السلام عليكم ورحمة الله وبركاته
كيفكم جميعاً .. انا جديده بالمنتدى
ووالله اني ماسجلت عندكم الا ابي المساعده منكم.
وماادري اذا مكان الموضوع مناسب والا لا
انا متزوجه من حوالي 7سنوات ولدي ينت وولد
الله يحفظهم لي ولا يحرمني منهم..
مشكلتي مع زوجي ورب البيت تعبت منه ماعاد فيني صبر تحملت بما فيه الكفايه
ووالله اني اكتب لكم واني ابكي .
بداية زواجي كان انسان يحاول يسعدني باي طريقة اذا تعبت لازم يوصلني للمشفى حتى لو كان الم بسيط وما يذكر كلها شهر بس وبعدها صار رجال ثاني
كنت ضعيفه شخصيتي لابعد حد اي كلمه تجيني توجعني وابكي بس ماابكي قدام احد حتى زوجي كنت اكتم عشان مايحس فيني وانكد عليه …
بعدالزواج ب4 اشهر حملت ببنتي وبدت المشاكل يموت في شيء اسمه مشاكل
رفضت اديه ذهبي لانه وصى اخوه يروح يكسر شنطة الذهب حقتي وياخذه ويبيعه .. فزعلت من اسلوبه فطردني لبيت اهلي وكلمة ابوي وزوجي اقنع ابوي اني انا الغلطانه وصدقه ابوي ورجعني ابوي له ..
طبعا بكذا اعجب زوجي الوضع ان ابوي صدقه وهو كذب عليه فتمادى
بعدها رجعنا بيتنا بجده وقام يضربني باسلاك التلفون والمسجل وتحويلة التلفزيون
اشتكيت لاهلي بس مافي فايده محد مصدقني .
صبرت وصبرت وقلت بتفرج باذن الله ويتعدل ..تعبت اُمي وجت عندي بجده
وبقت 3 اشهر بالمشفى ورحت بقيت عندها 5 ايام وخرجت يوم ورجعت لها بعدها
وانا حامل بالشهر الخامس وتعبت وانا اشوفهم بدونها صفائح ودم احسه يغمى علي
جابت لها شغاله مع اني ماكنت راضيه ابي اقوم فيها انا وقام زوجي بعدها احرمني منها ماعاد اشوفها الا بالاسبوعين مره وماعندها بجده الا انا الباقين بالجنوب قرب ابها
صبرت على الموال لحد ماتعبت افتقدتها دخلت غبيوبه حاولت فيها يوصلني لها رفض بقت اسبوع وماتت الله يرحمها ويدخلها فسيح جناته ..وجاني مثل البرق كانه مبسوط امك ماتت امك ماتت انصدمت من اسلوبه وين اللي يقول لزوجته باسلوب فوق انها حامل وبتتاثر بسرعه ..
مرت هالسالفه بصبر بس قاعده تاكل بقلبي ..
اهله دائما يتكلمون فيني عند الناس وواجهتهم ونكروا وبالنهايه تابوا
اخوة دائما ينبش ورايه وتكلم في شرف وزوجي ولا هامه ولا كاني زوجته ونسيبه نفس الحاله وزوجي بارد من ناحيتي ..
مشيتها لهم ..
حملت بولدي الثاني وانا ماكنت ابي احمل لاكن الله كاتب لي احمل ..
حاليا انا منتهية من التعب صار عندي القولون والضغط الاقيه اغلب الاوقات فوق 100
بسبب زوجي ..
ياعالم يحب المشاكل كل شوي يختلق مشكله واحسه مايحبني لدرجة انه يطلق انه ينبسط اذا شافني متضايقه ويحاول انه دايم يزعلني والله ثم والله اني باستمرار ع المستشفى عشان اخذ ابر ومغذيات مهدئه بسببه ..
الجوال يقول لايسمع منه رساله وحده واذا ما سمع رساله قال انتي حاطتنه على الصامت ..
اذا احد اتصل علي يفتح لي تحقيق وش قلنا من بداية المكالمة حتى خلصنا ولا يحفظ ويقول انتي رديتي بكذا ليش قلتيه واذا مااحد اتصل قال قايله للناس لايتصلون عليك والا ايش ..
صديقاتي يقول لاوحده تدخل بيتي ولا افكر اقول لهم اني بجيكم او تجوني ..
خالتي اُخت اُمي الله يرحمها رفض انها تجيني ..
جيران ممنوع اشوف وحده منهم واذا جوا يدقون الباب يقول زوجتي برا ..
