السلام عليكم ورحمة الله وبركاته
انا حلمت ان كأننا بنجيب لبس للمدرسة فانا جبت جاكيتين مش فاكرة لونهم بس تقريبا كان احمر واصفر
وصحابى جايبين حاجة زى الطرح الكبيرة كدة بتتلف على الجزء اللى فوق من الجسم
فانا قلت ان انا عايزة من دول احسن من الجاكيت على الاقل يبقى قريب من الحجاب الشرعى
فقالولى خلاص روحى للراجل قوليله فواحدة صاحبتى جت معايا فى الطريق وكان ضلمة ومفهوش حد وقالتلى طب بصى خدى انتى دى
وانا اما اروح هبقى انا اجيب
فوهى بتديهالى اتحولت لهوهوز فانا خدت منها قطمة وبعدين قالتلى ولا اقولك هاتيها وابقى جيبى انتى فاتكسفت انى خدت منها قطمة وعدلت الورقة بتاعتها واديتهالها
وبعدين وصلنا لقاعة ط§ظ„ظ…ط¯ط±ط³ط© ولقيت ميس اسمها هالة والراجل وفيه اللبس بتاع المدرسة كتير بس تقريبا كانت الالوان فاتحة او فاقعة زى الاحمر والاصفر ففكرت اروح اجيب فلوس من ماما واشترى واحدة زيادة على الجاكتين ولا ابدل واحد فقلت ابدل واحد فرحت قلت للراجل وكنت خايفة مايوافقش بس وافق وتقريبا جبتها واحنا راجعين كنا فى نفس الطريق الضلمة فحصلت حاجة مش فاكرة اية هى انا كنت مقتعدة انها حلوة بس اما صحيت من الحلم خفت من الحاجة دى وبعدين شفنا واحدة ماشية فى وشنا كدة لابسة عباية سوداء وطرحة سوداء بس وشها كان ابيض وشها ماكانش غريب عليا بس انا معرفهاش فقالتلى ازيك ياتقى عاملة اية عايزة حاجة؟
قلتلها لا شكرا
فتقريبا قالتلى خلاص انا هعمل اللى انا عايزاه وانا كنت بفكر اقول لصاحبتى انى معرفش السيدة دى واما صحيت خفت من الحتة دى والحاجة الغريبة اللى حصلت
أرجو التفسير
صاحبتى اللى كانت ماشية معايا اسمها ميرنا
ومعنى اسمها العزيزة والمحبوبة
انا عندى 15 سنة ونص وهى اكبر منى ب8 شهور
احنا فى سنة اولى ثانوى
انا بصلى بس ممكن ااخر الصلاة مثلا لقبل الصلاة التانية بساعة او نص ساعة وتقريبا هى بتصلى على طول اول ما الاذان يؤذن ما شاء الله
انا الى حد ما موسوسة
انا وهى محجبات بس كنا بنلبس بناطيل بس الحمد لله بقينا نلبس جيبات من فترة صغيرة
الحلم كان من حوالى 4 أو 5 ايام
ملحوظة:هو الطريق كان ضلمة بس تقريبا كنا ماشين على طول مابنحودش
وكمان احنا كنا شايفين شوية يعنى ضلمة عادية
اللهم اجعله خير
لو سمحتم فسروا حلمى بسرعة
|
المشاركة الأصلية كتبت بواسطة ضيف مفسر احلام
 خير ان شاء الله
اخيتي انتبهي لصحتك جيدا واجعلي شعارك في المدرسة الوقاية خير من قنطار علاج المدرسة فيها طلاب وفيها امراض تجنبي كل ما يثير القلق الصحي وتجنبي عوامل اي عدوى باي مرض |
جزاكِ الله خيرا