النهاردة حلمت خير اللهم اجعله خير يارب اني كنت موجودة في مصر ﻻني مغتربة حاليا وكنت هحضر فرح اخويا ويوم الحنة كان يوم كتب الكتاب بردو واليوم كان عادي والكل مبسوط واخويا لبس وانا كنت معاه وبعدين راح يكتب الكتاب وبعدين معتش لقيت اي مظاهر للفرحة ولقيت كل حاجة ساكتة والوقت اتاخر .. بقيت امشي في البيت طلعت في شقة اخويا لقيته نايم .. نزلت تاني مشيت ادام اوضة بابايا ومامتي نادو عليا قولتلهم انتم صاحيين قالولي ايوة تعالي قولتلهم انتم كنتم فين مفيش مظاهر للفرحة يعني من ساعة ما روحتم تكتبو الكتاب .. ماما قالتلي اخوكي محمد فين قولتلها لقيته نايم قالتلي وعروسته مي فين قولتلها فين ايه قالتلي ماتت قولتلها ازاي ماتت قالتلي كانت في العربية وعملت حادثة هي وعيال كانو معاها المشكلة مش في انها ماتت المشكلة انها رجعت متبهدلة ومتربطة .. وبابا دخل في الكﻻم وقال هنجيب حقها .. قولتلهم يعني محمد كان رايح عندها لقاها ماتت قالولي ده شكله مكانش عاوزها تخرج اصلا وقالها براحتك .. كان بيقولها براحتك واتاريه بيقتلها وسايبها تتقتل .. وخرجت من اﻻوضه عندهم وروحت اوضتي وقعدت اصرخ وصحيت الحمدلله اخيرا
انا اسمي مروة وعندي 23 سنه
واخويا ده متجوز بقاله 7 شهور وانا فعلا نزلت حضرت فرحه
الحلم ده كان الساعه 9.5 صباحا انا كنت صحيت رضعت بنتي كانت 8.5 ونمت وصحيت بعدها بساعة
الرجاء تفسير حلمي من فضلكم
الله يجزيك كل خير
