السلام ط¹ظ„ظٹظƒظ… ورحمة الله وبركاته ..
رايت بالمنام اني اركب سيارتي قبل المغرب بقليل وبكون ذاهبة لاشتري بعض الاغراض للبيت .. انا حاليا مقيمة بالاردن ولكن المكان اللي شفته بالمنام كانه بلد خليجي والله اعلم انها قطر لانه انا بتنقل بين الاردن وقطر باقامتي .. بدخل بالمنام سوق خضار كبير اول ما بدخل بكون في مقابلي بائع خضار مرتب الخضار اللي عنده بطريقة حلوة بلفت نظري ورق عنب لونه اخضر كتير حلو .. وكميات كبيرة بسأل عن سعره عشان اشتري وبكون احكي لنفسي راح اخد شوي لانه اكيد سعره غالي … البائع بحكيلي اتوكلي على الله انا بلتفت على يميني بشوف بنت كانت معي بالمدرسة زمان هاي البنت اسمها منار بحكي معها وبسألها عن احوالها وانا بحكي معها بتجي بنت تانية كانت معي بالمدرسة اسمها منيرة وهمي التنتين صديقات كتير كانوا.. وللعلم انا من وقت ما خلصت دراسة مدرسة ما شفتهم او بعرف عنهم اي خبر .. بسأل منيرة عن احوالها بتحكيلي انها بدها تكمل الدكتوراة بحكيلها شو الماجستير اللي درستيه حكتلي ما معي ماجستير وفجأة بتصير قدامي صفحة منيرة الفيسبوك وبشوف التعليم عندها بكون كله من اكبر وارقى المعاهد والجامعات الاجنبية … وفجأة برجع لبياع الخضار بشوفه بحطلي ورق عنب كتير بكياس انا بحكيله خلينا نتفق على السعر بكمل وبدخل ورق العنب بألة بتخليه ينزل بطريقة مرتبة .. بالاخير بحكيلي حطيتلك ( 10 ) كيلو .. سعرهم 10 دنانير .. مع اني ببيعهم للناس التانية ب 15 دينار .. انا بنبسط انه السعر رخيص جدا ..ولما بدي اجي اعطيه الحساب بطلع بشنطتي بلقاها مليانة فلوس وكلها من فئة العشرات والعشرينات وبطلع بجزداني بكون في عمله اجنبية ورقتها لونها احمر فئتها ( 20 ) وحجمها كتير كبير وعليها ختم لونه ذهبي .. وبدفع الحساب وبروح ..
وفضلا لا امرا شو تفسير السفر الى مدينة " بيرمنجهام" في المنام !
معلومات عني :
عزباء
العمر 26
طالبة ماجستير
لا اعمل
وضعي المادي ممتاز والحمدلله
مرتاحة نفسيا
وحالتي الدينية ملتزمة نوعا ما
