تفصيل./ وضع النموذج على القماش واخذ علامات القص..
وربي وربي ماأدبر شي يعني توهقت بالعربي
انا لسا بالجامعه وهذي تربيه ميدانيه والمشرفه بتحضر لي
تقيم نهائي ..
رجيتكم ابي الفزعه التحاضير اللي بالمنتدى درسي مو موجود فيها…
المشكله اناشفت الدرس وسهل مايبيله وعادي اقدر اوصل المعلومه
للبنات بس المشكله كيف ابدأ للدرس وكمان الكتابه بالدفتر ..
وربي مالي بعد رب العباد غيركم يفزع..
ملايين حبيبتي ماعندي فكره عن التفصيل اكتبي عن الدرس ب google
وتجيك معلومات اكيد بعدين اي وحده من قربياتك تدرس قوليلها تسأل مدرستها
وانتي اسألي دكتورتك وزميلاتك اتمنى لك التووووووووووووفيق
والله ماعندي أي معلومه عن التفصيل
عزيزتي ملايين
بدعيلك انه ربي يوفقك فدرسك وتاخذين درجة التقييم كاملة
التحضير اتوقع انه بسيط عليك ومايبغاله كلام لكن اربطي الدرس بالدرس اللي قبله عشان تستنجين درس اليوم
بعد كذة لازم تستخدمين وسيلة كبيرة تعلمين فيها الطالبات وطبعا كالعادة لازم تروحين للطالبات مجموعة مجموعة تشرحيلهم الطريقة ولازم تطلع وحدة تطبق على الدرس عشان تعرف المشرفة ان الطالبات فهموا
وغير كذة اهم شي الثقة والصوت العالي ترى تغطي على بعض نقاط ضعفك فالدرس وناقشي البنات فكل شي واساليهم خليهم يساعدونك على استناج المعلومات خلي فيه تواصل بين الطالبات وبينك دخلي جو المرح شوي على درسك خلي فيه جو حماس فالحصة لاتوقفين فمكان واحد فالفصل غيري مكانك بهدوء اهم شي يكونون الطالبات يشوفونك فمكانك لو قالو عيدي عيديلهم مرة واثنين وثلاثة لاتخلص الحصة الا والكل فاهم اساليهم اي سؤال الكل فاهم هاه ياحلوين اعيد؟
ولاتنسين قبل الدرس تفتشين عالادوات والكتاب واللي ناقصة ادواتها تعطينها من اللي عندك عشان ولا وحدة تطلب وتضيعلك الوقت شوفي عدد الطالبات واذا فيه احد غايب
والسبورة اكتبي عليها البيانات كاملة عشان عند المشرفة تعبي بعض خانات التقييم من السبورة وانتبهي لاتسالينهم كم تاريخ اليوم ولا هذي الحصة الكم..اكتبي التاريخ والحصة والمادة وطبعا بسم الله الرحمن الرحيم تكون فوق ..
ملابسك لازم تكون نظامية لان عليها درجة لاتلبسين مفتوح من الصدر عشان لما ترخين عالطاولة ماتبان الفضايح وينسون الدرس ويبدا الضحك البسي لبس مريح ..والمكياج يكون معقول لاتبالغين
اهم شي تجيبين ورقه صغيرة مربعه تكتبين فيها الافكار بالترتيب عشان ماتلخبطين وتحطين الورقه على ظهر الكتاب عشان ماتعتمدين على دفتر التحضير ممكن المشرفه تطلبه فاول الحصة وتتوهقين .
بس هذا اللي عندي واتمنى اني افدتك لو بالقليل
الله يوفقك يارب
ولاتنسين بعد الدرس تقوليلي اش صار معاك .
استلمي عالخاص لو سمحتي
وبالتوفيق
يالبيه ع الناس الوق فديتكم وربي
شرحت درسي امس وربي ستر
.واستفدت كثير من اللي كبتيه يا’’ابتسامتي سر …’’
الله يارب يوفقكم وانشالله اسأل المشرفه وارد اقولكم شنو قالت
الحمدالله انه مشي الحال معاك واستفدتي مني انا مبسوطة عشانك..
ومبسوطة من نفسي والله يجي مني صدق اني خطيييرة
لاتنسين تقوليلي اش قالت حضرت المشرفه انا فانتظارك…
.ومبروك مقدماً.