ارجو تفسير رؤياي وجزاكم الله خير الجزاء …
رايت انه خطبني واحد من ابناء او من احفاد رجل ابرص اسمه صبار هويش
واقنعت ابوي فوافق ابي لكن بعدها ندمت واردت ان اتراجع لكن خفت من ابي
وجاء موعد الزفه وزفوني على خشبه نفس اللي يشلون فيها موتى وارادو حمل جنائز معي على نفس الخشبه وكنت اقول لا انا اخاف لاتشيلونهم معي لكن شالوهم معي وبعدين وصلنا الى صاله العرس وهو نفق تحت الارض ممر وبه غرف كثيره كل غرفه فيها امراءه في غايه الكشخه ومشيت ومعي اختي عايشه ووصلنا الى صاله فيها كراسي كثيره وقلت خلاص بحرج من الصاله واعود في وقت الزفه وقالت ام المعرس بعطيك هديه وعطتني هديه انا واختي عايشه عباره عن كيس ورقي ابيض بس مدري وش داخله وخرجنا من الصاله ….. انتهى
عزباء
عمري 28حريجه جامعه عاطله
اخي ضيف /
انا عزباء وانخطبت بعد الحلم باسبوع
اهل المعرس اللي في الحلم مايقربون لنا ولا اعرف عنهم الا هذا الرجل الابرص ولا عمرهم خطبوني ولا عندهم نيه يخطبوني
ابوي دايم يرفض الخطاب عني بحجج واهيه
بعد الحلم باسبوع خطبني واحد وسئللونا وش يقرب لكم صبار الابرص عشان كيذا حسيت ان للحلم علاقه
وانا دايم لو خطبني احد اكون متردده
والحمد لله مافيني مشاكل صحيه وانا كثيره الشك بالنساء
اما دينيه ما ادري انا اصلي واصوم لكن فيني تقصير عسى الله ان يتجاوز عن سيئتنا
وقبل النوم ماكنت افكر فيهم لكن احيانا افكر بصبار الابرص كيف الناس تزوج عائلته وكيف الناس تتزوج منهم
واللي خطبني بالحلم ما اعرف من هو بالتحديد هل ابن او حفيد الابرص وهذا الابرص عنده ابناء واحفاد كثير لكن ماعرف شي عنهم
وكمان صباح هذا الحلم ماتت زوجه عمي