*انتم تعرفون الزوجه تحب حنية زوجها تحب تنام جنبه وبحضنه زوجي مايحب هذا الشيء ابدا
الجنس مااحرمه منه بس مايجيني الا اذا بغى هو وبمزاجه حتى لوكنت بموت من التعب مايراعي تعبي ..
صرت احس كاني بس زينه بالبيت مايراعي مشاعري اي شيء اطلبه لازم يحقق ليش وين بتحطينه وش تبين فيه لو كان خبز
الصداع النصفي ماعاد يفارقني بسبب زعلي المستمر اكتم بقلبي حتى اتعب
والله اني تعبت حتى بنتي اذا صار مشكله تجي عندي وهو واقف وتقولي ياماما
لاتموتين ويخلينا لاني كم مره انخنق بس يجيب مويه ويكبها على وجهي
وكم من مره قالت لابوها انها ماتحبه من كثر ماتشوفه يسوي فيني
وانا والله اني اقوله لاعاد يسبب مشاكل قدامهم حرام يتعبون ويتعقدون من صغرهم
ولاكاني اقول له شيء
يوووووووووووووووووه يووووووووووووه لو اقعد اقول لكم كل اللي يقلبي ماراح اخلص ..
كثير اللي يقول اتركيه ترا باقي صغيره وعيشتي حياتك بس انا ماتهمني حياتي قد مايهموني اطفالي اضحى بسعادتي ولا احرم اطفالي مني
(عمري 25) وعمر زوجي 36)
بس ابي منكم دعوات وابي نصائحكم لي
تكفون .. واللي تدخل تدعي لي ومهاتكم قولو ادعوا لوحده بحاجتة دعائكم
طولت عليكم سامحوني ..
والسلام عليكم ..
الله يصبرك
فان الصبر مفتاح الفرج
حبيبتي السحر في هالزمن انتشر بس عليك بالدعاء وخصوصن اخر الليل
وقراءة سورة البقرة يومين مدة شهر ولا تسمعين كلام المنافقين الطلاق ماهو الحل الصح
الصح الدعاء والاستغفار وشغلي سورة البقرة دايم بالبيت قلبي معك الله يفرج همك وهم كل مهموم
الله يفرج همك ويصبرك
الله صبرك ويفرجها عليك وربي حنيت عليك ليه ليه لييييييييييييييه تسكتين له خليتيه يتمادى
لازم ياقلبي تخلي احد يدخل بالموضوع اذا ابوك مايصدق اشكي عند عمك لازم احد يوقفه عند حده
هو لانه عارف ماوراك احد تمااااااااااادا واخذ راحته
وربي لو ان في رجال واقف جنبك كان يحسبلك الف حساب
في وحده اعرفها نفس حالتك تقريبا سكتت وصبرررت كثير لحد ما جا وقت طفح الكيل
راحت عند اهلها ولارجعتله الين عدل نفسه
والحين الرجال تغير حتى احنا استغربناااا
والله حبيبتي لازم تخلي احد يدخل …………وكثري من الدعاء والاستغفار وربك معاك ثقي بالله ويارب يفرج همك
بس انتي قوي شخصيتك وربنا معاك
عليك بالدعاء والاستغفار والله يفرجها لك
لا حول ولا قوه إلا بالله
الله يصبرك يا قلبي
الله يفرج همك وينفس كربك
عليك بالدعاء وصلآة الليل
ربي يسعدك
الله يعينك يا اختي انتي بعمري باقي صغيره بي يمكن مسحور والا معمول له عمل طيب حاولتي تكلمينه ليش يسوي كذا وش يبي منك بالظبط وعليك ونصيحه مني عليك بالدعا بالدعاء في كل الاوقات وانتظري
اوقات الاجابه واصبري عشان اولادك
زش تسوين اذا تطلقتي بيتشتتون اولادك ويطحون بين الحريم اولادك في حظنك احسن وبكره ربي يعوظك فيههم
واصبري واصبري واعرف حريم حالهم اردى من حالك
ومثل ما قلتلك حاولي تتقربين منه
وعليك بالداء والاستغفار وراح تشوفين النتبجه سبحانه ادعوني استجب لكم
والله يفرجها عليك
والله يآلغلآ وضعك مانسكت عليه الحين يمكن تحسين انك ممكن تحملين بس بعدين مع العيال ةهةشتهم ومشاكل ماتقدرين تحملين تصرفاته
والله اشوف تكلمين اي طرف تحسينه يسمع منه
والله يفرجها عليك ويعدل وضعه معك