بسم الله الرحمن الرحيم
اخواتي انا مثل ماتلاحظون عضوة جديدة وكل همي استفيد وافيد وانا باحثه مخضرمة في مجال التبييض وتفتيح البشرة لان هالامر اصبح جنوني بالنسبه لي يعني هاجس
المهم انا طارحه هالموضوع عشان افيدكم واقسم بالله العظيم نابع من تجربه شخصية لاني كنت في قروب كلنا بنات ندور على شي اسمه ابرة التبييض الخرافيه تعبنا وزرنا مراكز بكل مكان بالسعودية لان فيه بنات انقلبوا بياض مو طبيعي يعني مو طبيعي لدرجة ماتفرقون الاظفر من الاصبع كله قطعه وحدة لون ابيض على وردي
المهم رحت لمركز بالرياض ولقيت دكتورة شاطرة استشاريه قالت لي عن ابره وحدة تعطي بياض وهي ابرة هدفها تحد من صبغة الميلانين في الجسم وهذي مستحيل تدخل السعوديه او دول العالم العربي لانها مضره صحيا فقلت لها عن البنات اللي انقلبوا قالت اذا ضاربينها يمكن بس برى السعوديه اما هنا استحاله المهم اقنعتني استخدم ابر معروفه عند الاغلبيه اسمها ابر غلوتاثيون وفيتامين سي والكولاجين واستخدمت وياها حبوب كانت التكلفه تقريبا بحدود الخمسة الاف ريال
ماتصدقون وش اللي صار عقب شهر من استعمال الحبوب واربع ابر والله العظيم بياض ملحوظ في منطقة الوجه والكفوف والاذرع والكل يسالني وش مسوية الابر عددهم عشرة امبولات والفيتامين سي والكولاجين كلهم يكفون عشر اسابيع لان المفروض اخذ ابره كل اسبوع بس حاولت ازيد الجرعه بحيث اخذ ابرتين بالاسبوع ورفضت الاستشاريه الحاصل ان كفوفي قلبت على وردي شيئا فشيئا وربي وبدون كريمات او خلطات والله على مااقول شهيد حبيت افيدكم وانا اول وحدة استخدمها في القروب والبقيه عقب النتايج بيستخدمونها وبداوا بالحبوب الحين يعني محاكيتكم باختصار فار تجارب
تقبلوا ودي والابر والحبوب جبتها عن طريق وكيله من خارج المملكة وماقصرت الحين طالبتها الكورس الثاني من الحبوب اما الابر باقي عليها ست امبولات وتخلص طبعا الحبوب فيها ستين حبه تكفي شهر يعني حبتين باليوم
اتمنى اكون فدتكم ولكم كل الود 
لا موكويسه الحبوب والإبر لها مضار جانبي استخدمي طبيعي احسن
مدري بس مااا قتعنت بالابر والحبووب احس اخاااف تجي مضاار خلينا ع الخلطاات ابرك لنااا خخخخخخخخخخخخ
يسلموووووووووووووووووووووووووو حياااااتي
مااقتنع في الصناعي الطبيعي احسن
يعطيك العافيه
[frame="1 80"]
مشكووووووووره على موضوعك ياذوق بس المشكله حبيبتي نخاف من الاضرار
لان بصراحه سمعت انها تغيير للجينات فعشان كذا خلى السمار اصرف
[/frame]
اهلين اختي يالبيه كلي ..
اذا ماعليك امر ابي منك تساعديني ابي اعرف المركز الطبي الي رحتي له انا في الرياض وشريت الابر وفيتامين سي والكولاجين وابي مكان كويس اخذه فيه انصحيني اختي انا خوفتني وحده تقول ان يدينها صار فيها عقد
