شوفي شكل ط§ظ„ط´ظپط§ط© الطبيعي بكون واحد لاثنيين يعني اذا كانت شفاتك السفلى 2 سم المفروض تكون العليا واحد سم والبعض يقول لازم تكون واحد ونصف الى واحد يعني اذا كانت الشفاة السفلى واحد ونصف سم لازم تكون العليا واحد طبعا هذا مقياس معروف عند اكباء التجميل انا كان عندي العكس وهو ان الشفاة العليا اكبر من الشفاة السفلى وكانت عاملة لي ازمة بصراحة فا قررت اني اروح لطبيب تجميل واول مادخلت عليه قلت له المشكلة ضحك وقال الناس تكبر وانتي تصغري؟ قلت له اي انا مااحب الشفاة الكبيرة وقالي انا شايفهم حلويين قلت له لا انا مصرة فا عملت التحاليل الروتينية وبعدين قالي تعالي الخميس الصباح ىعشان نعملك العملية والله سهلة عملي تخدير موضعي وفي نفس العيادة بس الابرة المخدرة كانت مؤلمة اذكر عيوني دمعة شوي اي وقبل لايعطيني الابرة رسم بالقلم على شفايفي وقال بنقص هذا الجزء طبعا انا سويت في الشفاة العليا فقط ولما عطاني الابرة انتفخت وصلت لخشمي يدافع البلى هههههه وابدا والله ساعة وخلص وعطاني حبوب مسكنة لان اول ليلة بتحسي بالم شوي وطبعا ماتعرفي تاكلي كويس بس من اليوم الثالث بتحسي ان الالم والورم بدا يخف عشرة ايام بالكثير وكل شي مافية طبعا راح يغطيها بشاش ثم ترجعين له عشان يشيلك الخيوط بس حطي في بالك انوا راح تصغرينها الى حد معين لان قالي لوصغرتها اكثر راح تشوه وماتعرفين تقفليين فمك بعدين يعني مش ممكن وحدة شفايفها زي انتصار الشراح وراح تصير زي شفايف نجلاء فتحي طبعا لها حد معيين حسب شكلها الاصلي انا مااقولك شفايفي اصبحت جميلة لا بس ع الاقل اصبحت غير ملفته ومناسبة لوجهي والحمدلله راضية عن شكلها سويتها في مستشفى الفرقدين في الاحساء عند الدكتور محمد عوض بثلاثة الاف بس للاسف الحين سافر وجابوا مكانة دكتور اسمه عاطف امين برضوا كويس روحي له انا جربته كويس وعلى فكرة حتى اهلي بصراحة ماخبرتهم بالعملية ولما شافوني قلت لهم مسويه ط¹ظ…ظ„ظٹط© جراحة في احد اسناني ومشت عليهم وماحد لاحظ بس يقولون لي كانك محلوة ف ارد عليهم طول عمري ياامي هذا العادي حقي ههههههه انشاء الله اكون فدتك واذا عندك سؤال انا تحت امرك
ماتعرفي احد عمل تجميل الانف وكم سعرو
انا من مكه واحبه اسوي ان شاالله
انا سويتها في الشرقية في مستشفى تداوي في الدمام عند الدكتور بابكر فدعق ب 5000 الاف ريال سويت عنده اسفل الانف فقط الي يسمونه الارنبة او الغضروف عملية بسيطة جدا
ماشاء الله عليك شفايف وانف شكلك ماتخافي من العمليات هههههه
الحمد لله ع سلامتك حبيبتي والحمد لله انها زبطت ومشكوووره
بطرح تجربتك عشان نستفيد
