[frame="7 10[a7la1=#ff00cc]"]
كيف حال كل الحوامل
انا جديدة في المنتدى
ومن جدة -وطالبة مساعدة من أهل جدة من فين نجيب تفاسير البيبي (الهدايا ) وتكون شئ حلو وفخم وبأسعار جيدة قمصان الولادة من فين وفين الاماكن المميزة
وشكرااااااااااااااااا
[/a7la1]
[/frame]
وينكم ياأهل جدة
حبيبتي تقومي بسلامه وكل شي موجود في العائله مول مايخص البيبي وقمصان وطرح النفاس وكل شي فيه واسعره حلوووووووووووووووووووووووووووه هذا اللي اعرفه
جزاك الله خير بس فين مكان السوق
وشكراااااا مرة
وفين البقية
يا اختي المحل هدا اتوقع انو في البوادي لاني مره زوجي وداني هناك وحلو واسعارو حلوه وفي اي شي
انا كمان حامل بالشهر الثالث ادعو لي انا مره خايفه
مساكم ورد
انا كمان حامل ودائما انا وزوجي نروح نستكشف اماكن ومحلات لي وللبيبي لو تبغي الغالي موجود والرخيص موجود
قمصان الولاده او ارواب الاستقبال الغالي عند بيت الفخامه ,واحه الجلابيه ,نعومي اما الرخيص والحق لله حلوه ونحنا الصراحه مايبغالنا زركشه وفشخره في لبسنا المهم النظافه واناقه وبساطه المهم الرخيص لقيتو في اسواق الشاطئ هما محلين دنيا الاطفال ,الوان الاطفال عندهم ارواب استقبال حلوه قطعه وقطعتين وتلات قطع وناس مدحو لي الهرم بس انا ماشفتوه اما الهدايا اعرف محل مررره حلو نصف القمر اعتقد في الستين وانشاء الله البنات يفيدوكي اكتر تحياتي ليكي