يابنات أنا في بنت من شهر 9-9-2016 تقريباً اضافتني بالايميل عن طريق ارسلت لها رساله بالغلط واضافتني وماحذفتها قالت عادي يعني مولازم احذفها وتعرفت عليها هي عمرها 24 وانا عمري 16 يعني أكبر مني بـ8 سنوات وهي من السعودية وانا من البحرين وتميت يعني أكلمها عاادي وكانت كثثثثثير طيبة معاي وحتى لو اغلط معاها بشيء كانت تعصب وبعدها تهدأ وترجع معاي أوكي وكانت دايم تحن تبي رقمي بس كنت أخاف تقول تبي تتأكد بأني بنت وفي تاريخ 2-2-2016 أعطيتها الرقم ولما اتصلت قلت لأختي ترد لو شاب اختي تتصرف معاه ولو بنت عادي بس اختي كلمتها وطلعت الحمدلله بنت وتكلمت معها بعدها وكانت تقول ليش ماتردين خايفه ترى انا والله بنت..وصارت تتصل بعض الاحيان ماارد اخجل وصرت اتضايق اذا مااشوفها على المسن واذا يمر اسبوع و ماأكلمها وافرح لو رسلت ليي رسائل بالتلفون وكانت طيبة معاي كثييييير ..وفي مرة رسلت لي أنا أنخطبت! انا زعلت شوي قلت لها بتنسنيي قالت والله مابنساك بس زعلت واسبوع ماكلمتها ارسلت ليي مسج (عساني افقد الدنيا ولا تقطعني اخبارك عساني اندفن واموت ولا اشوفك تخليني انا ماادري ليش انتي ماتكلميني الله يسامحك بس) وانا بعدها خلاص صرت معاها أوكي وكنت على طول اكلمها بالمسن ودايم أعاتبها اذا ماتسأل عني لانه صرت وايد أحبها واتضايق لو مااكلمها ..وهي بعض الاحيان اذا ترسل رسائل بالنهايه تكتب أحبك..عاد الحين انا قلت ببتعد عنها وبشوف تسأل عني..من تاريخ 8-6 -2016 صرت ماارسل لها رسائل وانقطعت عنها بشوفها تسأل عني بس للاسف مااشفتها سألت بس اتصلت مرة تاريخ23-6-2016 ومارديت وانا الحين كل انتظر بس تتصل لوترسل رساله بالتلفون بس للاسف مااشوف شيء أنا أحبها كثييييير وعلى طول افكر فيهالانه هي أول انسانه ارتاح معاها وتهتم ليي وحتى لوزعلتها عادي تراضيني..الحين ماادري وش اسوي ارسل لها رساله اقولها ليش ماتسألين عني مااقدر اتصل لها كثيييير أخجل أكلمها..واعتقد هي تعرف هالشيء..لانه مرة سألتني ليش ماتردين لما اتصل قلت لها بحتفظ الاجابه لنفسي قالت لا !بس سكت عنها..ماادري شسوي ارسل لها رساله اعاتبها! اقولها انه انا احبها وهي ماااعادت تهتم ليي ..!
بليز يابنات عطوني حل
ملاحظه:ترى احبها كصداقة فقط لاأحد يروح تفكيره بعيد..
بليز بنات لاأحد يقول مكبرة الموضوع ويفشلني 
ماحبيت امر والا انا راده انا ماعرف ايش اقولك بس ان شاء الله البرونزيات يساعدونك
والله يوفقك يارب ويسعدك
| ملاحظه:ترى احبها كصداقة فقط لاأحد يروح تفكيره بعيد.. |
صداقه !!!
وإذا غابت فقدتيها ويوم قالتلك إنخطبت زعلتِ إذا كانت صداقه أكيد راح
تفرحين لها وراح تكلمينها مو تخجلين منها
نصيحه لاتثقين من أي شخص عن طريق المسن مهما كان أو كانت
والله يحميكِ من كل شر
ما اقدر اقول الا الله يهديك بس
هذي مو صداقه
دقي يارووحي وانتهى الموووضوع وكلميها ولاتعاتبينها والصديق مو يرووح يترك صديقه او يتغلى عليييه
ولا تنسين انو من تغلى تخلى يالغاليه والله يحفظك تحيااتي لك
تبي صرااااحتي
ماتوقع هاذي صداقه
صراحه اول مره اشوف وحده اذا قالت لها انا انخطبت تقومين تزعلين
المفروض تفرحين وتوقفين معاااهاااا
ماشاء على طول وثقتين فيهاااا
ماقول بس الله يوفقك ويحميك…
اتمنى ماتزعلين من صرااااااحتي
ح ــــــــــــــــــــــــــــــــرام بغيتكم عون صرتوا فرعون ..واللي تقول هذي صداقة! وش قصدها يعني انا شاذة والعياذ بالله الله يسامحكم بس..
لاشذوذ ولاشئ يااختي
انت حاولي تنسيها
اهي اكبر منك واكيد بتزوج وتنشغل عنك وبتضل تذكرك بدعواتها يارب
فلاتنسيها من الدعاء بظهر الغيب
دمت في حفظ الله ورعايته
اولا مافي صداقه عن طرق المسن واللي صار بينكم ما توقع انها صداقه ابعدي عنها احسن لك لانها مخطوبه وعلى وجه زواج
ثانيا تبين تسالين عنها اسالي بس صفي نيتك تجاهها يعني اعتبريها صديقه لا اكثر ولا اقل