مين ط¬ط±ط¨طھ ط§ط¨ط±ط© ط§ظ„ط¸ظ‡ط± في ظ…ط³طھط´ظپظ‰ ط§ط¨ط§ظ†ظ…ظٹ ط§ظ„ط¯ظƒطھظˆط± ط§طظ…ط¯ ابانمي في الرياض
ولدت يوم الثلاثاء 23 رمضان كنت اراجع بقوى الامن على اساس اولد فيه وحولوني على ابانمي والحمد لله انهم حولوني
نجي للقصه
من اول مادخلت شهري وانا كل يوم اقول اليوم بولد وماولدت الا قبل ماينتهي شهري بيومين
واقولكم شلون ولدت بصراحه تهورت وشربت زيت خروع وانا مافيني طلوق ولا شي بس رحت المستشفى قالت الجنين راسه بالحوض ولكن قبل ماشربه استخرت وبعد مافطرت حطيت ملعقه صغيره في نص كاس فيمتو وشربته بعد ماصليت المغرب
المهم ماحسيت بشي وجت الساعه 11 وحسيت بطفش وكنت ببيت اهلي وقمت وسويت حنا لبنتي وحنيت شعرها << مروووقه
ولما جت الساعه 1 روشتها وانا امشط شعرها دق زوجي قال انا عند الباب
المهم جيت البس عبايتي الا واحس بشي ينزل مني وخفت جيت بدخل الجمام الا وشي يصب مني وينزل على فخوذي ورجلي لين يوصل الارض كأني فاتحه مويه الحنفيه يصب بشكل مخيف
قلت لزوجي اصبر شوي والبس كوتكس واطلع وقلت له بولد اليوم قال تولدين وانتي تسولفين وتضحكين معي < على باله اني امزح قلت له والله بولد شفيك وزوجي ماصدقني الا لما رفعت ملابسي شوي وانا بالشارع ووريته المويه اللي تصب مسكين خاف وقال شلون تركبين << خايف على سيارته تتوسخ المهم حطيت كيس وركبت ويوم وصلت البيت صلحت كف مريم وحطيته بقاروره مويه لاني عارفه قوى الامن مايدخلون معهم شي
وطلعت قوى الامن على الساعه 3 وانا احس بطلق خفييف وكشفت علي دكتوره سعوديه وقالت 3 سانتي بس بنحولك على ابانمي لان ماعندنا سراير وانا ارتحت لاني مستخيره فيهم
المهم ورحنا على ابانمي وخذ المشوار تقريبا ساعه وبها المشوار زاد معي الطلق مرره وشربت ككف مريم كله واحس هو اللي قوى الطلق معي صار يجي كل خمس دقايق وصارت المويا تنزل بشكل مو طبيعي
المهم دخلت ابانمي وجتني الدكتوره تكشف وانا بموت من الالم وقالت اسمي نورما وانا اللي بولدك والصراحه تعاملهم حلو تحملوني مره وكشفت علي ماحسيت بكشفها وقالت 4 سانتي قلت ابي ابره ظهر قالت لازم نسوي لك تحليل وننتظر نص ساعه عشان النتايج واذا مافيك شي عطيناك الابره
قلت الله يعنيي بتحمل نص ساعه وعطتني الحقنه الشنيعه ويييع تعور حسيت بشي بارررد دخل فيني وبعدها على طول وانا في الحمام وجلست يمكن ربع ساعه وتجيني الطلقه واتمسك بالبلاستيك واتنفس بعمق وحالتي حاله بالحمام
بعدها دخلوني على غرفه التخدير عشان الابره وجاني الاستشاري سوري كلامه يخقق فهيت معه شوي ونسيت طلوقي وهو يشرح لي شلون يحطون الابره والله مدري وش يقول
المهم قلت موافقه بس خلصوني ماعاد ابي احس بشي وجوني الممرضات جلسوني ع طرف السرير ورجولي ع الارض وحطو مخده على بطني وقالو تسدي عليها وغطو ظهري كله ومابان الا مكان الابره بس وحطها وركب القسطره وخمس دقايق بدا مفعولها وماعاد حسيت بشي ابد الحمد لله والله انها نعمه
المهم طلعوني من غرفه التخدير على الساعه 5 ونص تقريبا ودخلوني غرفه الولاده وكان مفتوح 5 سانتي واخذ لي غطه من الساعه 6 الى الساعه 9 ونص ماحسيت بأي شي << ياحلو الولاده بس
قمت الساعه تسع ونص وسألت الممرضه كم مفتوح قالت 9 ونص قلت حلو متى ولاده قالت انتي الساعه 10 فيه ولاده قلت حلو الى 10 يمدي اخذ غطه
امزح ماقدرت جلست انتظر طفلي بفارغ الصبر
المهم وانا قاعده ازين اظافري الا وحسيت اني ببرز وانادي الممرضه قلت لها بروح الحمام قال براز قلت ايه قال ادفعي ولاده قلت يمه على طول كذا وتروح تدق على الدكتوره ويلبسون ويقربون الكشاف ويرفعون رجليني وانا ميته خوف وهم يقولون ادفعي وادفع والله مدري شلون ادفع وتقولي اكتمي نفسك وادفعي والدكتوره اللي جتني مو نفس الاولى لان الاولى خلص دوامها جتني وحده سيلانيه احس تصلح خدامه مو دكتوره كشفها مره يعور وقامت توسعني بيدها والله حسيت بيدها كلها وحسيت بطلعت الراس وطلع ولدي للدنيا الله يحفظه
وخيطتني وشالو الابره وودني لغرفتي وسميته محمد
وتوته توته خلصت الحتوته
وتعليقي على ابره الظهر بصراحه حلووه مره ونعمه من ربي وابدا مو خطيره ولا لها اي علاقه بالشلل
وبالنسبه لزيت خروع لاوحده تتهور وتشربه بددون ماتتأكد ان رحمها مفتوح انا تهورت بس الحمد لله جت العواقب سليمه
وانصحكم بعد الولاده باستعمال فولتارين اذا حسيتو بألم الخيوط وهالحبوب فيه منها تحاميل وفيه حبوب انا جربت الثنتين وكلهم حلوات بس مفعول التحاميل اقوى