى الله يرحمة من اول ماصار الحادث
جلست تقريبا 4 شهور اهلي ماقالو لي انو الولد توفى لان حالتي النفسية تعبانه
قالو لي بعدها انو الولد تعبان وفي المستشفى انا قلت لهم ابي ازوره قالو مايصلح هو في العنايه المركزة
قلت لازم اروح ازوره
المهم بعد عناء وبعد ماركبت السياره ابي اروح ابحث عنه قالو لي انو توفى رحمة الله عليه
وكان عمره 7 سنوات
انا الحين بقص لكم كيف صار الحادث ؟؟
واحنا في السباق طبعا انا كنت الاول كنت متقدم على خويي هو قالي خويي كيف صار
انا كنت قدامة وبعدها يقول انو الطفل طلع عليك من التراب وطلع على الشارع وكان عاكس الطريق
وانت ماشفتو ويقول حتى نور البريك ما اشتغل يعني صدمتو على سرعتي
وطبعا كنت مسرع وبعد ماصدمت الطفل انا طرت فوووووق وطحت على كتفي
وطاح الدباب فوقي وبعدها اتصلو على الاسعاف قال لهم راح اطول ممكن 20 دقيقه شافوني انتفض فكروني بموت
وواحد قال لهم ودوة المستشفى ركبوة معاي المهم ركبوني معاه في السياره ونقلوني لاقرب مستشفى
كان هو مستشفى المملكة ودخلوني عندهم ودخلوني العنايه المركزة
وجلست عندهم يومين بعدين نقلوني للشميسي
وبعد مانقلوني جلست عندهم تقريبا 3 ساعات ينتظرون الموافقه ما ادري من مين

انا كنت تعبان ولسه جاي من العنايه المركزة بس والله ماعندهم رحمة
المهم دخلوني وجلست حدود الشهر عندهم وطبعا كنت في غيبوبه نقول 5 ايام
وبعد ماصحيت من الغيبوبه مارجع عقلي لي والله كنت اتكلم بدون عقل
ومارجع عقلي الا اخر خمس ايام كنت في المستشفى
وبعدين طلعت البيت وحطو اهلي لي سرير تحت علشان انام عليه احسن من اطلع فوق لغرفتي
بعدها بسبوع بدا الالم في يدي وكنت اصارخ من الأم والله العظيم كان الم ماقول الا جعلة تكفير
وصبرت عليه صبرت قالي ابوي ممكن الكسر يجبر عندك علشان كذا الألم
انا كان عندي كسر في الكتف

وبكره زااااااد الالم وجلس اصااارخ وقلت لهم اتصلو على الاسعاف ما اقدر اتحرك ولا امشي ولا اركب السياره
اتصلو على الاسعاف وجاء الاسعاف ونقلني للشميسي وبعدها دخلوني الاسعاف واعطوني ابره مسكنه مع الورك
وبعدها جاني الدكتور حق العظام قالي فين تقريرك حق الخروج من المستشفى
اعطيناه وبعدها قال ما اقدر انومك لانك كتبو لك لازم ترتاح على السرير في البيت
المهم كتب لي علاج ومافيه فايدة … رحت لمستشفى الجامعي
ودخلت عندهم على الاسعاف واعطوني ابره نفس حقت الشميسي لان حالتي كانت مره مو كويسه
كنت مره اتالم وبعد ماعطوني ابره قالو بكره تجي فيه دكتور في عيادة التجميل اسمو قطان ممتاز للكتف
المهم رحت للدكتور من بكره وقالي انت عندك مشكلة في الاعصاب وقالي احتمال اعصابك مقطوعة
طبعا صرت اسوي علاج طبيعي ولسه يدي ماتتحرك ابدا مايتحرك فيها الا الاصابع
الحادث كان في 23-1-2017 وبعد مرور 5 اشهر على الحادث قررو يسوي لي عمليه نقل اعصاب
المهم دخلت المستشفى وسويت العمليه









وقالو لي تحتاج سنه علشان تتحرك يدك ومع العلم اني جالس اكتب القصه والله بيد وحدة
المهم العمليه بتاريخ 1-7-2017 طبعا العمليه عباره عن نقل اعصاب من الساقين
وكانت اعصابي مقطوعة بعد ما خذو من الساقين حطوها في الرقبه وعلى عضله اليد
وبصراحة ماشفت أي تحسن ماشفت الا الالم زاد والله وحتى ماصرت امشي كويس امشي بالعكاز والله

وهذي هي قصتي وكل همي في كتابتها ابي اصحاب الدراجات يبعدون عنها والله ثم والله مامنها خير
وابي دعائكم لي في صلاتكم
والسلااااام عليكم ورحمة الله وبركاته
اخوكم
عبدالله
25-7-2017

