مليت خلاص ابي حل 2024.

السلام عليكم ورحمة الله وبركاتوا
كيفكم صبايا
راح اطرح مشكلتي على طووول بس اخاف تنامون خخخخخ
اولاانا انسانه ماقول على اللي يضاقني واذا تجرات وقلت لاحد ماخذ منه حل مقنع يعني لاحق ولا باطل شوفو ياحلوين مراح اطول عليكم بداية الحكايه كانت بشهر اربعه قبل اللي طااف جا شخص متدين وذو اخلااق
المهم خطبني ووافقت وعلى اساس الرجال مستعجل كان بيخطب وبيتزوج على طوول مع العلم انه له اخو اكبر منه مو متزوج بس كان راضي ان اخوه يتزوج قبله كنت مرتاحه للموضوع وعلى اساس كل شئ بيصير سريع سريع
المهم بعد الخطبه المذكوره اعلاه انقطع لفتره لاحس ولا خبر وسمعنا من الناس تراطيش كلام انه بدوره وهذي الدوره راح تاخذ سنه يعني يطلع منها بشهر اربعه من السنه التي تليها المهم صبرنا ومر الوقت
وجا رمضان اللي طاف وهو يدق على ابوي ويقول انا ابي البنت وانتظرني عشرين يوم اذا طلعت راح املك عليها واذا ماطلعت اكيد اكيد بجي بشهر 4 واملك واتزوج على طول ومرررررررت الاياااااام
واللي انخطب بعدي تزوج وجابوعيال وانتي مكانك
المهم وجا شهر اربعه ورااااااااااااح ولاحس ولاخبر ولاحتى الو00وسمعنا ان اخوه خطب وبعد فتره ملك مشاء الله وتزوج كل هذا حصل بعد خطبتيبفتره طويله كان زواج اخوه بشهر سبعه اللي طاف ابوي حضر الزواج فجا خطيبي لابوي وقايله احنا بنجي نملك بشهر ثمانيه او برمضان أي هذا الرمضاان
وطبعا مثل ماعودنا لاحس ولاخبر
المشكله ان اللي حولي عبالهم كان زواجي سريع وربي اغلب صديقاتي تزوجو بعدي الطيور طارت برزاقها لو كل واحد يعرف هالمقوله0امسااك بمعروف او تسريح باحساان0
ماصار هيك حتى اهلي اللي كانو قبل يفتحون السيره لي من فتره للثانيه يئسو وماعاد حتى يذكروني اني مخطوبه وربي احيانا انسى اني مخطوبه والمشكله عند الناس انا مخطوبه طيب لو بيجي احد يتقدملي 0ظ…ط®ط·ظˆط¨ظ‡ ومنسيه
مدري شاسوي مع العلم اني اعرف انه يبيني بس ليش كذا قسم بلله اني اتحاشى احد يسالني اتفشل اكره سؤال لما يقولون شصار عليك واقول والله على حطت ايدكم
ابي حل جذري ابي لما اكلم اهلي شاقولهم ابي شئ نسويه الحين مر على خطبتي سنه وعليها ولاشئ جديد ابد مجرد خطبه وبس مو حاله ابي ارسى على بر اللي حولي تزوجو الا انا مع اني مخطوبه قبلهم
ابي حل

اولاً قبل ترسين على بر رسيه اول..
هالشي بيد ابوك عشان لو تكلمتي انتي بيقولو ميته عالزواج..
قولي لاابوك يكلمه ويقوله يايملك ولا ترى باازوج البنت واخليها تشوف نصيبها..
ويحدد وقت لاانه باين ان الاخ مومهتم لو مهتم ماكان يماطل بجي ومن ثم مايجي..
غير كذا حاولي تجسي النبض من اهله شوفي هم بيزوجونه ولا مااهتمو..طبعا بطريقه ماتحسسهم في اهتمامك خلي الوضع عادي..

تدرين قلبي هنا المشكله يعني لو بنتكلم يبقلون وش عندهم مستعجلين على روحت بنتهم تعرفين الناس جدا معقده وانا اساسا مالي علاقه في اهله لامن قريب او بعيد
مشكوره حبيبتي على الرد
وعلى هالمرور

لاياعمري ماعليك منهم ..
تبين تصيري مثل اللي تنتظر لين تعنس..مستقبلك اهم منهم وخل يقولو اللي يقولوه اهم شي خلي ابوك يكلمه ..يكلمه الرجال شخصياً..وهو بيعيطه الرد من هالرد بتنحل مشكلتك..
اهم شي لاترهقي نفسك لوكان من نصيبك راح تمشون..

تدرين من سنه ونص مافكرت اسوي شئ واليوم قلت لاخوي ابيك بموضوع وانشاء الله راح اكلمه يكلم ابوي علشان ابوي يكلمه ويشوف حل
تدرين ليش من سنه ونص مافكرت اسوي شئ لان اللي حولي يحسسوني انها مو مشكله يحسسوني انه شئ طبيعي وعادي
تشكرين خييتو ماتقصرين

شوفي الحل الجذري..

أول شي قولي لأمك تقول لأبوك يدق عليهم ويعطيهم مهله 3 شهور جوا جوا
ماجوا اللي جابه يجيب غيره ..

وعى توووووول اللي من اقاربكم خلوهم يدرون عن اللي صار ..

وإذا قلتي كذا مو معناتها إنك مستعجله لأ..ولا معناتها إن أهلك مايبونك ..

عادي لايعطلون خلق الله ع الفاضي ..

وصدقيني اللي قالوا لك اصبري عليه من أقاربك هم أول من بيعايرونك إذا عنستي لاقدر الله وفاتك قطار الزواج..

وبعدين اللي مو مستعد لايجي يخطب يفارق بريحه طيبة أحسن له ..

طبعا هذا إذا ماملكتي ..

وإذا ملكتي مبروووووووووك..

يعطيك العافيه ياشهله الحكير لا انا بس مخطوبه ما ملكت
انا مخطوبه وصارلي تقريبا سنتين الا لو بملك ويضمني كم بياخذ مده مراح يتزوج الله يعين انشاء الله مراح اسكت وبشوف لي حل

عزيزتي :: رنووودة

يسعد صباحكـ

عليكـ بالدعاء قبل الكلام
..والإستخارة .. في أن تكلمين أخوكـ أو لأ

وبعدها ..كلمي الوالد .. أو أخوكـ .. أو الوالدة

إنهم يدقون عليه ..مو يعطونه مهله … لا يالغلا يقولون له

…إما تجي .. تملكـ وتتزوج أو تتركـ البنت تشوف نصيبها بحزم

…وربي يكتب لكـ الخير

ياااااارب

ويسعدكـ

ويوفقكـ

ونسمع إنك إتزوجتي

بس بشرينا يالغلا

امسااك بمعروف او تسريح باحساان0
اختي انا بقولك بكل صراحه …
واتمنى تتقبلين ردي
انا في وحده من عايلتنا صار لهااا هالموقف
وكل ما جا احد يخطبها قالوا عنها مخطوبه
وتمر السنين والايام واهل المعرس ماسكين البنت
اخر شي كنسلوا الخطبه بعد ماضيعوا عمر البنت
واذا كان يبيك يااختي خلي امك تكلم اهله وتشوف متى تملكين عليه واذا شافت ان مافيهم خير افسخي الخطوبه والعوض بالي احسن منه

اقتباس:

المشاركة الأصلية كتبت بواسطة أجمل حكاية