لعنبو قصه غرام كل ابوها كلمتين
ابتدينا عن ( احبك ) وانتهينا عند ( باي )
تونا بالحب والله ما مشينا خطوتين
وانتهى الموضوع فجأه حتى مدري وش خطأي
أنتهى الموضوع فجأه بالسهوله تحكمين
وين أحبك ؟ وين ابيك ؟ وين ساكن في حشاي؟
يمكن انك ماوفيتي يوم جيتي تعشقين
ويمكن انك تحسبيني ابتبعك من دون راي
ويمكن اصلا ماعشقتي بس كنتي تلعبين
ويمكن انك ما وصلتي في هواك لمستواي
ويمكن اني ماعرفتك في الحقيقه وش تبين
ويمكن اني خنت نفسي يوم اعطيتك وفاي
علميني في الهوى ياجاهله وش تعرفين ؟
تعرفين انك غديتي شي يجري في دماي
علميني في العطا والتضحيه وش تفهمين ؟
لعنبو حيك عشانك سبت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواك مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ماسكن وسطه سواي
ماوعيت الا وانتي في خفوقي تطعنين
ماوعيت الا وسيفك في الحشا رايح وجاي
ورده ايه ورده بس عرفتي تجرحين
كل شي فيني جريح الا فخامه كبريأي
ما تأثرت بغيابك وش يعني دمعتين ؛؛؛
بكره انسى صدقيني وارجع بكامل قواي
ادري ان حنا افترقنا بس ابفهم حاجتين ؛
علميني وش كسبتي ؟ وعلميني وش خطاي ؟
اصلا الموضوع كله ماتعدى كلمتين
التقينا عند ( احبك ) وانتهينا عند ( باي )
شاعر مبدع ماعليه كلام << لا احسن اعطيه البيرق
ههههه
تسلم يدنك ع الإنتقاء الرائع جلكسية
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواك مثل سكر وسط ماي
كلمات في غاية الروعه يسلموووو ع النقل
تقبلي مروري
تسلمين يا ميلاد الغلا وانتي يالقمر مروركم ابهجني كثيراُ وزداد بكم قلبي فرحاُ شرفتو صفحتي وملأتموها حلاوة
يعاااااااااااااااااااافيك..قصائد حامد كثير تروق لي لاان فيه عزة نفس قويه..
تسلم الايادي..