منقـــــــــول

كم هي جميلةٌ أيامُنا
رغمُ أنها تعدو بنا جاريةٌ
و تسبقُنا السنين
بـ روعةُ جمالُ أيامُها
و نُصارعُها للبقاءُ
نحملُ داخلُ وجدانُنا أجملُ ذكرياتُها البريئةِ
نُبارحُ ليلُها خلفُ الأسوارُ
أنينٌ يعترينا
تـ تفرطُ منهُ أكبادُنا
نُحاتي الحنينَ
لـ من نحملُ لهُم ودُنا وحُبُنا العميق
فـ تساومُنا اللحظاتُ
أمـــــا
أن نكونَ !!؟
أو
لا نكون !!؟
فـ مع أشراقةُ شمسُ يومُ ( عيدٌ ) من أعيادُنا
يـ ساورُنا الحنينُ لهُم
و نتمنىَ بـ أنهُم قريبينَ بيننا
لـ تعانقُنا أنفاسهُم الطاهرةِ
يسامروننا
و
نُسامرهُم
نتراقصُ معهُم على نغماتُ الحنين
نـ صرخُ عالياً من أعماقُنا
و يرتدُ صداهُ وسطُ وجدانُنا
ليـ تعبُ الوجدانُ من أحمالُ أرتداداتُها
فـ منهُم نؤمنُ بـ أنَ لا رجعةُ لهُ
و
منهُم من يُكابرُ بـ الأبتعاد
أوااااهُ ياقلبي ما أقسىَ اللحظاتُ بمن نؤمنُ أنَ رجعتهُم تصعبُ علينا
و
أوااااااااااااهُ لـ تلكَ القلوبُ المُكابرة
فـ هي أقربُ من تلكَ الصرخاتُ المُرتدةُ داخلُ وجدانُنا
فـ القلبُ المُحبُ حتماً أنهُ لا يكره
فمن أعماقُ قلبي لـ ( حُبي ) و لكلُ من تخطفُ عيناهُ مُفرداتي
أهنئهُم من أعماقُ قلبي المـ (تعب)

هذي قصة وحده تغسل الموتى والله على ما اقول شهيد
هذا وحده تقول انها تغسل الموتى ومشتركه في مغسله في يوم دوامها انتهى ورجعت للبيت الساعه 4
دق الباب عليها وكان رجال كبير في السن ومبين عليه التعب قالها
بالله عليك ياختي نبيكي تغسلين عندنا ميته قالت انا دوامي انتهى ياخوي
لاكن بادلك على المغسله روح واطلبهم قال
لها انا داخل على الله ثم عليك تجين معانا
وانا مافيني شده اروح وادور
وافقت بعد الحاح شديد طلعت الحرمه السياره ومروا واشتروا اغراض الكفن والغسل وكل اللوازم
تقول كان معاها في السياره بنت صغيره لابسه عبايه ومغطيه
وجنبها اخوها يمكن عمره 8 سنوات
والسايق رجال شاب متلثم وعيونه كلها غضب وشرار
والشايب راكب جنبه البنت تبكي بصوت مخنوق والباقين ساكتين بس يتاففون من كثر قهرهم قامت المغسله تمسد على ظهر البنت
وتقولها من الي ماتت امك ماردت البنت قامت تصبرها وتواسيها ولا احد يتكلم تقول مشيوا فيها مسافه طويله
عدت مكه واتجهوا لمنطقه خارج مكه بقليل قالتلهم ياخوي مشواركم بعيد وانتم ماقلتولي وين بالظبط
قالها هانت قربنا فجاه وقفوا السياره في مكان مقطوع ما يمره احد جنب مستودع مهجور
نزلوا الاغراض والمويه
ونزل الشايب وولده واخذوا البنت من السياره وخلوا الولد الصغير ويوم مشيت معهم قالولوها انتي انتظري هنا
وبعدين نناديكي المهم الحرمه خافت واستغربت مافي بيت ولا ميت ولا شي
الشايب والولد اخذا البنت ورى كيبل كهرباء معطل
واطلقوا عليها الرصاص في راسها
الحرمه صرخت يالله يالله ايش فيه
جوها قالولوها روحوا وشوفي شغلك واغسليها وكفنيها
انهارت الحرمه وقالتلهم قتلتوا بنتكم حراااااااااام عليكم يامجرمين الشاب صاح فيها وهددها وقالها بتكملين شغلك ولا تلحقينها
المهم الحرمه قامت وغسلتها وهيا تغسلها حست ان بطنها منفوخه الظاهر البنت حملت سفاح
واهلها قتلوها بسبب غلطتها
والله تقول البنت عمرها ما يتجاوز ال16 وراسها ينزف دم مو راضي يوقف
قالتلهم ط±ط§ط³ظ‡ط§ مو راضي نزفه يوقف قام الابوا لف راس البنت بشماغ
وصلوا عليها ودفنوها وقالولوا للحرمه ترى حتى ان بلغتي ما يهمنا هذي بنتنا واحنا غسلنا عارانا
وماحد يقدر يحاكمنا رجعت الحرمه للبيت وحست انها كانت في كابوس
وخافت تبلغ ويضرونها او انها تسكت وتتحمل ذنب
من بعده حكت القصه في ندوه هيا
بنفسها والكل بكى ولامها انها مابلغت عنهم وقالولوها يمكن مو بنتهم
وهم خطفوها وافتعلوا فيها وقتلوها علشان يخفوا جريمتهم
ووصلت السالفه للشرطه بس الحرمه ما تعرف اسمائهم ولا اشكالهم ولاحتى المكان الي ودوها فيه
ولا جا للشرطه بلاغ عن فقدان بنت من بعدها اللهم اكفينا شر انفسنا وشر الناس.

