سلام عليكم باختصار لسالفة انا ملكت من شهرين زوجي جاب لي شريحة جديدة ماحد يعرف رقمها غير انا وياه انا ماعطيت رقمها لاي احد حتى امي واخواني مايعرفونة بس المصيبة وشهي مر وقت وهو مادق وماكنت اعرف رقمة فجاة الساعه 5 الصبح دق رقم غريب صحاني من النوم توقعته هو مارديت ارسلت علية رساله محتواها < من انت ؟؟ ووش تبي ؟؟ < لان توقعته رقمة وهذي اكبر غلطة سويتها طلع مو رقمة :w56: المشكلة ان الرقم هذا امتحني والي يقهر انه يدق علي اما قبل مايدق زوجي او بعد مايدق زوجي بربع ساعه كنة موقت بصراحه شكيت بزوجي وشكيت برجل اخته ظ„ط§ظ†ط© ساكن عندهم طنشت مانفع عطيت الرقم اخواني يدقون علية طلع مقفل يقولون شكلها شريحه للعب ابي حل مع هالخبل وليته بس هو 5 ارقام غيرة تدق ع رقمي مع ان شريحتي الاساسية والي منتشرة مع كل الناس ماجاني عليها ازعاج ولا مرة الرقم اكيد انتشر من عنده وووووووووووش الحل اخاف اقول له فية ازعاجت تجي ع الجوال يشك فيني :w67:
الله يعينك
وربي نفس القصة صارت لأختي وخافت تعلم زوجها
واعطته أخواني أول ولا كان يرد عليهم
وكان يدق بالليل قبل زوجها يجي وبعد ما يجي بساعة أو شوي
طالت السالفه وبالأخير علمته خافت إنه احد من طرفه
وبالأخير حولت رقمها ع رقم زوجها
ومرة رد عليه وهواش استمر بعدها
ثم طنشوا وترك من نفسه
يعنى الأفضل تعلمين زوجك إنتي للحين مملكه بعضهم يختبر زوجاتهم أو ناس يعرفون زوجك
أو طنشي لا تردين برسالة ولاحتى مكالمة
والله يستر عليك
لا تزعلين من رايي انا احس ان الرقم انتشر من جهة خطيبك يعني الرقم اناخذ من جواله
او يمكن خطيبك يمتحنك بشوف انتي تقولين له على كل شي يصير معك او لا
لازم تخبرين خطيبك وتعطينه الرقم
المشكلة اخواني كلهم اقصد الاولاد يقولون لاتقولين له يمكن يكون مو من طرفة وتسببين لروحك مشاكل انتي في غنى عنها قسم طفشني البارح داق 5 مرات نعنبوه 
مايمل ولا يكل صار له فوق شهر وانا مطنشتة هي بس ذيك الرساله ومن بعدها لزق لي هالضب 
حولي الرقم على واحد من أخوانك وقوليله إذا دق يرد ويهاوشه إن شاء الله يقدر يفكك من هالمشكله
انا رأيي تطنشي انا دايما تجيني مكالمات واي رقم ما اعرفه ما ارد عليه
بماانك تقولي زوجك>>فممكن انه صلح كذا يبغى يشوف ردة فعلك هل راح تصارحيه ولا تكتمي..
انا اقول حاولي تهيئي جو رايق بالسوالف ثم تفتحي موضوع الازعاج ..وقولي له كل شي لاتخبي شي..
يعني اللي واثق من نفسه ليش يخبي ؟؟
والاهم من ذا قولي له ابيك تغير رقمي >>عشان لما يكون هو راح يكشف نفسه ويقولك لا ماله داعي >>>وكذا تضربي عصفورين بحجر منها تكسبي ثقته ومنها تعرفي صاحب الازعاجات ..فهمتي علي ..
والله يوفقك ويتمم لك على خير..
أنا احس ان خطيبك يختبرك والا ليش قال لاتعطين رقمك أحد أقترح عليك أنه من خلال كلامك معه تكلامي عن الازعاجات وانك تطنشينها ولا تعطين هاالاشكال وجهه
اللي كنت بقوله قالوه البنات
الله ييسر لك
علمي زوجك بالقصة كامله
واطلبي يغير الرقم
وماراح يشك فيك
ولاتنسين علميه بالرسالة اللي ارسلتيها ويس
وريحي بالك وريحيه ان كان هو