انا متزوجة من اربع سنوات وعندي بنت عمرها ثلاث سنوات حياتنا مستقرة الحمدللةبس ملللليت من الروتين اليومي زوجي ,يطلع من الدوام الساعة 2الظهر لما يطلع ينام ويقول لاتصحيني من النوم لين اصحى بنفسي احيانا ينوم الى الساعة 9 او10 واذا صحيتة يعصب ويرفع صوتة علي ويمكن يزعل يومين او ثلاثة ولما يصحى يكشخ ويطلع للاستراحة
الى الساعة3 الفجر وطول هالوقت جالسين انا وبنتي واللة مليت من هذا الوضع خصوصا اني ساكنة في شقة ولاتعرفت على جيران و لا عندي صديقات صرت اكرة بيتي واذا طلعت ماودي ارجعلةكيف اغير نظام زوجي واللة مليت من هذد الوضع مع اني احاول التجديد دائما في بيتي وشكلي بليز اريد حلا
هلا اخت جوودي الله يخليلك بنتك ان شاء الله
شوفي حبيبتي اجلسي معه لو عشر دقايق وقوليله انت شفيك تطلع متاخر وتنام وتصحى وتطلع مره ثانيه وربي اني طفشت بهالبيت لحالي وصرت اخاف اجلس انا وبنتي .. عطنا من وقتك لو ساعه اجلس معنا وونسنا شوووي يمكن يحس فيكم شووي ويجلس معكم
وبعدين انتي بعد حاولي انك تسووين حركه في البيت غيري مكان الاثاث وسووي حركات بسيطه ( يعني تغيير ) واكشخي والبسي احلى لبس وكشخي بنتك وسوي حلا لك يوم وقهوه وشاي واذا جاء قوولي ما تبي تطلعنا نتمشى او نروح حديقه انا مجهزه كل شي
يمكن ان شاء الله يتعوود وتعجبه الطلعات معكم ويجلس ينتظر وقتها
اهم شي يا قلبي لا تضايقينه بشي او تهاوشينه ليش ما تجلس وما ادري ايش لان الرجال ما يحب احد يتحكم فيه يبي كل شي على مزاجه
هذا ما اردت ان افيدك فيه حبيبتي وطمنيني عنك اوكيه ..!!
انا مع ندى
وذا ما نفع استغفري ولا تيأسين نهائي لان الله بيجي يوم ويقعد معاكم الين تقولين اطلع اخرج >>>>>>>>>>هههههههه امزح
مشكورين ويعطيكم العافية بس واللة انا ماقصرت وكل شي سويتة بس وش اسوي مالي الا الصبر والدعاء واللة يصبرني
امين ياقلبي الله يعن الجميع
والله الواحد لمل يشوف مشكلت غيره تهون عليه مشكلتها والله يااختي انا اعاني زيك انا كنت بالرياض واتزوجت من اربع سنوات وجيت الشرقيه لا اهلي والا اهله مع ان ولد خالتي اخت امي ودوامه شفتات يطفش كل اسبوع غير عن الي قبله ونومه مخربط وحاله واهم شي بحياته الاستراحه – عندي بنت عمرها سنتين تطفش حرام — انهبلت وزعلت الطيب والهدوا مانفع بالين –صرت لما اروح الرياض لهلي اطول ويدق كل شوي اشتقت لكم ومن هالكلام قلت له توعدني لنا يوم بالاسبوع وعدني يوم كامل لنا والحمدلله انحلت مشكلتي وعندي هنا بيت خالي صرت اطلع وكذا وتعرفت ع زوجت صاحبه نطلع سوا تجيني واجيها والحمدلله تغيرت حياتي -وصرت اذا نايم اقوله قوم فاتتك صلاه وكذا ا 0اجهز بنتي واجهز واقوله خذ فينا لفه ع الكورنيش وكذا والله الحين من نفسه صار يبي يطلعنا — ولا اعرف جيران ولاشي والحمدلله -نصيحه انشبيله ف حلقه هههه اسفه ع الاطاله ياجودي —
السلام عليكم اختي
الله يهدي زوجك بصراحه من اللي فهمته ان زوجك كمان مهمل الجانب الديني فالله يصلحه ويهديه
حاولي انه يحافظ على الصلاة وترى لو حافظ عليها راح ترتاحين ويرتاح ان شاء الله
الله يصلح الحال
يا جودي البدر و الله حاسه فيك
…..انا متزوجه من سنتين ما عندي اعيال و دوام زوجي يكون شفتات لمدة 12 يوم متواصل
وشوفي انواع الزهق و الملل حتى النت احيانا امل منه بس بارادتي انا كسرت الروتين اليومي
تعرفت على الجيران اللي بنفس العماره مع انه في البدايه زعل ما يباني اطلع مع باب الشقه الا
و هو معي بس انا رفضت لانه متى ما حب يطلعني يطلعني يعني بمزاج……
و انت يا جودي البدر حاولي تختلطين بالجيران لانه ماكو احسن من الجيران متى ما بغيت تطلعين
و بنفس العماره أحسن من اللي براه
مرحباااا اختي اولا دعواتي لك بظهر الغيب ان الله يفرج همك ويصلح زوجك ويسخره لكم
ثانيا وهو الاهم وان صلحت صلح حياتك وهو الصلااااااااااااااااااااااااااااااااااه
الصلاه في وقتها اهم حاجه خليها بحياتك وحياة زوجك بصفتك زوجته فانتي مسؤوله اولا عن
وضعه الديني وعلاقته بربه فاذا صلحتيها صدقيني حياتكم بتصير جنه وحلوه
هذا غير الدعاء والاكثار من الاستغفار بنية السعاده الزوجيه
يمكن تقولي انه بينزعج اول مره بس اهم شي المحاولات ان الشيطان بيخوفك بيقول لاتزهقيه خلاص
انتي داومي على حثه والله هو خير معين
اتمنى لك السعاده في الدين والدنيا