حســـــــن ط§ظ„ط¸ظ† ظˆطµظپظ€ظ€ظ€ظ€ظ€ظ€ط§ط، القلوب…

بسم الله الرحمن الرحيم
الصفاء سعادة الحياة .. وبهجة الدنيا بنا وبمن حولنا .. فالكل منا يطمع بصفاء أموره .. صفاء في الإيمان .. صفاء فى الحياة .. صفاء مع الآباء .. صفاء الأزواج .. صفاء مع الأبناء .. صفاء مع الأصدقاء ..
بالصفاء تستكين النفوس .. وتطمئن القلوب.. ويتسع الصدر .. ويزداد اليقين .. وتغلب النظرة المشرقة إلى الدنيا والتفاؤل .. وتسهل الأمور .. ويزداد الصبر .. وتزدان صفة البراءة على الوجوه .. فتطبع صفة الشفافية على صفيُّ القلب .. فيحبه الله ويحبه الناس .
وهذه أسمى الدرجات التي يتسامى إليها الإنسان .. ومن منّا لا يرجو ذلك ..؟؟
ولا يكون ذلك إلا اذا صفى القلب من مكدراته وأوحاله ..
ولكن أكبر الموانع لتحصيل هذا الصفاء هو " سوء الظن "
والانشغال بالناس عن أنفسنا .
لنفسي أبكي لست أبكي لغيرها ** لنفسي من نفسي عن الناس شاغلُ
وحال الإنسان لا يخلو من الآثام والقصور .. ومن أراد الله به خيراً شغلته نفسه وتقصيرها عن قلوب الناس ونياتهم وتقصيرهم لكي يبلغ درجة الصفاء فينال السعادة وينال محبة الله .
فما وجدت أكبر وأشد مما يفسد قلب المؤمن " الطيّب الحنون " إساءة
الظن بالناس والشك بهم .. أو التجسُّس على حياتهم الخاصَّة وتتبُّع نقائصهم ..
أو التحدث عنهم بما يكرهون ..
إن الانشغال بتفسير التصرفات الشخصية للناس .. وإسقاطها على أسس الريبة وسوء النية .. وتعديد الاستنتاجات لتأكيد هذا الإسقاط .. له من المفاسد القلبية والاجتماعية والنفسية مالا يعد فى حصره ..
فهو أمر معلوم للجميع يغضب الله .. ويفقد به الإنسان الصفاء .. وينشغل تفكيره بتقصير الآخرين ومحاولة إثبات هذا التقصير او هذا الخلل .. مع إننا غير مكلفين بذلك .. وضياع وقتنا بالقيل والقال والاجتماع له لأمر محزن ان يقع فيه الإنسان .. وخاصة ان يأتي الأمر بدون حقيقة واقعية .. ويلزم نفسه وغيره بأمر ليس هو بلازم لوجهة نظره .
مع ان الأولى أن تحمل ما تراه من فعل أو عمل فيه من السعة ما فيه على المحمل الحسن مادام ذلك ممكناً ..
ولو سألنا أنفسنا وماذا بَعدُ .. ماذا استفدت ..
هل تُحب أن يعاملك الناس كذلك؟
لماذا نسعى لقطع حبال المودة بين الناس .. لماذا نؤجج المشاعر على الغير ..
لماذا لماذا؟؟
لِسَانَكَ لا تَذْكُرْ بِهِ عَورَةَ امرئ ** فَكلُّكَ عَـوْرَاتٌ وَلِلنَّـاسِ أَلْسُــنُ
وَعَـينكَ إنْ أَبْـدَتْ إَلَيكَ مَعَـايِباً ** فَصُنْهَا وَقُلْ يَاعَيْنُ لِلنَّاسِ أَعْينُ
وأختم بقول الله سبحانه وتعالى فى توجيهه لعباده الأصفياء الأتقياء الانقياء أمثالكم بإذن الله ..
{ ياأيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم } .
وقول حبيبكم النبي الكريم صلى الله عليه وسلم في حديث أبي هريرة قال: { إياكم والظن , فإن الظن أكذب الحديث ولا تحسسوا ولا تجسسوا , ولا تقاطعوا , ولا تدابروا , وكونوا عباد الله إخوانا } .
دمتم بحفظ الرحمن ....